SBS Hmong - SBS Hmong

Hearings for the Royal Commission on Antisemitism and Social Cohesion have revealed many victims and perpetrators of antisemitism in Australia are children. How do we discuss the issue in an age-appropriate way? - Raws li tej lus uas tau hnov los ntawm Royal Comission cov kev mus txheeb txog tej xwm txheej ntxub neeg Jews (Antisemitism) thiab zej tsoom cov kev koom npoj ntawm Australia txheeb tau, ces yeej muaj tej neeg raug tej teeb meem no coob heev thiab tej neeg uas pheej tsim tej xwm txheej nod ntawm Australia no yog tej me nyuam yaus. Tab sis peb ho yuav siv txoj xub ke zoo li cas kom thiaj muaj peev xwm los tham txog cov xwm txheej antisemitism no kom haum raws li tej me nyuam tej hnoob nyoog?

Txij hnub tim 1 lub 7 hli ntuj 2026 no mus ces yuav muaj neeg Australia txog li ntawm 3 million tus uas ua hauj lwm khwv tau nyiaj tsawg tshaj plaws yuav tau nyiaj hauj lwm ntau tuaj ntxiv txog li 4.75% raws li Fair Work Comission tau qhia, tom qab uas nws tau txheeb tej nyiaj hauj lwm ib xyoos ib zaug twg. Tus coj lub koom haum Australian Council of Trade Union (ACTU) hais tias yog tej yam zoo, tab sis tus coj lub koom haum Australia Chamber of Commerce and Industry (ACCI) hais tias yuav ua rau muaj teeb meem rau tej lagluam me.

Neeg txum tim tus kws lij choj ntawm Victoria's County Court, cov kev ceeb toom txog neeg phem cov kev siv yus tej duab/yeeb yaj kiab liab qab tawm tsam nrog yus hauv tej online platforms, Meskas cov kev tsub se lagluam rau ntiaj teb, muaj neeg yuav tsheb siv hluav taws xob ntau tuaj ntxiv, cov kev kom zoo AUKUS deal, NSW tsab cai pov puag tej neeg LGBTQI+, Neeg txum tim rooj plaub coj huab tais King Charles III mus hais plaub, cov kev ceeb toom txog cov kev raug neeg phem dag cuam tshuam txog kev twv txiaj yuam pov hauv online, Iran thiab Meskas cov kev rov qab sib tua, Trump tso tseg tsis siv cov nyiaj USD 1.8 billion Compensation Fund, Victoria tsab cai tswj cov IVF industry, RBA raug tib tias ua rau neeg yuav tau tsev tsawg, Cob tsib lub tuam txhab VinFast cov kev nqe peev tsim tsheb tsis muaj neeg tsav, Nplog cov nyiaj tshaj USD 200 million uas yuav txhim kho Vang Vieng, Thaib tus thawj pwm tsav tsis txhawj txog Cambodia cov kev hais tej ciam dej nrog UN.

Tony Popovic uas yog Australia pab Socceroos tus coach kuj tau qhia 26 tus neeg Australia uas raug xaiv mus sib tw 2026 FIFA World Cup tias yog leej twg lawm. Nws tau xaiv ob tug hluas uas thawj tug yog Cristian Volpato thiab Tete Yengi mus sib tw, tab sis nws kuj tsis xaiv ntau tus tau sib tw world cup dhau los li Martin Boyle, Kye Rowles thiab Brandon Borrello thiab Joe Gauci mus sib tw zaum no. Ces thiaj tsuas nyob ntawm seb Australia pab hluas uas tsis tau mus sib tw world cup ib zaug dhau los li puas yuav muaj peev xwm sib tw tau li cas vim yog ua tsis tau raws siab xav ces yuav muaj neeg xav mus ntsuam thiab txheeb kom meej txog tej no muaj ceem ntxiv tuaj. Tab sis Popovic hais tias nws yeej ntseeg tias tej neeg nws xaiv no yeej yuav muaj peev xwm sib tw tau zoo.

Yuav tau Australia cov nyiaj minimum wage 4.75% ntxiv txij tim 1 lub 7 hli ntuj 2027 mus, Hezbollah pom zoo nrog Meskas cov tswv yim cheem rog nrog Israel, Australia cov kev sanction rau Westbank, NSW tej me nyuam tas sim neej hauv tsheb, Thaib cov neeg LGBTQI lub koom txoos Pride, Russia tej drones, Australia muaj pej xeem 28 million tus, Australia tej tuam los pav, tej kev tsis tau zaub mov ruaj noj, tej lus tawm tswv yim txog pab nom One Nation, neeg txum tim lub rooj sab laj AIATSIS Summit, Australia tej nqe tsev, Cob tsib cov kev nqes peev robots ntawm Meskas, cov kev pab cawm 2 tug neeg nplog ntawm Xaysomboun, Cambodia thiab Thaib cov kev sib khom kev thaj yeeb.

