SBS Khmer - SBS ខ្មែរ

អគ្គនាយកដ្ឋានអត្តសញ្ញាណកម្ម ដែលស្ថិតក្រោមការគ្រប់គ្រងរបស់អគ្គស្នងការនគរបាលជាតិ និងក្រសួងមហាផ្ទៃ បានប្រកាសពីគម្រោង ដាក់ឱ្យអនុវត្តសាកល្បងនូវការផ្ដល់សេវាលិខិតឆ្លងដែន តាមប្រព័ន្ធអនឡាញ នៅក្នុងខែមិថុនា ឆ្នាំ២០២៤ នេះ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋាភិបាលបដិសេធមិនលូកដៃលើការសម្រេចចិត្តទាក់ទងនឹងរឿង Robodebt... ** ប៉ូលិសរដ្ឋវិចថូរៀប្រកាសផ្តល់រង្វាន់ 1លានដុល្លារ ជុំវិញឃាតកម្មឆ្នាំ 1980... ** CoreLogicថា តម្លៃផ្ទះកើនឡើងខ្លាំងនៅទីក្រុងភឺត ប្រ៊ីសបេន និងអាឌឺឡែត គឺខ្ពស់ជាងទីក្រុងដទៃទៀត។

បន្ទាប់ពីបន្តដំណើរពីទីក្រុងមែលប៊ើន មកដល់ទីក្រុងកង់បេរ៉ា ដោយមានការទទួលស្វាគមន៍និងសំណេះសំណាលជាមួយថ្នាក់ដឹកនាំ និងមន្រ្តីស្ថានឯកអគ្គរាជទូតកម្ពុជា ប្រចាំប្រទេសអូស្ត្រាលី នាព្រឹកថ្ងៃទី១៣ ខែមិថុនា ឆ្នាំ២០២៤ លោកឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ និងភរិយា បានដឹកនាំគណៈប្រតិភូ ចូលរួមស្ដាប់បទបង្ហាញ ដោយមន្រ្តី និងអ្នកជំនាញអូស្ត្រាលី ព្រមទាំងពិនិត្យ និងស្វែងយល់ដោយផ្ទាល់ អំពីការអនុវត្តការងារអន្តោប្រវេសន៍។

ព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋាភិបាលនឹងចូលរួមការផ្លាស់ប្តូរព័ត៌មានរវាងធនាគារ ក្រុមហ៊ុនទូរគមនាគមន៍ និងវេទិកាឌីជីថល ដើម្បីប្រយុទ្ធប្រឆាំងនឹងក្រុមជនបោកប្រាស់។ ** បុគ្គលិកកម្មករអូស្រ្តាលីជាង៨០%ធ្វើការងារថែមម៉ោងដោយមិនបានប្រាក់កម្រៃបន្ថែម។ ** របាយការណ៍ថ្លៃចំណាយលើការរស់នៅរបស់ Anglicare។

ខណៈពេលដែលប្រជាជនអូស្ត្រាលីខិតចូលដល់រដូវកាលប្រកាសពន្ធ អ្នកជំនាញកំពុងជំរុញឱ្យមានការប្រុងប្រយ័ត្ន ដោយសារតែមានអ្នកបោកប្រាស់ជាច្រើន ប្រើប្រាស់ឱកាសនេះ ដើម្បីកំណត់គោលដៅលើប្រជាជនអូស្ត្រាលីសម្រាប់ព័ត៌មានផ្ទាល់ខ្លួន និងព័ត៌មានហិរញ្ញវត្ថុរបស់ពួកគេ។ តើយើងអាចកត់សម្គាល់ល្បិចបោកប្រាស់បានតាមវិធីណាខ្លះ?

អ្នកនាំពាក្យរងក្រសួងមហាផ្ទៃ លោក ទូច សុឃៈ បានឱ្យដឹងថា ក្នុងរយៈពេលមួយសប្តាហ៍ចុងក្រោយនេះ គិតពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៤ សមត្ថកិច្ចចំណុះក្រសួងមហាផ្ទៃ បានបង្ក្រាបក្រុមក្មេងទំនើង បានចំនួន ៦៨ករណី ដោយឃាត់ខ្លួនបានជាង ៣០០នាក់ នៅក្នុងរាជធានី-ខេត្ត ចំនួន ១៨ នៅក្នុងប្រទេសកម្ពុជា។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** យុវជនម្នាក់ត្រូវបានចាប់ខ្លួនក្នុងករណីរូបភាពអាសអាភាសដែលបង្កើតដោយ AI នៅក្នុងសាលារៀនក្រុងមែលប៊ន។ ** ហេរញ្ញិក Jim Chalmers មានទំនុកចិត្តថាសេដ្ឋកិច្ចនឹងងើបឡើងវិញបន្តិចម្តងៗ។ ** ក្រុមហាម៉ាស់បានឆ្លើយតបជាផ្លូវការចំពោះសំណើបទឈប់បាញ់របស់ សហរដ្ឋអាមេរិក។

កម្ពុជា តាមរយៈលោក ហ៊ុន សែន ប្រធានគណបក្សប្រជាជនកម្ពុជា ដែលកំពុងដឹកនាំប្រទេសកម្ពុជា បានប្រកាសថា កម្ពុជា សម្រេចមិនចូលរួមសន្និសីទសន្តិភាពអ៊ុយក្រែន នៅប្រទេសស្វីស នាថ្ងៃទី១៥ និងថ្ងៃទី១៦ ខែមិថុនាខាងមុខនេះទេ។ ការសម្រេចរបស់កម្ពុជាដូច្នេះ ត្រូវបានលោក ហ៊ុន សែន បញ្ជាក់ថា មិនពាក់ព័ន្ធនឹងប្រទេសចិនឡើយ។

ព្រះរាជពិធីបុណ្យចម្រើនព្រះជន្ម គឺជាថ្ងៃឈប់សម្រាកសម្រាប់ប្រជាជនទូទៅនៅប្រទេសអូស្រ្តាលី ទាំងសាលារៀននិងអាជីវកម្មមួយចំនួនក៏បានបិទទ្វារឈប់សម្រាកផងដែរ។ សូមស្តាប់បទសម្ភាសន៍ជាមួយលោក អ៊ិន ណាត ប្រធានអង្គរ ២៣ តុលាប្រចាំប្រទេសអូស្រ្តាលី និងជាមួយប្រជាពលរដ្ឋខ្មែរជាច្រើនរូបទៀត រាប់រៀបអំពីបទពិសោធន៍របស់ពួកក្នុងព្រះរាជពិធីបុណ្យចម្រើនព្រះជន្ម។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ក្រុមប្រឹក្សាសន្តិសុខអង្គការសហប្រជាជាតិ គាំទ្រសំណើបទឈប់បាញ់នៅតំបន់ហ្គាហ្សា ដែលគូសវាសដោយប្រធានាធិបតីអាមេរិក។ ** បម្រាមល្បែងស៊ីសងដែលរង់ចាំជាយូរមកហើយ ឥឡូវចូលជាធរមានក្នុងប្រទេសអូស្ត្រាលី។ ** រដ្ឋមន្ត្រីក្រសួងកសិកម្ម និយាយថា ប្រជាជនអូស្ត្រាលីមិនគួរព្រួយបារម្ភអំពីកង្វះស៊ុតឡើយ។