SBS Hmong - SBS Hmong

Xov xwm hnub zwj Feej (Wednesday newsflash 07.06.2023): RBA thiab nyiaj poob nqe, Australia tsis siv checque xyoo 2030, CBA raug Australian Communications and Media Authority nplua 3.55 million dollars cuam tshuaj txog spam laws, Ukraine lub pas dej Kakhovka tawg, Thaib lub koom haum EC nug Move Forward Party tias ua li cas ho siv rauj thiab liag, PM Prayuth hais tias tag nws kee lawm, xyog ntiaj teb muaj pej xeem ze txog li ntawm 10 billion tus xyoo 2050 yuav muaj teeb meem dab tsi.

Xov xwm hnub zwj Hnub (Sunday news 04.06.2023), Australia txoj kev koom sib raug zoo phab nom tswv, kev koom tes lagluam thiab kev koom tes nrog cheeb tsam Southeast Asia, Australian Taxation Office (ATO) cov kev ceeb toom kom zej tsoom Australia them se rau txoj hauj lwm ob uas neeg Australia ua rau cov tax return xyoo no.

Australian Tax Office (ATO) ceeb toom tias kom tej neeg Australia uas ua txoj hauj lwm ob (side hustle) uas khwv tau nyiaj xwm yeem them se rau tej nyiaj lawv khwv tau rau tsoom fwv.

Australia tus thawj pwm tsav Anthony Albanese hais tias cov teb chaws muaj fwj chim nrab li Australia thiab Singapore muaj lub luag hauj lwm nrog xyuas kom tsim tau kev koom tes zoo tuaj ntxiv nrog cheeb tsam Asia Pacific kom ras los ua cheeb tsam tiaj tus, tau txais kev ruaj ntseg kev thaj yeeb thiab vam meej los ntawm cov kev sib raug zoo phab nom tswv thiab lagluam nrog cheeb tsam no. Australia tus coj kuj mus ntsib thiab nrog Cob Tsib tej nom theem siab tham txog lagluam, kev kawm, kev ntoj ncig, clean technology thiab kev sib raug zoo thiab koom tes rau phab lagluam ntawm ob lub teb chaws no.

25% ntawm Australia tej neeg ua hauj lwm khwv tau nyiaj tsawg tshaj plaws yuav tau nyiaj hauj lwm ntau tuaj ntxiv txog li 5.75%, hau xeev Western Australia ua hauj lwm hnub kawg.

Sai sai no ces yog koj tawm tsam ntawm xeev South Australia ces tej zaum koj kuj yuav raug nplua nyiaj txog $50,000 thiab raug kaw 3 hlis. Tab sis tseem muaj lwm lub xeev li New South Wales uas yuav nplua tej neeg tawm tsam txog $22,000 thiab kaw tsev laj cuj 2 xyoos, hos xeev Victoria los kuj yuav nplua $21,000 thiab kaw tsev laj cuj 1 xyoos rau tej neeg rwg npoj tawm tsam uas tsoom fwv pom tias ua txhaum lawv tej cai Anti-Protest Laws.

Teb chaw Uganda tau tsim tau tsab cai Anti - Homosexuality coj los siv lawm. Txhais tau tias yog tej neeg same sex tseem siv fwj chim, riam phom los yuam los yog siv deev thaum qaug yeeb tshuaj dej caw uas ua rau lwm tus kis kab mob thiab tej neeg txhawb nqa thiab pab tej neeg LGBTQI+ no los kuj yuav raug txim, uas tej zaum kuj yuav raug txim tuag thiab los kuj tau. Thiaj ua rau tej teb chaws vam meej tsis pom zoo, tej neeg zejzog LGBTQI+ thiab tej koom haum lij choj pov puag tej neeg no txoj cai txhawj tias tsam tsis yog yuav muaj tau teeb meem rau tej neeg LGBTQI+ ntawm Uganda xwb tab sis ntshe tseem yuav muaj tau teeb meem rau tag nrho nrim av Africa thiab.

Lub sij hawm 9 xyoo dhau los no tau muaj tej vaj tse uas pheej yig thiab ntiav tau nyog los yog yuav tau nyob tsawg lawm. Tej tswv yim twg thiaj yuav pab daws tau cov teeb meem tsis muaj vaj tse txaus rau sawv daws nyob.

Xov xwm hnub zwj Teeb (Thursday news 01.06.2023), tej vaj tse pheej yig uas ntiav tau nyob, neeg tsiv teb tsaws chaw cov kev txhawb nqa kom muaj suab hauv tsev tsoom fwv rau neeg txum tim, South Australia tsab cai tawm tsam nrog neeg rwg npoj tawm tsam, thiab Uganda tsab cai rau txim tuag rau tej neeg LGBTQI+.

Yog thawj zaug ntawm lub sij hawm ntau caum xyoo uas tsoom fwv Australia tau tshwm nyiaj ntau pua million dollars los tsim cov program ntsuam thiab txheeb seb puas muaj neeg Australia mob cancer ntsws thaum tseem ntxov kom thiaj muaj peev xwm kho tau thaum tseem mob me.