SBS Hmong - SBS Hmong

Pab nom Greens tau hawv rau tsoom fwv Albanese tias yog nws tsis kam them nyiaj rau tej niam txiv so rau lub caij yug me nyuam ces nws yuav tsis pab tsoom fwv cov hauj lwm uas nws tseem xav thov tsim cai kom thiaj tsub tau se kim rau tej neeg muaj nyiaj superannuation ntau.

Program xov xwm hnub zwj hnub (Sunday news program 2023.09.03): xov xwm hnub zwj Hnub, tej tshuaj pheej yig uas neeg mob Australia yuav muaj peev xwm yuav, pab nom Greens yuav hawv tias yuav tsis pab tsoom fwv tsub se rau tej neeg muaj nyiaj super ntau yog tsis them nyiaj pab rau cov neeg thov Paid Parental Leave.

Xov xwm luv tshaj tawm hnub zwj Kuab (Friday newsflash 2023.09.01): hnub tim 01.09.2023 no mus ces tej neeg muaj ntau yam mob ntev yuav tau tshuaj siv kav ob hlis lawm, pab nom Greens xav kom them cov nyiaj super rau lub caij yug me nyuam rau tej poj niam nws thiaj pab tsoom fwv Albanese cov hauj lwm txo se rau tej neeg khwv tau nyiaj ntau, ob tug neeg ntawm lub koom haum Proud Boy raug kaw tsev laj cij tshaj 10 tawm xyoo, Sretham Thavisin npaj tej nom tseem ceeb npe thiab thov kev pom zoo ntawm huab tais Thaib kom tej neeg no muaj cai ua nom, Tsoom fwv Thaib tshiab npaj txo nqe hluav taws xob thiab nqe roj los daws teeb meem nuj nqes siv ua lub neej rau pej xeem Thaib.

Program xov xwm hnub zwj Teeb (Thursday news podcast 2023.08.31): xov xwm hnub zwj Teeb, tshab txhais txog Voice, pawg neeg tsis pom zoo muaj suab rau neeg txum tim, sim siv cov stem cell research kho qhov muag, tshab txhais txog Australia tej cai faib peev txheej.

Tau muaj ib cov kev teeb txheeb uas tseem tab tom sim siv cov stem cell los kho qhov muag thiab kuj muaj kev cia siab tias muaj ib hnub twg yuav muaj peev xwm siv tau cov eye stem cell research uas tseem npaj yuav ua clinical trial ntxiv no los kho seb puas yuav pab kom tej neeg ntau txheeb tus qhov muag pom kev.

Unlike some other countries, Australians do not pay an inheritance tax on the assets they inherit. Even so, strict inheritance laws are in place, and with more than 50 per cent of Australians dying without a Will, the courts often intervene. - Tej neeg Australia ces yeej txawv tej neeg ntawm lwm cov teb chaws uas tsis tas them se dab tsi rau tej peev txheej teej tug uas lawv tau los ntawm lwm tus li. Txawm li cas los yeej muaj tej cai inheritence laws nruj heev siv thiab, tsis tas li ntawd los kuj tseem muaj tej neeg Australia coob tshaj 50 feem pua yog tej neeg tas sim neej yam tsis muaj ntawv faib peev txheej thiab, ces thiaj ua rau tej tsev hais plaub yuav rau raus tes.

Xov xwm luv tshaj tawm hnub zwj Feej (Wednesday newsflash 2023.08.30): ua hauj lwm nrog Australia Railway Association, Victoria cov 000 services, VIC cov progam pab tub rog, pab cuam kom tau txais kev nyab xeeb rau tej poj niam yug me nyuam ntawm yaj sab, Australia tus neeg sau ntawv uas raug kaw ntawm Suav teb, Malcolm Turnbull txhawb nqa Yes campaign, tej chaw sam tsheb hluav taws xob ntawm Victoria, tim 14 lub 10 hli ntuj xyoo 2023 yog hnub neeg Australia tawm suab seb puas pom zoo kho txhooj cai tswj haiv los lees paub thiab teev zwm Suav sawv cev rau tsev tsoom fwv thiab txhooj cai tswj haiv, txhom tej neeg dag neeg cuam tshuam txog telecommunication fraud ntawm Southeast Asia, Prayuth tej lus txog tus tsoom fwv Thaib tshiab, Meskas tus coj Biden npaj mus xyuas Cob tsib lub 10 hli ntuj.

Program xov xwm xwm hnub zwj Hnub (Sunday news program 2023.08.27): xov xwm tshaj tawm rau hnub zwj Hnub (Sunday news), cov kev ceeb toom kom npaj tsam muaj hav zoov kub hnyiab rau lub caij nplooj hlav, tsab ntawv cej luam txog ntau phaum neeg thiab neeg tsiv teb tsaws chaw, tsab ntawv cej luam Intergenerational Report 2023 thiab Australia lub neej pem suab, Japan tau tso tej dej paug tsuas nuclear ntawm Fukushima Nuclear Power Plant uas raug lim lawm rau hauv hiav txwv Pacific Ocean.

Vim li cas thiaj yuav tsum tau kho Australia tej migration system, tej visas, tej hauv paus txhim kho thiab npaj kom tau vaj tse txaus rau tej neeg nyob rau lub sij hawm 40 xyoo ntxiv no?

Raws li tsoom fwv Australia tsab ntawv cej luam Intergenerational Report 2023 qhia ces 'lub sij hawm 40 xyoo ntxiv no, Australia yuav yog ib lub teb chaws qhuav nkig, lub teb chaws txom nyem thiab yog lub teb chaws tej lagluam tsis zoo'. Tab sis txawm zoo li ntawd los Jim Chalmers uas yog tus nom tswj nyiaj txiaj rau tsoom fwv Albanese tau hais tias 'yeej tseem yuav muaj cib fim tau ntau yam hauj lwm ua thiab muaj cib fim rau tej lagluam loj hlob huam vam'. Koj ne ho xav li cas rau tsab ntawv cej luam no.