Nepal tej neeg nce ntiaj teb lub roog Everest uas siab tshaj plaws ua koom txoos zoo siab rau cov kev nce lub roob no txwm 73 xyoos rau lub caij uas muaj kev txhawj xeeb ntau tuaj ntxiv tias muaj tej neeg mus nce roob ntau heev thiab tej huab cua kub sov tuaj ntxiv. Thiaj ua rau tsoom fwv teb chaws Nepal tau tso cai rau tej neeg nce roob txog li 500 tus xwb, tab sis tej neeg uas tau mus nce nto lub hau roob Everest dhau los hais tias ntshe tseem muaj tej neeg no ntau tshaj 900 tus yuav mus nce. Txawm li cas los Bianca Adler uas yog Australia tus txhais hluas hnoob nyoog 18 xyoo uas tau nce ntiaj teb lub roob no hais tias 'lwm tus ces yog thaum nce nto lub hauv roob no ces zoo siab tsis txawj tag tias nce tau lawm, tab sis ntawm kuv ces tseem nyuam qhuav txog nrab xwb, vim cov kev nqes los mas tseem nyuaj thiab phom sij tshaj thaum yus nce mus lawm thiab.'

Tsoom fwv Australia coj lub tuam txhab 3M mus hais plaub cuam tshuam txog nws cov taug PFAS ua npuas uas coj mus ua hluav taws uas paub tsuas rau 28 thaj chaw tub rog thiab paug tsuas rau tej zejzog thiab tej ib puag ncig, thiab xav tau 2 billion dollars. Lub tuam txhab 3M no hais tias nws yuav mus hais plaub nrog tsoom fwv Australia.

Lub limtiam Reconcilation Week (27 May - 03 June 2026) uas siv sob lus 'All In' nqua hu kom txhua tus neeg Australia kub siab tiag tiag nrog sib kho kom muaj kev sib haum xeeb thiab los xyuas kom neeg txum tim Aboriginal thiab Torres Strait Islander tej cai.

Tsoom fwv Albanese cov kev kho tej se vaj tse thiab txo se income tax, siv $74 million tsim lub koom haum National Center Terrorism Online, lus tawm tswv yim rau cov kev kho Australia cov Employment Services System, siv Australia cov National Anti-Racism Framework, txheeb ntses tom neeg ntawm Cairns, neeg mob multiple sclerosis thiab cov kev pab National Disability Insurance Scheme, Australia cov kev tsis pom zoo rau Russia cov kev tua Ukraine lub tuam ceeb, Meskas thiab Iran cov kev rub lub caij cheem rog ntxiv, Kenya lub teej kawm kub hnyiab, cov kev pauv hloov rau Cob Tsib thiab Nplog cov kev ntoj ncig, 50 tus neeg txawv teb chaws cuam tshuam txog cov kev ntxias dag neeg raug xa rov qab, Thaib lub Criminal Court tso tseg Tanatorn rooj plaub.

Tsoom fwv Albanese tau qhia txog nws cov kev pauv hloov loj tshaj plaws rau cov system pab nrhiav hauj lwm rau neeg Australia ua (Employment Services System) rau lub sij hawm tshaj 30 xyoo no. Tab sis vim tej neeg nrhiav hauj lwm ua yuav tau kub siab mus koom tej programs ntawm tej chaw pab nrhiav hauj lwm rau lawv ua txuas ntxiv thiab, ces thiaj ua rau tej koom haum pab tej neeg poob hauj lwm hais tias ntshe yuav hloov tsis tau dab tsi thiab tsuas yog tis npe tshiab rau tej hauj lwm no xwb. Tam sim no ces cov system no yuav siv 3 co kev pab cuam uas yog digital services rau tej neeg twb npaj txhij yuav nrhiav hauj lwm ua, ob tuaj ces yog cov kev pab sau ntaub ntawv nrhiav hauj lwm ua thiab xyaum kawm kom muaj tej txuj ci paub ua hauj lwm, peb tuaj ces yog cov kev pab cuam rau tej neeg uas tsis muaj txuj ci thiab npaj tsis tau txhij yuav nrhiav tau hauj lwm ua uas tseem ntsib teeb meem nyuaj ntau yam sib chab sib chaws uas xav tau txais kev pab.