SBS Hmong - SBS Hmong

Vim li cas thiaj tsim nyog qhuas FIFA tej hauj lwm ua rau ntiaj teb tej poj niam cov kev sib tw ncaws pob xyoo 2023?

Vim li cas cov teb chaws vam meej thiaj tawm tsam thiab txwv tsis yuav roj txoob los yog muag tej khoom uas siv roj txoob tsim?

Julia Hunter uas yog tus General Manager of Mobility ntawm lub koom haum Royal Automibile Club of Victoria (RACV) tau qhia tias tej zaum lub lub Arevo app yuav muaj peev xwm pab koj txuag tau ntau caum cents rau ib litre roj twg thiab pab kom koj nrhiav tau tej nqe roj pheej yig ntawm tej chaw muag roj ib cheeb tsam koj nyob kom tau tej nqe roj pheej yig.

Xov xwm hnub zwj Kuab (Friday newsflash 09.06.2023): Lus tawm tswv yim txog Ms Higgins tej xo, Meskas tus qub coj Donald Trump raug txib kom mus hais plaub, Fabkis tej xwm txheej neeg nkaug neeg, tej neeg nuv ntses thiab caij nkoj cov kev nyab xeeb rau lub caij so ntau hnub los yog public holiday.

Tau muaj tej koom haum tshaj 110 lub pom zoo txhawb nqa kom Australia tej neeg txum tim muaj suab sawv cev hauv tsev tsoom fwv.

Xov xwm hnub zwj Teeb (Thursday news 08.06.2023), lus tawm tswv yim txog kev nce kab theem paj zum 12, Australia cov kev siv nyiaj tiam tshiab, tswv yim tiv thaiv kom tsis txhob poob deg rau lub caij so public holiday thiab long weekends, tim dab tsi neeg Australia thiaj yuav tsis tau thiab ntiav tsis tau tsev nyob.

Raws li tau muaj ib cov kev teeb txheeb tshiab los ntawm lub koom haum Surf LifeSaving Australia qhia ces lub caij public holiday thiab long weekends yog lub caij uas tej zaum pheej yuav ua rau muaj neeg muaj cib fim poob deg ntau dua. Yog li ntawd nws thiaj xav taw qhia 3 lub tswv yim yooj yooj yim li - cheem peb tus kheej, txheeb xyuas seb puas muaj kev phom sij dab tsi ntawm thaj ntug hiav txwv uas peb mus ntawd rau peb li cas, thiab kom paub tias yog thaum peb raug teeb meem lawm yuav tau ua li cas thiaj daws tau tej kev phom sij ntawd.

Txog xyoo 2030 no ces Australia yuav tsis siv tej cheques ntxiv lawm, vim rau qhov tam sim no muaj neeg tig los siv lwm cov financial payment systems li digital wallet, online banking coob tuaj ntxiv lawm. Yog li ntawd tsoom fwv Albanese thiaj xav los nrog xyuas kom tsim tau cov system them nyiaj uas siv tau zoo rau tiam lagluam thiab technology vam meej no.

Vim li cas tiag Australia thiaj tsis muaj vaj tse txau rau zej tsoom sawv daws nyob, tsis muaj peev xwm yuav tau tsev ua yus tug thiab pheej yuav tau ntiav tsev nyob xwb, ua ke no los tej nqe tsev thiab nqe ntiav tsev los kuj kim zuj zus tuaj rau lub caij txhab nyiaj faj seeb haiv (Reserve Bank of Australia) tseem tau nce kab theem paj zum 12 ntxiv thiab. Tej tswv yim twg thiaj yuav daws tau tej teeb meem no.

Lub caij uas Reserve Bank of Australia (RBA) tau rov qab nce kab theem paj ua zum 12 ua rau tus kab theem paj nyob rau ntawm 4.1 feem pua no tau ua rau muaj neeg Australia tau nrhiav txoj hauj lwm ob (side hustle) ua kom tau nyiaj los pab them ntau yam nqes, them nqe qev nyiaj yuav tsev los yog ntiav tsev nyob, no tej neeg sawv daws ho xav li cas rau tej kab theem paj kim no, thiab RBA puas tseem yuav nce kab theem paj ntxiv li cas lawm, los sis yog cov kev nce tej kab theem paj no yuav ua rau muaj teeb meem dab tsi rau zej tsoom thiab tej lagluam.