SBS Hmong - SBS Hmong

Kab mob coronavirus ntawm teb chaws America thiab America tus kws kho mob tseem ceeb tham txog cov tshuaj COVID-19 vaccine, tej nom pwm tsav cov kev tsis ua raws cai, kab mob coronavirus ntawm cov teb chaws Europe, xeev Queensland tus tsoom fwv cov nom tshiab, Hong Kong 4 tug nom uas nyiam txoj kev tswj hwm democracy tawm tsis ua nom, America lub xeev Georgia cov kev rov qab suav dua tej ntawv xaiv nom, Donald Trump cov kev ua koom txoos nco txog America cov qub tub rog, Bahrain tus coj tas sim neej, Ethiopia cov kev kub ntxhov, foob pob tawg ntawm Saudi Arabia, Armenia thiab Ajzerbijan cov kev thaj yeeb, npaj cov kev sib tw Tokyo Olympic 2021,..

Tau muaj neeg nqua hu kom yuav tsum tau los hloov Australia zaj nkauj haiv kom sawv cev tau rau txhua tsav neeg suav Australia cov keeb cag neeg tib si.

Koj puas paub tias tsoom fwv muaj ib cov program uas kawm thiab koom tau dawb uas muaj cov neeg pab qhia kom koj paub thiab txawj ua luam thiab tseem thov tau nyiaj coj los pab koj tej lagluam thiab? Tus kab mob coronavirus tau yuam kom tej neeg yuav tsum tau ua luam hauv online lawm, tab sis koj yuav tsum paub dab tsi thiaj ua tau lagluam hauv online?

Vim li cas Suav thiaj rau txim txwv thiab tsub se rau Australia cov lagluam cawv txiv uas ua luam ib xyoos tau nyiaj $6 billion dollars nrog rau lwm cov lagluam li, rwb, nqaij nyuj, tooj, roj zeb ntsuam, piam thaj, seafood thiab ntoo tib si? Tsoom fwv Australia ho tau los ua dab tsi coj los daws tej teeb meem no, thiab ho yuav muaj tau teeb meem rau Australia tej lagluam thiab koj tus kheej li cas?

Tau muaj ib cov kev teeb txheeb tshiab qhia tias tej mis pub cov me nyuam yaus hnoob nyoog tshaj 1 xyoo ntawd muaj piam thaj xyaw ntau, muaj calcium thiab lwm cov txiaj ntsim zaub mov hauv tej mis hmoov ntawd tsawg thiab tus nqe los tseem kim heev. "Cov mis nyuj uas peb niaj hnub yuav los haus tseem muaj txiaj ntsim tshaj tej mis hmoov no lawm thiab," raws li cov kev tshawb fawb tshiab no tau qhia.