SBS Hmong - SBS Hmong

Scott Morrison hais tias tsab cai religious discrimination bill yeej tsis muaj ib lo ntsiab lus yuav cais ib tug twg, Victoria muaj neeg hno tshuaj vaccine txwm ob koob txog 90% thiab cia siab tias yuav muaj neeg hno thawj koob tshuaj vaccine txog 95% sai sai no, South Australia muaj 2 tug neeg kis kab mob COVID-19 tom qab qhib nws lub xeev rau tej neeg ntawm VIC, NSW thiab ACT mus ncig tau yam tsis tas cais, WHO txhawj tias tsam muaj neeg kis kab mob coob tuaj ntxiv vim ib txhia neeg uas tau hno tshuaj vaccine txwm 2 koob pheej xav tias yuav tau txais kev ruaj ntseg thiab pheej tsis ua dab tsi los tiv thaiv thiab pov puag lawv tus kheej kom txhob kis kab mob COVID-19, 3 xyoos ntxiv no ces tej nqe hluav taws xob yuav pheej yig tuaj tab sis ACT tseem yuav kim tuaj ntxiv, tej zaum lub koom haum World Rugby Council qhia tias tej zaum Australia yuav tau ua tus tswv cuab tswj ntiaj teb cov kev sib tw Rugby World Cup xyoo 2027,...

Cov kev pab cuam Literacy Hotline thiab Reading and Writing Hotline tau qhia tias muaj tej neeg tsis paub ntaub ntawv yuav laug txog li ntawm 50% tseem tsis tau nkag siab zoo txog tej xo qhia txog cov kev hno tshuaj COVID-19 vaccine, cov kev txwv thiab tsis muaj peev xwm nrhiav tau tej xov xwm no yooj yim los yog nrhiav tsis tau tej xov xwm ua lawv hom lus. Thiaj tau muaj tej koom haum qhia tias yuav tsum tau xyuas kom muaj peev xwm xa tau tej moo tswj kev noj qab haus huv no rau tej zejzog kom zoo tshaj no ntxiv.

Orphan Relative Visa yog cov visa dab tsi thiab leej twg yog cov muaj cai siv tau?

Vim li cas tej neeg tsiv teb tsaws chaw tuaj nyob ntawm Australia thiaj haus luam yeeb? Leej twg yog cov yuav pab kom lawv tso tseg tsis txhob haus thiab ho yuav siv tswv yim dab tsi thiaj pab kom cov phaum hluas thiaj tsis haus luam yeeb?

Tub ceev xwm hais tias cov kev tawm tsam ntawm Sydney thiab Melbourne ib hnub dhau los yog cov kev tawm tsam yam thaj yeeb, neeg Australia thiab Singapore yuav mus ncig tau ntawm 2 lub teb chaws no yam tsis tas cais, ICC tau ncua tsis tshuaj ntsuam Philippines tus coj cov kev ua txhaum leej tug neeg txoj cai, Cancer council qhia tias Australia tej hluas txog 28% tsis pov puag lawv tus kheej rau lub caij ntuj so thiab xav kom tsoom fwv teb chaws tsim cov kev taw qhia kom tej hluas paub txog kab mob cancer tawv nqaij, Nplog lub tuam chav tswj kev noj qab haus huv qhia tias yuav pib tsim tshuaj Molnupiravir ntsiav coj los sim kho Nplog tej neeg kis kab mob COVID-19, Tim Paine tawm tsis uas Australia tus Test Captain,...

Australia tus thawj pwm tsav hais tias Google cov kev nqes peev lagluam AUD 1 billion yog cov kev ntseeg siab rau tsoom fwv Australia cov tswv yim npaj los ua lagluam digital economy. Thiaj yog thawj cov kev nqes peev lagluam ntawm Australia uas yuav koom tes nrog tej koom haum teeb txheeb thiab yuav tsim tau hauj lwm txog li 28,000 txoj rau tej neeg ntawm Australia ua.

Vim li cas thiaj muaj tej koom haum keeb cag neeg nrog rau pab nom Labor thiab Greens tsis pom zoo nrog tsoom fwv teb chaws Australia cov kev xav thov tsim tsab cai kom tej neeg xaiv nom yuav tsum tau qhia lawv cov ID thaum lawv mus xaiv nom?

Tau lub sij hawm li 1 lub xyoos los no vim tseem muaj kab mob COVID-19 kis thoob ntuj thiab tau muaj tau cov kev txwv kab mob kom tej neeg nyob hauv tsev ntawd ces kuj tau ua rau muaj Australia tej me nyuam yaus tshaj ib nrab tsis tau mus kawm xyaum ua luam dej lawm. Thiaj tau ua rau muaj tej kws paub zoo txog cov kev nyab xeeb rau cov kev ua luam dej muaj kev txhawj xeeb thiab tau nqua hu kom tej niam txiv kav tsij coj lawv cov me nyuam mus kawm xyaum ua luam dej kom sai ua ntej yuav txog lub caij ntuj so no.

Xeev Northern Territory tseem yuav tau ceev faj rau tej xwm txheej neeg kis kab mob COVID-19 rau lub caij xeev New South Wales tau siv cov kev sim Rapid Antigen Testing coj los sim tej tub kawm qib pib kom txhob tau cais ntev, thiab tau muab cov kev thov tsim Victoria tsab cai Pandemic Law ncua, Suav pab tshuaj Sinopharm COVID-19 vaccine ze txog li 2 million koob rau Nplog, Perth Heat yog Australia thawj lub koom haum baseball uas them nyiaj rau nws tej neeg sib tw, cov neeg ua hauj lwm thiab tej fans,...

Nod yog cov lus uas SBS Radio Hmong Program nrog Gail Broadbent uas yog ib tug neeg sab laj tawm tswv yim rau tsoom fwv xeev New South Wales tsab cai transport policy dhau los thiab nws kuj tau teeb txheeb txog cov tsheb siv hluav taws xob ntawm lub tsev kawm qib siab University of New South Wales lub tuam chav Faculty of Science cov lus tawm tswv yim tias vim li cas thiaj muaj neeg tsawg siv tsheb siv hluav taws xob thiab tus tsoom fwv Morrison no thiaj tsis kub siab nrog ntiaj teb daws teeb meem huab cua pauv hloov uas ua rau ntuj kub sov.