SBS Hmong - SBS Hmong

Thawj pwm tsav Anthony Albanese hais tias tseem muaj kev pab ntxiv rau Iran tej poj niam ncaws pob, Australia teb UAE tias yuav xav lub dav hlau E7A waidge tail thiab foob pob mus pab pov puag Australia tej pej xeem ntawm Middle East, ceeb toom dej nyab ntawm North Queensland, EU tsis pom zoo nrog Meskas cov kev zam qee cov kev rau txim lagluam roj rau Russia, cov kev tos tej neeg Australia ntawm cov gulf countries los tsev, Nqe roj thiab Rishworth, Japan yuav pab Cob tsib txhim kho 20 tom ntej no ntxiv, Nplog thawj lub tshav dav hlau ntiag tug ntawm Bokeo, Poj niam hnub ntawm Nplog teb, tsov rog Middle East thiab nqe tsev thiab kev ntoj ncig ntawm teb chaws Thaib.

Thongdieng (Lees) Vang uas yog ib tug neeg nqua yas suab ntawm pab tub nqua yas suab HmongTime band tawm tswv yim tias vim li cas nws thiab nws pab tub nqua yas suab thiaj mus ua koom txoos paj nruag mus koom Hmong Brisbane Festival.

Ntau txheeb tus neeg tsiv tawm ntawm Lebanon thiab Beirut ntau thaj chaw lub caij Israel tseem tawm tsam Hezbollah, Askiv cov dav hlau tua rog xa mus pab ntau lub teb chaws phooj ywg ntawm Middle East, tej fij dav hlau thauj neeg Australia ntawm UAE, Canada hais kom Australia pab tswj zej zog pej kum haiv cov kev tiaj tus, muaj ib co kev teeb txheeb tshiab qhia tias cov kev tos neeg txawv teb chaws kom tuaj tsawg rau Australia tsis muaj peev xwm daws tau tej teeb meem tsis muaj tsev txaus nyob, ntiaj teb lub koom haum tswj dej num noj qab haus huv hais tias cov tsib tej me nyuam ntxhais hnoob nyoog txog 18 xyoo tsis ua exercise txaus, Nplog npaj sim siv cov tsheb me BRT ntwm Vientiane, Nom tswv Thaib npaj yuav ua hauj lwm hauv tsev tsoom fwv.

In Australia, government-subsidised rental housing is available for eligible households. Assessment is based on need under criteria that vary depending on your state or territory. Here’s what to expect when applying for different types of housing assistance, some common myths around social housing and where to reach out for help. - Ntawm Australia no ces tsoom fwv teb chaws yeej muaj tej nyiaj pab zej tsoom them ntiav tsev nyob pab rau tej neeg muaj cai tau txais cov kev pab no. Nom tswv yeej muaj ib co cai sib txawv ntawm tej xeev los txheeb tej neeg. Ntxiv no yog tej uas tsim nyog koj paub txog thaum sau ntawv mus thov zej tsoom ntau hom tsev sib txawv nyob, thiab txheeb txog tej lus cuav cuam tshuam txog cov social housing los yog ho yuav mus nrhiav thiab thov cov kev pab cuam no qhov twg?

Yuav ntev npaum li cas thiaj thov tau cov public housing nyob? Xauv Yaj uas yog ib tug ua cov hauj lwm no los tau ntau caum xyoo tham txog kis no.

Thoob teb chaws Australia no ces txhua txhua ib dollar nyiaj twg uas ib tug txiv neej khwv tau ntawd, tej poj niam tsuas khwv tau 88.8 cents xwb. Tsoom fwv lub koom haum tswj cov kev vaj huam sib luag thiaj hais tias muaj cov kev khwv tsis tau nyiaj siab npaug no txog li 11.2 feem pua lawm xwb. Tab sis txawm pom tias tej lagluam feem coob kuj muaj peev xwm los tswj tej xwm txheej no zoo tuaj ntxiv lawm los kuj tseem pom tias tej lagluam nyiaj txiaj, construction thiab khawb peev txheej uas txiv neej ua feem coob tseem yog cov khwv tau nyiaj ntau tshaj tej poj niam. Thiaj ua rau Mary Wooldridge uas yog tus coj ntawm lub koom haum Workplace Gender Equality Agency hais tias yuav tsum tau los ua tib zoo txheeb tej xwm txheej no kom thiaj daws tau tej teeb meem no.

Practise speaking the dialogue from episode #105 Celebrating small wins at work. - Xyaum siv tej lus thiab tej sob lus ntawm tej lus sib tham ntawm toom sob kawm #105 uas tham txog cov kev ua kev zoo siab rau cov kev ua tau tej yam dab tsi me me tiav ntawm tej chaw ua hauj lwm coj los sib tham.

Learn useful English for talking about small wins at work. Practise phrases for celebrating achievements, staying motivated, and making progress step by step. - Kawm kom paub siv tej lus Askiv tseem ceeb pab kom koj muaj peev xwm tham txog cov kev ua tau tej yam hauj lwm me me tiav ntawm tej chaw ua hauj lwm. Xyaum siv tej sob lus tham txog cov kev ua kev zoo siab rau cov kev ua tau ntau yam tiav, tej lus siv pab ua kev txhawb siab thiab tej lus tham txog cov kev nce qeb ib theem ib theem.

Thawj zaug uas Meskas tus thawj tsav meem (President) Donald J Trump tau los hais lus rau Mekas lub tsev tsoom fwv ntawd ces nws hais tias ntshe cov tsov rog ua nrog Iran tseem yuav ua ntev tshaj qhov xub xav lawm thiab. Tej xwm txheej no thiaj ua rau muaj teeb meem rau ntiaj teb tej kiab khw nyiaj txiaj, thiab raws li tau muaj cov kev ntsuam zej tsoom Meskas cov kev xav lawm ces tej neeg Meskas feem coob yeej tsis pom zoo rau cov kev mus tua teb chaws Iran.

Australia tus nom tswj tej dej num roj, gas thiab hluav taws xob hais tias Australia yeej tseem muaj roj (petrol, deisel thiab jet fuel) txaus siv tshaj ib lub hlis rau lub caij uas tseem muaj tsov rog ntawm Iran.