SBS Hmong - SBS Hmong

Learn English useful for talking about trying on, buying, and finding shoes that fit well. Practise everyday phrases for describing how shoes feel, asking for a different size, and explaining what you are looking for in a comfortable pair. - Cov kev kawm txog tej lus Askiv tseem ceeb yuav pab kom koj paub tham txog cov kev sim, cov kev yuav thiab cov kev nrhiav kom tau nkawm khau haum koj. Xyaum tej sob lus thiab cov lo lus txhua hnub los piav tias seb nkawm khau ntawd zoo li cas, nug txog cov khau loj thiab me, thiab tshab txhais tias seb koj xav tau hom khau zoo li cas ntawm ib nkawm uas zoo rau.

Tim Wilson uas yog tus nom tswj nyiaj txiaj ntawm lwm pab nom teb chaws tau los qhia txog nws cov nyiaj puag xyoo 2026 uas nws yuav tau tawm tsam tsoom fwv Albanese tias ua rau tej neeg tag kev cia siab, nws yuav thim tsis siv tsoom fwv Albanese cov kev kho tej se negative gearing, capital gains tax thiab trusts, ua ke no yuav tos tej neeg txawv teb chaws tuaj raws li tej vaj tse tsim tau tshiab, yuav tsis pub tej neeg Australia nyob ruaj (Permanent residents) uas tseem tsis yog pej xeem Australia siv tej kev kho mob, kev kawm thiab tej kev pab cuam welfare, nws tseem yuav pab tej lagluam me thiab cov start-up, thiab pab tej dej num tiv thaiv teb chaws kom ntau tuaj ntxiv, ua ke no nws tseem yuav pab txo se rau tej neeg Australia cov income tax. Tib lub caij no los Paul Keating uas yog Australia tus qub thawj pwm tsav dhau los kuj tau los txhawb nqa tus tsoom fwv Labor tej kev kho se tias yog ib co ua tau zoo thiab pab kom tau txais vaj huam sib luag rau tej kiab khw lagluam vaj tse.

Lub caij ntau caum xyoo los no thoob plaws rau qee cov xeev (Northern Territory, Western Australia, Queensland thiab South Australia) muaj neeg Australia kis tau tus kab mob qa txhaws (Diphtheria) ntau tshaj 230 leej, feem ntau yog neeg txum tim. Ces tsoom fwv teb chaws thiaj tshwm nyiaj $7 million pab tswj tus kab mob no. Txawm li cas los tej kws paub zoo txog kab mob sib kis hais tias tej xwm txheej rov qab muaj tus kab mob no sib kis qhia tau tias tseem muaj cov kev sib tu ncua rau Australia tej public health system. Thiab tus coj lub koom haum Australian Indigenous Doctor's Association hais tias tsis yog yuav los muab cov kev tswj tus kab mob no tam li yog ib co kev tswj kom kab mob tsis txhob sib kis ntau tuaj ntxiv xwb, tab sis xav kom muab tej xwm txheej sib kis no saib tam li yog ib co kev tsis tau txais vaj huam sib luag.

Tej neeg Australia uas raug Israel tso, muaj tej poj niam neeg Australia thiab tej me myuam cuam tshuam nrog IS yuav rov qab los rau teb chaws Australia, cov kev nqua hu kom muaj kev pab cuam ntau tuaj ntxiv tswj Australia tus kab mob qab txhaws, tsoom fwv South Australia cov kev txheeb txog nws cov kev xaiv tsa, tej lagluam luam yeeb cov kev cuam tshuam txog Australia tsab cai publich health policy, Meskas cov kev rau txim rau Cuba tus qub coj Raul Castro, Belarus thiab Russia cov kev xyaum tub rog, Cob Tsib cov kev txheeb kho mob dawb thiab hno tshuaj HPV vaccine dawb, EDL cov kev txhawb nqa cov renewable energy ntawm Nplog teb, Nplog cov QR system uas pab kom them tau nyiaj hauv tej messaging apps.

At school, work, council offices or sporting events, you might see a red, black and yellow flag flying beside the Australian national flag. This is the Aboriginal flag, representing the Aboriginal people of Australia and their connection to land, community and stories. - Tsis hais ntawm tej tej kawm, chaw ua hauj lwm, nom tswv zos tej chaw ua hauj lwm los yog tej koom txoos sib tw, tej zaum koj yeej pom tus chij muaj tsos liab, dub thiab daj txhos ua ke nrog Australia tus chij. Tus chij no yog neeg txum tim Aboriginal tus, thiab sawv cev rau Australia tej neeg txum tim Aboriginal, uas qhia txog lawv cov kev sib cuag nrog lub teb chaws no, tej zejzog thiab lawv tej dab neeg.

