SBS Hmong - SBS Hmong

Janet Lauj tawm tswv yim txog tias poj niam thiab txiv neej ho muaj cov kev xav txog nyiaj txiaj sib txawv li cas thiab vim li cas thiaj ua rau lawv muaj cov kev xav sib txawv li ntawd.

Vim li cas thiaj tsis muaj neeg kub siab txog tej teeb meem kub ntxhov hauv lub cuab yig uas muaj rau tej txiv neej npaum li tej tau muaj rau tej poj niam? Janet Lauj muaj lus tawm tswv yim.

Nom tswv Austalia tseem tab tom mus tshuaj ntsuam cov xwm txheej tias ib tug txiv neej uas tau mus hno cov tshuaj AstraZeneca COVID-19 vaccine lub hlis dhau los ntawm nroog Melbourne puas yog cov laj thawj ua rau tus txiv neej no muaj teeb meem ntshav khov uas nws tau raug coj mus kho mob ntawm Box Hill Hospital tiag? los yog ho muaj lwm yam teeb meem cuam tshuam li cas rau lub caij nom tswv hais kom sawv daws kav tsij mus hno tshuaj COVID-19 vaccine vim tau txais txiaj ntsim ntau tshaj tej teeb meem yuav muaj tau los ntawm tej tshuaj no.

Daim ntawv Domestic Violence Orders or Apprehend Violence Orders yog ib daig ntawv uas tau los ntawm tub cev xwm, thiab tsev hais plaub coj los pab tiv thaiv kom ib tug neeg twg txhob tsim teeb meem kub ntxhov rau ib tug neeg twg, tab sis ho siv puas tau hauj lwm thiab ho yuav mus thov li cas?

Therapeutic Goods Administration (TGA) tseem txheeb tias seb puas yog tshuaj AstraZeneca COVID-19 vaccine ua rau ib tug txiv neej ntawm Melbourne raug cov teeb meem ntshav khov, TGA thiab pej kum haiv cov kws kho mob tseem los txheeb seb puas yog tus tshuaj AstraZeneca vaccine ua rau muaj teeb meem ntshav khov, nom tswv xeev Queensland txhawj xeeb txog cov kev hno tshuaj vaccine rau tej neeg yuav kis tau kab mob virus yooj yim rau lub caij uas txhawj txog teb chaws Papua New Guinea cov neeg kis kab mob coob tuaj ntxiv, teb chaws Fabkis tau txwv nws tej pej xeem ua zaum 3 kom txhob muaj neeg kis kab mob COVID-19 coob ntxiv, tswj kev ruaj ntseg rau tsev dawb nruj tuaj ntxiv, America thiab Iran cov kev sib tham seb puas ua raws cov 2015 Nuclear deal, muaj ib lub football club ntawm Sydney npaj ib cov kev sib tw los pab tej neeg raug kev kub ntxhov ntawm teb chaws Phabmab,...