SBS Hmong - SBS Hmong

Jason Lis uas yog tus lwm coj ntawm koom haum Hmong Australia Society ceg xeev Victoria cov lus tawm tswv yim txog nyiaj pab cuam ntawm Victoria Multicultural Commission rau tej tub koom siab ntawm lub koom haum no, cov kev them tej nqe vaj tse thiab cov kev hno tshuaj COVID-19 vaccine.

Xeev Queensland yuav rov qab siv cov kev txwv kab mob coronavirus tom qab tau muaj neeg rov qab kis kab mob COVID-19 ntawm nroog Brisbane, npaj yuav hno tshuaj COVID-19 vaccine rau Australia cov keeb cag neeg Aboriginal ntawm Kimberly rau hnub zwj Hli (Monday) no lawm, tau muaj ib tug nom kis xeev qe ntawm Brisbane ib lub rooj nom tau so hauj lwm ib ntus los sab laj daws thiab tso tseg cov teeb thab zes lwm tus ntawm nws lub rooj nom, pab nom Greens cog lus tias nws yuav tsub se 6% rau cov neeg nplua nuj billionares uas pheej pab nyiaj rau tej teej kwm thiab rho hniav dawb yog nws tau los koom ua tsoom fwv rau cov kev xaiv tsa tom ntej no, India tus neeg ntau pob cricket qhia tias nws kis tau kab mob COVID-19 lawm,...

Raws li tau muaj ib tsab ntawv cej luam ntawm lub koom haum Grattan Institute tau qhia ces yog tias poj niam tseem khwv tau nyiaj li tam sim no xwb ces ntshe tseem yuav siv sij hawm 101 xyoos ntxiv mas poj niam mam li khawv tau nyiaj sib npaug thiab tau los koom ua tus coj li tej txiv neej. Tab sis Shivon Gopal uas yog tus coj lub koom haum Remarkable Women tau los tsim cov program qhia kom tej poj niam muaj peev xwm ua tau tej hauj lwm lawv ua thiab kom paub ua tau tus coj qhia tias muaj lwm txoj xub ke pab kom poj niam tau txais vaj huam sib luag rau tej hauj lwm no li txiv neej rau lub sij hawm li ntawm 30 xyoo ntxiv no xwb.

Raws li tau muaj ib tsab ntawv cej luam tshiab tau qhia ces tu kab mob coronavirus (COVID-19) yog cov teeb meem yam 3 txuas ntxiv ntawm tej hauj lwm lawv khwv tau nyiaj tsawg uas tus kab mob no ua rau lawv tsis tau sij hawm hauj lwm txaus ua, poob hauj lwm thiab tej hauj lwm yuav tau tab lub cuab yig ces tej zaum thiaj yuav ua rau lawv txom nyem mus tag lawv ib sim neej los kuj tau.

Txij hnub tim 26 lub 3 hlis ntuj xyoo 2021 no mus ces nom tswv xeev Victoria tsis hais kom tej neeg siv ntaub npog qhov ncauj ntawm tej kiab khw me thiab tej supermarkets lawm tab sis yeej tseem hais kom tej neeg siv ntaub npog qhov ncauj ntawm tej tsev kho mob, tej tsev laus, caij taxi, thiab share ride nrog rau caij public transports.