SBS Hmong - SBS Hmong

Cov kev ua tib zoo saib xyuas tej me nyuam yaus thaum mus ze los yog kov dej yog tej yam tseem ceeb heev tab sis tseem yuav tseem ceeb tshaj ntawd ntxiv thiab yog tias lawv tau kawm tej txuj ci kom paub ua luam dej kom pab tau lawv tus kheej kom thiaj tsis poob deg.

Muab tsev tsoom fwv teb chaws kaw tom qab muaj ib tug neeg ua hauj lwm kis kab mob COVID-19, kws tshawb fawb txog huab cua pauv hloov hais tias Labor tsab cai climate policy ua yog lawm, nom tswv tswj kev noj qab haus huv tseem txheeb tias seb 10 tus neeg ntawm Western Sydney puas yog kis tus kab mob Omicron, nkawm niam txwv muaj ib tug tub hluas raug txim involuntary manslaughter tom qab nkawv tus tub tua lwm tus ntawm Michigan high school, muaj neeg hais lus phem rau txiv plig Pope Francis, qhiab txoj kev tsheb ciav hlau Lao-China siv lawm, New Zealand tus neeg ntaus pob cricket hu ua Ajaz Patel yog tus ntau 10 tus wicket tawm rau lub sij hawm 22 xyoos,...

Vim li cas thiaj muaj tej xov xwm cuav txog tej huab cua pauv hloov raug coj los nthuav qhia rau zej tsoom? Ho muaj tau tej xov xwm no li cas, muaj lub hom phiaj dab tsi thiab tshwm sim qhov twg los? Zaj xov xwm no yuav tham txog tias vim li cas thiaj ua rau ib txhia tseem tsis lees paub txog cov teeb meem huab cua pauv hloov thiab pheej tseem xav kom siv tej roj tsheb li siv tam sim no txuas ntxiv mus thiab tsis pom zoo rau cov renewable energy.

Tsoom fwv Australia tau qhia tias xyoo tshiab tom ntej no nws xav thov los tsim kom tau tsab cai coj los nrog xyuas kom tsev haus plaub High Court muaj cai hais kom tej tuam txhab technolgy yuav tsum tau nrog xyuas kom tsis txhob muaj neeg siv npe cuav mus sau ntawv los yog hais lus phem thiab thab zes lwm tus hauv online kom lwm tus puas koob npe, hais kom tej neeg sau tej lus phem ntawd muab so tawm pov tseg tsis li ntawd ces yuav yuam kom tej tuam txhab no qhia tias tus neeg ntawd yog leej twg, thiab tseem yuav raug ceg nrog twg them tej paj tshab ntxuav lwm tus ntsej muag los kuj tau thiab.

Allan Tudge raug nws ib tug neeg ua hauj lwm dhau los liam tias tau ua phem rau nws nyuaj siab thiab lub cev ntaj ntsug, ib tug nom ntawm xeev WA raug txhom thiab tseem yuav raug coj mus hais plaub cuam tshuam nrog ib tug me nyuam ntxhais hnoob nyoog 8 xyoo, xeev NSW thiab Victoria hais tias kom tej neeg kub siab txog cov neeg raug kho mob tsawg thiab muaj neeg hno tshuaj vaccine coob tuaj ntxiv tsis yog pheej saib tias seb muaj neeg coob npaum li cas kis kab mob COVID-19 xwb, SA tus hau xeev kis tau kab mob tom qab tau mus koom lub koob tsheej high school reunion, AFL Legend Ron Barassi raug sim tau tias kis kab mob COVID-19,...

UN tau tsim ib cov kev taw qhia tshiab coj los qhia kom ntiaj teb tej zejzog paub txog cov teeb meem kub ntxhov tsim rau tej poj niam rau lub caij nws coj ib tsab ntawv cej luam tshiab los qhia tias lub caij muaj kab mob COVID-19 no haj yam muaj cov teeb meem no muaj ceem tuaj ntxiv rau tej poj niam thiab ntxhais hluas hauv ntiaj teb. Txawm li cas los kuj muaj kev cia siab tias muaj tej koom haum, tej lagluam, tej tuam los pav tej koom haum hluas nrog rau nom tswv yeej tau tawm tswv yim thiab tswm nyiaj txiaj los tsim ntau cov projects coj los pab ntau yam li cai lij choj, tiv thaiv thaum tseem ntxov, pab cuam kev noj qab haus huv, thiab tsim cai los rau txim rau tej neeg pheej tsim tej teeb meem no rau tej poj niam.

Europe is the first region in the world that inoculated its population but currently coronavirus cases are on the rise once more amid news of new COVID-19 strain - Omicron that is a global concern. But what lessons Australia can learn from it and will Australia experience the same situation in Europe?

Cov kev txhawj xeeb txog tus kab mob COVID-19 tshiab hu ua Omicron ua rau Australia thiab ntau lub teb chaws ntawm EU tau hloov lawv tej cai tswj kab mob coronavirus thiab siv cov kev txwv tej neeg ntoj ncig ntawm ib txhia teb chaws Africa.

Vim li cas cov kev plam ib tug neeg yus hlub tshua rau lub caij muaj kab mob COVID-19 kis thoob ntuj no thiaj yog tej yam nyuaj dua rau tej neeg sawvdaws thiab tej neeg yuav tsum tau ua dab tsi thiaj yuav pab tau lawv tus kheej ntxeem kom dhau ntawm tej teeb meem no?

Cov kev faib cais tej neeg ua hauj lwm ntawm tej chaw ua hauj lwm yog dab tsi thiab ho cuam tshuam nrog tej xwm txheej zoo li cas xwb, cov xwm txheej zoo li cas thiaj yog cov kev faib cai thiab tsis yog cov kev faib cais ib tug neeg twg, thiab yog thaum koj raug cov teeb meem no ne ho yuav nrhiav kev pab cuam ntawm leej twg li cas?