SBS Hmong - SBS Hmong

Raws li tau muaj ib co kev teeb txheeb tshiab ntawm lub tsev kawm qib siab ntawm tsev kawm qib siab University of South Australia tau qhia, ces kuj txheeb tau tias cov tshuaj Narasin uas yog ib cov tshuaj antibacteria thiab antifungal uas siv kho tej tsiaj txhu muaj peev xwm siv tua tau tej kab mob bacteria uas pheej ua rau mob pob kab ntxaus thiab. Txawm li cas los tseem npaj thiab yuav coj tej tshuaj no coj los sim kho tib neeg seb siv puas tau hauj lwm zoo li cas tom qab uas sim hauv tej labolatory uas pom tau tias siv tau hauj lwm zoo heev ntawd.

Nod yog tej tub koom siab ntawm Hmoob tej zejzog ntawm teb chaws Australia tej lus tawm tswv yim txog Voice Referendum seb puas pom zoo kho txhooj cai tswj haiv kom lees paub thiab teev zwm Australia tej neeg txum tim Aboriginal and Torres Strait Islander rau hauv tej txhooj cai tswj haiv thiab teeb tsa pawg neeg ua suab sawv cev rau neeg txum tim Australia hauv tsev tsoom fwv ua ntej yuav txog hnub tawm suab hnub tim 14 lub 10 hli ntuj xyoo 2023.

Australia lub koom haum tswj dej num xaiv tsa (Australian Electoral Commission - AEC) hais tias nws yuav tau nrog tswj tej xov xwm cuav uas muaj ntau tuaj ntxiv, tej xwm txheej neeg tib thiab hawv yuav ua phem rau nws tej hauj lwm rau lub caij yuav txog hnub neeg Australia tawm suab tim 14 lub 10 hli ntuj xyoo 2023 seb puas pom zoo kho txhooj cai tswj haiv kom lees paub neeg txum tim rau Australia tej txhooj cai tswj haiv thiab seb puas pom zoo tsim pawg neeg ua suab sawv cev rau neeg txum tim hauv tsev tsoom fwv kom lawv muaj cai los tawm tswv yim txog ntau yam cai nom tswv tsim uas tej zaum yuav ua rau muaj teeb meem rau lawv lub neej.

Capital Gains Tax (CGT) yog ib co se ntawm cov personal income tax uas yuav tau them rau tej peev txheej uas koj muag li vaj tse, shares, cryptocurrency los yog lwm yam peev txheej txawv teb chaws uas koj muaj. Lub koom haum Australian Taxation Office (ATO) hais tias kom sawv daws yuav tsum xyuas kom them tej se no rau lub caij thov se (tax return) tsis li ntawd ces tej zaum kuj yuav raug nplua thiab. Yog muaj teeb meem dab tsi los yog xav tau kev pab cuam txog cov kev them se ces sib txuas lus nrog ATO los yog sab laj nrog tej tax agents (accountants).

Xov xwm luv tshaj tawm hnub zwj Kuab (Friday newsflash 2023.09.22): Australia tej nom cov lus tawm tswv yim txog Rupert Murdoch, nyiaj puag xyoo 2022/23 tsam, Australia koom nrog Netherlands thiab EU rau txim rau tej neeg tua fij dav hlau MH17, Tsev kis xeev siab cov kev txheeb txog kab mob COVID-19, Tsev kis xeev sib cov kev txheeb txog tuam txhab Qatar Airway tej fij dav hlau, NT cov kev txwv tsis pub rauv taws, neeg txum tim tej kev tawm suab tsis pom zoo rau tej suab sawv cev rau neeg txum tim, India tsis pub visa rau neeg Canada siv rau lub caij Canada tseem tshuaj ntsuam tias vim li cas Hardeep Singh Nijjar thiaj raug tua ntawm Canada, Brazil lub Supreme Court txiav txim rau tej neeg txum tim Brazil muaj cai ua tswv av.

Australia lub koom haum ntsuam thiab kwv yees huab cuab tau qhia tias tam sim no Australia poob rau cov xwm txheej huab cua El Nino tib yam li UN lub koom haum tau hais lawm thiab. Txhais tau tias yuav ua rau muaj huab cua kub sov thiab qhuav nkig uas yuav ua rau muaj cib fim mob nkeeg los yog muaj cib fim muaj hav zoov kub hnyiab ntau tuaj ntxiv li tej tab tom muaj ntawm xeev NSW thiab Tasmania rau lub caij nploog hlav los yog lub caij ntuj so uas yuav los txog sai sai no. Yog li ntawd ne koj los yog tej nom tswv no yuav tau npaj li cas kom thiaj tau txais kev nyab xeeb?

Yeej muaj neeg Australia yuav laug txog li ntawm 30% tsis paub tias lawv muaj cov yam ntxwv mob plawv atrial fibrillation uas yog tsis kub siab ces tej zaum yuav ua rau mob stroke los yog plawv tsis ua hauj lwm, thiab yeej muaj neeg Australia txog li 500,000 tus tau tus mob no, thiab ntshe tseem yuav muaj neeg coob tuaj ntxiv tau tus mob no rau lub caij uas neeg Australia muaj hnoob nyoog tuaj ntxiv. Yog li lub koom haum Hearts4heart thiaj nqhua hu kom muaj cov kev kub siab tshaj no los qhia kom tej neeg kub siab xyuas kom tau txais kev noj qab nyob zoo rau lub plawv.

Txij xyoo 2025 no mus ces tej neeg ntiav tej chaw so Airbnb so ib ntus rau lub caij holiday yuav tau them se 7.5% ntxiv, kom thiaj nrhiav tau nyiaj los pab tsoom fwv xeev Victoria tsim vaj tse kom ntau tuaj ntxiv rau neeg Victoria nyob.

Program xov xwm hnub zwj Teeb (Thursday news program 2023.09.21): xov xwm hnub zwj Teeb, kev npaj kom tau txais kev noj qab nyob zoo rau lub caij ntuj so yuav los txog no, Victoria cov kev tsub se rau cov lagluam Airbnb, cov kev noj qab nyob zoo rau lub plawv.

Capital Gains Tax (CGT) is an important tax liability added to your taxable income for the financial year. It is not a separate tax. Read more to understand what it is and how the Australian Taxation Office (ATO) enforces it. - Capital Gains Tax (CGT) yog ib co se uas yuav tau them ntxiv rau tej nyiaj koj khwv tau rau ib financial year twg. Thiab tsis yog lwm cov se (tax) txawv dab tsi. Nyeej tau ntxiv kom koj nkag siab txog tias CGT yog dab tsi thiab Australia lub tuam chav sau se (Australian Taxation Office - ATO) ho tswj tej hauj lwm no li cas.