Australia tej hluas yog cov yuav ntsib teeb meem rau tsoom fwv teb chaws tej nyiaj puag xyoo 2026-27 uas xav los kho tej se capital gains tax txo rau cov kev ua lagluam muag vaj tse thiab cov kev siv negative gearing los nqes peev lagluam. Thiab ua rau lawv tsis muaj peev xwm siv tau tej xub ke no los pab kom lawv nplua nuj rau yav pem suab li tej laus. Tej kws paub zoo txog tej hauj lwm no txhawj tias tsam yuav ua rau muaj qee yam teeb meem tsis nco faj thiab ua rau tej hluas qev tsis tau nyiaj yuav tsev, ces yuav tsis tau thawj lub tsev nyob thiab yuav ua rau tej nqe ntiav tsev kim tuaj ntxiv. Txawm li cas los ib txhia kuj xav tias yuav pab kom lawv muaj peev xwm yuav thawj lub tsev nyob thiab, uas tsoom fwv thiab cov kev kho tej se no yuav pab tsim kom tau vaj tse ntau tuaj ntxiv rau tej neeg yuav thawj lub tsev nyob.

Tseem muaj cov kev sib cav txuas ntxiv txog lub neej pem suab ntawm Australia tej tax system tom qab limtiam dhau los uas tsoom fwv Albanese tau qhia nws tej nyiaj puag xyoo 2026-27 uas tus nom tswj nyiaj txiaj rau tsoom fwv teb chaws Australia ua tib zoo qhia txog nws cov kev kho peb co se rau cov negative gearing, capital gains tax thiab trusts. Tib lub caij no los pab nom koom tswj kuj tau los qhia txog nws tej nyiaj puag xyoo uas tsuas tos tej neeg txawv teb chaws tuaj raws li tej vaj tse ua tau tshiab, yuav tsis pub tej neeg nyob ruaj uas tseem tsis tau yog pej xeem Australia siv 17 cov kev pab welfare programs, yuav siv nyiaj ntau tuaj ntxiv los pab hauj lwm tub rog thiab xyuas kom Australia tau roj tsheb thiab gas ntau thiab pheej yig siv. Ua ke no los nws yuav tso tseg thiab tsis siv tsoom fwv Albanese cov kev kho tej se no.

Tasmania tej nyiaj puag xyoo, lwm pab nom teb chaws xav kom tau nyiaj ntau ntxiv ntawm tej roj thiab gas, Australia cov nyiaj 7 million dollars pab tswj kab mob Diphtheria, cov kev ruaj ntseg ntawm Avalon Airport, NSW lub koom haum Migrant Resource Centre, Russia thiab Suav ntau caum cov kev pom zoo koom tes, Meskas cov kev rau txim rau Cuba tus qub coj Raul Castro, Flotilla tej neeg tawm tsam yuav raug ntiab tawm ntawm Israel kom sai, Trump cov kev hawv yuav rov qab tua Iran ntxiv, txheeb tau kab mob Ebola nyuaj thiab kis tau raws human fluids (ntuav, ntshav thiab phev), SpaceX cov IPO, Kaus Lim qab teb tej tuam txhab nqes peev lagluam ntawm Cob Tsib, Cob Tsib thiab India cov kev koom tes tub rog, txoj kev tsheb Vientiane - Hanoi uas hla ntawm Nghe An, Tsoom fwv Thaib tej tswv yim daws cov teeb meem lwg noj lwg haus ua tsis ncaj.

Ntiaj teb lub koom thiab teb chaws Democratic Republic of Congo (DRC - Congo) ho muaj tej xub ke li cas los tswj kom tus kab mob Ebola tsis txhob sib kis.

Xeev New South Wales tej nurses, Albanese tej kev kho se thiab tej neeg ntawm tej zos cheeb tsam nroog, tej lus hais txog Australia tej cuab yeej cuab tam tsov rog, lagluam me cov kev txhawj xeeb txog Albanese cov kev kho se, tej hluas ua lagluam hais kom tsoom fwv Albanese ua tib zoo xav txog nws cov kev kho capital gains tax, ntiaj teb cov kev tswj kab mob Ebola, kab mob yoov tshaj cum encephalitis ntawm xeev Northern Territory, Russia tus president Putin mus xyuas Suav.

Mloog tau SBS Hmong ntawm no.
READ MOREMloog SBS Hmong, download SBS Audio app, caum SBS Hmong Facebook thiab mloog tau SBS Hmong Youtube, Podfollow, SBS Audio Hmong, Spotify thiab Apple Podcast.