SBS Hmong - SBS Hmong

Nrab xyoo 2024 no ces ntau lub teb chaws hauv ntiaj teb yuav tau hom tshuaj vaccine ob uas hno tiv thaiv kab mob malaria uas yog ib hom kab mob yoov tshaj cum siv lawm. Ntiaj teb lub koom haum tswj kev noj qab haus huv xav kom tsim kom tau 100 million koob siv ib xyoos twg, cia siab tias ib koob raug nyiaj li ntawm USD 4. Txawm li cas los Ntiaj teb lub koom haum noj qab haus huv tseem yuav tau ua tib zoo los txheeb xyuas tus tshuaj no ua ntej yuav coj los siv.

Xov xwm luv tshaj rau hnub zwj Feej (Wednesday newsflash 04.10.2023): Neeg thoj nam ntawm teb chaws Ajerbaijan, muaj neeg coob tuaj ntxiv pom zoo rau Yes Voice, Haiti thov UN pab tswj kev ruaj ntseg, tsoom fwv teb chaws yuav pab tej xeev tua hav zoov kub hnyiab, tej nqe siv ua lub neej, xwm txheej tua neeg ntawm Bangkok ib lub khw, Sretha 3 lub tswv yim lagluam, Nplog cov tsheb siv hluav taws xob.

Txij hnub tim 2 lub 10 hli ntuj xyoo 2023 no twb tau muaj ntau lub xeev tau xub pib mus tawm suab rau Voice Referendum seb puas pom zoo kho txhooj cai tswj haiv kom muaj suab rau neeg txum tim hauv tsev tsoom fwv ntawm qee cov xeev lawm. Australia lub koom haum tswj kev xaiv tsa (Australian Electoral Commission - AEC) thiaj hais tias xav kom sawv daws npaj tswv yim siv yog tsis muaj peev xwm mus tawm suab rau hnub tawm suab tim 14.10.2023 ntawd ces kom xub mus tawm suab ntxov ntawm tej chaw tawm suab tau npaj, los yog mus tawm suab online tau ntawm aec.gov.au kom thiaj txais kev yooj yim rau sawv daws.

Depending on where you live in Australia, selling a second-hand car differs. Regardless of your state or territory, the following checklist can help you navigate your vehicle selling experience successfully and stress-free. - Tsuas nyob ntawm seb koj nyob rau qhov twg ntawm Australia no xwb, ces thiaj muaj cov kev muag koj lub tsheb uas koj twb siv lawm sib txawv thiab. Tsis hais koj yuav nyob lub xeev twg li, tej checklist ntxiv no yuav pab kom koj muaj peev xwm muag tau koj lub tsheb thiab tsis txhob txhawj dab tsi.

Xov xwm luv hnub zwj Quag (Tuesday newsflash 03.10.2023): muaj cov kev tawm suab Voice Referendum ntxov ntawm ntau lub xeeev, Victoria cov ceeb toom hav zoov kub hnyiab, RBA cov kab theem paj, tshuaj Malaria vaccine, tswv yim daws Nplog tej tsheb daig, Thaib cov lagluam ntoj ncig thiab tej nyiaj digital wallet, Netherland rooj plaub uas nplua Apple.

Program xov xwm tshaj tawm hnub zwj Hnub (Sunday news program 01.10.2023): xov xwm hnub zwj Hnub, kho Australia tej cai Privacy Laws, tej tswv yim pab koj muag koj lub tsheb.

Nod yog tej tswv yim thiab tej txheej txheem pab kom koj muag tau koj lub tsheb rau lwm tus.

Tau muaj ib cov kev teeb txheeb tshiab qhia tias Australia yog lub teb chaws zum 4 uas nplua nuj tshaj plaws hauv ntiaj teb, tej neeg nplua nuj tseem khwv tau nyiaj ntau tshaj tej neeg khwv tau nyiaj tsawg tshaj plaws txog 4 npaug, thiab tej neeg tau txais nyiaj pab cuam ntawm tsoom fwv (Income support payment) tseem yog cov txom nyem tshaj plaws ntawm cov teb chaws koom tes lagluam thiab txhim kho (Organisation for Economic Co-operation and Development - OECD). Tej koom haum pab cuam tej neeg txom nyem thiaj nqua hu kom tsoom fwv Albanese pab tej nyiaj no kom ntau tuaj ntxiv rau tej neeg txom nyem rau nws tsoom fwv tej nyiaj puag xyoo tom ntej no.

Tsoom fwv Albanese tau qhia tias nws yuav los kho Australia tej privacy laws thiab tsim khom tau tsab cai no rau xyoo 2024 no. Lub hom phiaj tom qab tau txheeb tej cai no tau ob xyoo yog xav kho dua lub ntsiab lus ntawm neeg ntiag tug tej xov xwm, thiab yuav tso cai rau neeg Australia muaj cai foob tej tuam txhab uas ua lawv tej xov xwm ntiag tug paim quav. Tsis ntev los no los tsoom fwv Albanese kuj tau qhia tias tej tuam txhab lagluam uas tsis kub siab nrog xyuas thiab pov puag tej customers tej xov xwm ntiag tug thiab tseem ua paim quav thiab ces yuav raug nplua nyiaj txog li AUD 50 million.

Australia tej koom haum tua hluav taws, tej koom haum daws tej xwm txheej ti tes ti taw thiab pab cuam zej tsoom tau mus koom lub rooj sab laj National Disaster Preparedness Summit ntawm tuam ceeb Canberra lub tim tim no los npaj tswv yim tseg tias yuav daws tej teeb meem ntuj tsim kev puas tsuaj li cas rau lub caij nplooj hlav los yog lub caij ntuj so yuav los txog no.