SBS Hmong - SBS Hmong

Trump thov nyiaj ntawm Meskas lub tsev tsoom fwv ua rog nrog Iran, Israel qhib ciam teb ntawm Rafah mus rau Egypt, khaub zeeg cua Tropical Cyclone Narelle, cov kev kho se ntawm cov nyiaj puag xyoo, tswv yim pab kom neeg txum tim tsis txhob raug kaw tsev laj cuj coob, Australia tus neeg tswj kom tau roj tsheb siv ruaj, Australia lub yeej tub rog ntawm UAE, tej xwm txheej tsis nyiam cov kev ntseeg Islam, lub koom txoos Eid, Thaib tus thawj pwm tsav tshiab, Matilda cov kev sib tw Women's Asian Cup final nrog Japan.

Have you ever considered using your bilingual skills to assist others? A career in translating and interpreting might be for you. In Australia you can train for a TAFE certificate all the way to Master’s degree prior to getting certified. In this episode we help you navigate the pathway to becoming a qualified practitioner. - Koj puas ib txwm xav tias yuav siv koj tej txuj ci paub ntau yam lus mus pab lwm tus? Tej zaum cov kev ua hauj lwm txhais ntawv thiab txhais lus kuj yuav yog ib co hauj lwm uas koj ua tau thiab. Ntawm Australia no ces koj yeej muaj peev xwm mus kawm kom tau ib daim ntawv pov thawj ntawm TAFE mus txog rau kawm tej sob kawm no kom txog theem master degree los tau ua ntej koj yuav raug lub koom hau National Accreditation Authority for Translators and Interpreters (NAATI) yuav ua ib daig ntawv lees paub thiab tso cai rau yus ua tau tej hauj lwm no. Toom xov xwm no peb yuav pab koj txheej tej xub ke kom ras los ua tau ib tug neeg uas paub ua tau cov hauj lwm no yam raug cai.

Txawm tsoom fwv teb chaws Australia (tsoom fwv Albanese) tau qhia txog nws cov kev txiav txim siab tias yuav tsis pab nyiaj los tsim SBS lub chaw nthuav xov xwm tshiab ntawm Western Sydney los nws yeej tseem yuav pab SBS tsib xyoos ntxiv no. Ua ke no los tej zejzog kuj tseem cia siab tias muaj lwm txoj xub ke ua tej zaum yuav pab tsim tau lub chaw no thiab.

Xov xwm ntawm lub limtiam tshaj tawm rau hnub zwj Teeb (Thursday).

Practise speaking the dialogue from episode #106 Mmm or Hmm? Trying new and unusual food. - Xyaum tham thiab siv tej lus thiab tej sob lus ntawm toom sob kawm #106 uas tham txog cov kev sim tej zaub mov tshiab thiab txawv.

Learn useful English for talking about unusual or strong flavours. Practise everyday phrases for reacting to new foods, sharing opinions, and encouraging someone to try something new. - Kawm tej lus Askiv uas tseem ceeb kom paub tham txog tej zaub mov uas txawv thiab tej zaub mov tsw tej ntxhiab tsw qab heev. Xyaum siv tej sob lus siv txhua hnub kom thiaj paub yuav qhia txog yus cov kev xav rau tej zaub mov, sib faib tswv yim thiab txhawb nqa ib tug twg kom sim noj ib yam dab tsi tshiab.

Australia lub txhab nyiaj faj seeb haiv (Reserve Bank of Australia -RBA) tau nce kab theem paj 0.25% ntawm 3.85% mus ua 4.1% ua zum ob sib lawm liag....thiab ntshe tseem yuav nce kab theem paj ntau zaus ntxiv thiab. Tab sis yog tim dab tsi tiag thiaj ua rau nce tej kab theem paj no thiab yuav muaj tau teeb meem rau leej twg?

Tsoom fwv Australia tseem yuav pab nyiaj ntxiv rau SBS xyoo 2027-28, Matilda yuav sib tw final ntawm Women's Asian Cup, Meskas thiab tej teb chaws tub koom siab NATO, khaub zeeg cua ntawm Far North Queensland, Afghanistan lub tsev kho mob, NSW tsab cai rau txim rau tej neeg ua txhaum rau cov neeg LGBQTI+, Cob tsib thiab Suav cov kev tswj kev ruaj ntseg rau tej ciam dej, tswj tej nqe khoom noj ntawm teb chaws Thaib.

Ntau lub teb chaws yuav tsis xav nkoj tub rog mus tswj Strait of Hormuz, Israel thiab Meskas raug tsub nias kom xaus tsov rog, Australia tej ntawv lo qhia tej khoom noj, Russia muab Telegram nplua ntau caum million roubles, Kpop demon hunters yeej cov khoom plig best animated feature, tej fij dav hlau kim heev ntawm Middle East, tej txiaj ntsim yuav tau los ntawm Australia cov kev teeb txheeb thiab txhim kho, Reserve Bank of Australia (RBA) tseem npaj yuav los qhia seb nws puas nce kab theem paj, Australia tej tswv lagluam tseem faib cais tej neeg nrhiav hauj lwm ua raws hnoob nyoog, kev puas cev thiab mob hlwb, Trump hais kom Suav ncua lub rooj sab laj nws npaj yuav nrog Xi Jinping tham ib hlis, Nplog pib siv cov public transport BRT dawb ib hlis, Nplog tej cai tswj nqe roj kim, tej nqe roj ua rau nqe fij dav hlau kim, thiab tsis xa khoom rau ntau cheeb tsam hauv ntiaj teb, Thaib nkawm niam txiv huab tais mus xyuas Nplog 3 hnub, Nplog yuav xa neeg yuav laug txog 20,000 tus mus ua hauj lwm ntawm South Korea.

Customs is generally the first point of contact for people entering Australia. Our Border Force Officers are there waiting. They ensure that we don’t bring in prohibited goods that could threaten Australia’s unique environment, economy and communities. Before you zip up your suitcase, here’s what you need to know about what can—and can’t—cross the border, and what’s at stake if biosecurity rules are ignored. - Tej neeg tswj ciam teb yog thawj co uas sawv daws ntsib thaum tej neeg tuaj rau teb chaws Australia. Peb tej neeg ua hauj lwm tswj ciam teb (Border Force Officers) yeej tos yuav ntsib sawv daws ntawm tej tshav dav hlau. Thiab yuav ua tib zoo xyuas kom peb tsis txhob nqa tej khoom txwv tsis pub nqa tuaj uas tej zaum yuav ua rau muaj teeb meem rau Australia tej ib puag ncig uas txawv lwm qhov, tej lagluam thiab tej zejzog. Ua ntej koj yuav swb tus zip kaw koj lub thawv ntim khoom, ces tej no yog tej tsim nyog koj paub txog tias nqa tau dab tsi thiab tsis pub nqa dab tsi tuaj rau teb chaws Australia, thiab koj ho yuav raug teeb meem dab tsi yog tias koj tsis kub siab txheeb xyuas thiab ho nqa tau tej khoom yuav muaj teeb meem tsis tau txais kev ruaj ntsg biosecurity rau Australia.