SBS Hmong - SBS Hmong

Muaj ntau lub teb chaws ntawm cheeb tsam Asia xav li cas rau Japan tej dej lim nuclear uas nws tso rau hauv hiav txwv Pacific? Tej seafood uas tej neeg noj ntawm Australia ho yuav qhov twg los ntau tshaj plaws? Tshiab puas txaus txhawj xeeb li cas?

Australia tej nom tswv tua hluav taws thiab tej chaw kwv yees thiab ntsuam xyuas huab cua tau nqua hu thiab ceeb toom kom neeg Australia npaj tswv yim tseg tias yog muaj hav zoov kub hnyiab yuav ua li cas kom thiaj tau txais kev nyab xeeb rau yus tus kheej, yus tsev neeg, yus tej phooj ywg los yog ib tug neeg yus hlub tshua rau lub caij ntuj nplooj hlav (Spring) no.

Xov xwm luv tshaj tawm hnub zwj Kuab (2023.08.25): Meskas tus qub President Donald Trump raug yees duab ntawm Atlanta Jail, Peter Dutton uas yog tus coj lwm pab nom tau tib tej kev yoob txog Australian Electoral Commission cov voting system cuam tshuam txog Voice Referendum, tsoom fwv Palaszczuk cov kev hloov tshiab rau tej Youth Criminal Justice System raug tib tias yuav ua rau tej hluas tsis tau txais kev pov puag lawv tej cai, NSW tsab cai Biodiversity Act tsis pab tab sis haj yam ua rau muaj teeb meem rau tej ib puag ncig tshaj qub ntxiv xwb, ACT tus coj cai lij choj tseem yuav txiav txim siab seb puas kho cov criminal justice system kom kho tau cov sexual crime zoo tuaj ntxiv li cas, Australian Construction Union xav siv cov appreticeship kom muaj tej neeg muaj hnoob nyoog paub ua hauj lwm coob ntxiv los ua tej hauj lwm ua vaj tse, India tus thawj pwm tsav Naranda Modi tau qhia tias nws npaj tej xwm txheej mob nkeeg ti tes ti taw uas tej zaum yuav muaj tom ntej no txhij lawm, Luis Rubialus tau tawm tsis ua Spain tus coj ntawm lub koom haum Spain Football Federation lawm.

Ms Neeb Yaj yog ib tug tub koom siab tshiab thiab nws piav tias vim li cas nws thiaj hloov ntawm Hmoob tej kab lis kev cai thiab kev ntseeg qub tig mus ntseeg cov kev ntseeg Christianity uas ntseeg tswv Yesxus. Nws qhia tias ib tug tub koom siab tshiab ho muaj lub luag hauj lwm dab tsi yuav tau ua thaum mus ntseeg txoj kev ntseeg tshiab no.

Vim li cas thiaj muaj neeg tib tias Australia lub tuam chav sau se (Australian Tax Office - ATO) tsis qhia tias yuav tsib tej se lawv tiv rov qab, thiab Treasurer Jim Chalmers tau los pov puag lub tuam chav no tej dej num tias ua tau hauj lwm zoo kawg nkaus lawm thiab tsuas xyuas kom tej neeg them se los yog thov tau tej se tsim nyog tau raws li qhov tsim nyog xwb.

Raws li lub koom haum ING cov kev teeb txheeb nrog neeg Australia ntau tshaj 2000 tus uas muaj hnoob nyoog tshaj 18 xyoo ces pom tau tias muaj tej neeg siv nyiaj yuav khoom noj tsawg thiab txuag nyiaj lawm. Honor Servers kuj yog ib tug uas yuav tau txiav nws tej me nyuaj plaub hau thiab tsuas txiav plaub hau yooj yim kom txuag tau nyiaj. Lub koom haum Headspace tau qhia tias lub tswv yim BOSS (Budgeting, Options, Services thiab Support) yog ib lub tswv yim uas yuav pab tej neeg yuav tau ntxeem kom dhau ntawm tej nuj nqes siv ua lub neej ntau yam. Ua ke no los yog koj ho xav sab laj txog nyiaj txiaj thiab ho ntsib kev nyuaj siab ces yeej muaj kev pab cuam rau koj ntawm tej koom haum National Debt Helpline tus xov tooj 1800 007 007, Headspace, Lifeline 13 11 14, thiab Kids Helpline 1800 55 1800, Suicide Call Back Service 1300 659 467 los yog hu tau rau tus xov tooj Triple Zero (000) yog koj ntsib tej xwm txheej ti tes ti taw uas yuav raug kev phom sij rau koj.

Program xov xwm tshaj tawm hnub zwj Teeb (Thursday news program 2023.08.24): Tswv yim pab txuag kom tsis txhob tau siv nyiaj ntau ua lub neej, puas thov tau se ntau rov qab xyoo no, Neeb Yaj cov lus tawm tswv yim tias vim li cas thiaj ntseeg kev cai Christianity.

Xov xwm tshaj tawm hnub zwj Feej (Wednesday news wrap 2023.08.23): Woolworths tej nyiaj profits uas khwv tau ib xyoos dhau los, tsoom fwv Albanese tsis kam qhia tias seb nws puas yuav kho Australia tej se li cas, Aaskiv tus coj xav kom tej neeg raug txim yuav tsum tau tshwm ntsej muag thiab mus hais plaub ntawm tsev hais plaub, lub rooj sab laj G20 ntawm India, Australia Electoral Commission tseem npaj yuav mus tshuaj ntsuam pab nom One Nation ntawm xeev NSW, tej neeg pab US President Donald Trump dhau los ua siab swb thiab raug kaw tsev laj cuj rau lub caij Trump tseem raug coj mus hais rooj plaub zum 4, thawj pwm tsav Albanese hais tias hnub tim 14 lub 10 hli ntuj ces yuav muaj cov Voice Referendum, Australia tus noj tswj dej num kev kawm qhia tias yuav tau kho Australia cov Education System dua tshiab, tej twj cuav sim seb poj niam puas muaj cib fim muaj tau me nyuam, Srettha Thavisin yog Thaib tus thawj pwm tsav tshiab, Australia pab Nplog tej xwm txheej dej nyab thiab fab tub rog, xyoo 2027 ces Thaib yuav tsim kom tau txoj kev tsheb cia hlau Bangkok - Nongkhai.

Tom qab Australia pab poj niam Matildas uas ncaws pob sawv cev rau Australia tau sib tw swb Sweden 2-0 thiab tau zum 4 lawm, ces tej poj niam ncaws pob nto npe tau los sib tham thiab nqua hu kom muaj kev txhawb nqa lawv cov kev sib tw kom ntau tuaj ntxiv, rau lub caij tsoom fwv Albanese tau qhia tias yuav pab $200 million coj los txhawb nqa tej poj niam cov kev sib tw.

Tej hauj lwm vaj tse, cov kev txo se theem ob, cov kev cog lus AUKUS thiab huab cua pauv hloov yog ib co tseem ceeb uas raug coj los sab laj sib tham ntawm pab nom Australian Labor Party (ALP) lub rooj sab laj ib xyoos ib zaug ntawm Brisbane.