SBS Khmer - SBS ខ្មែរ

ក្នុងពិធីបើកការដ្ឋានសាងសង់ទំនប់វារីអគ្គិសនី តាតៃលើ ស្ថិតនៅក្នុងស្រុកថ្មបាំង ខេត្តកោះកុង កាលពីព្រឹកថ្ងៃទី៣០ ខែវិច្ឆិកា លោកនាយករដ្ឋមន្ត្រី ហ៊ុន ម៉ាណែត បានប្រកាសថា រាជរដ្ឋាភិបាលកម្ពុជា អាណត្តិទី៧ របស់លោក មិនសាងសង់វារីអគ្គិសនី នៅលើដងទន្លេមេគង្គឡើយ។ មូលហេតុ ដើម្បីបញ្ចៀសផលប៉ះពាល់ដល់បរិស្ថាន និងអេកូឡូស៊ី តាមដងទន្លេមេគង្គ។

ប្រជាជនអូស្ត្រាលីកាន់តែច្រើនឡើង នឹងទទួលបានការប្រឹក្សាផ្នែកហិរញ្ញវត្ថុ ក្រោមគំរូថ្មីដែលផ្តល់មូលនិធិដោយរដ្ឋាភិបាលសហព័ន្ធ និង ឧស្សាហកម្មមួយចំនួន។ ទឹកប្រាក់ចំនួន 30 លានដុល្លារ នឹងត្រូវវិនិយោគលើការផ្តល់ប្រឹក្សាដោយផ្ទាល់ និងតាមទូរសព្ទ ក្នុងរយៈពេល 3 ឆ្នាំ ដោយមានការគាំទ្រពីធនាគារធំៗ ឧស្សាហកម្មល្បែងស៊ីសង និងក្រុមហ៊ុនទិញពេលនេះ បង់ប្រាក់ពេលក្រោយ ។ ចំពេលមានការកើនឡើងនៃសម្ពាធការរស់នៅ និងការលំបាកផ្នែកហិរញ្ញវត្ថុសម្រាប់ប្រជាជនអូស្ត្រាលីជាច្រើន សំណួរនៅតែមាន ថាតើឧស្សាហកម្មទាំងនេះកំពុងតែបង្ការ ឬកំពុងតែរួមចំណែកដល់គ្រោះថ្នាក់កាន់តែច្រើន។

ព័ត៌មានសំខាន់ៗសម្រាប់ថ្ងៃនេះរួមមាន៖ ** អតីតអ្នកការទូតអាមេរិកលោក Henry Kissinger បានទទួលមរណភាពក្នុងជន្មាយុ ១០០ឆ្នាំ។ ** ចំណាប់ខ្មាំង ១៦នាក់ទៀតត្រូវបានដោះលែងដោយក្រុមហាម៉ាសនៅថ្ងៃចុងក្រោយនៃបទឈប់បាញ់។ *** អូស្ត្រាលីកំពុងធ្វើការងារដើម្បីយកពលរដ្ឋ៦៧នាក់បន្ថែមទៀតចេញពីតំបន់ហ្គាហ្សា។

ក្រសួងមហាផ្ទៃ បានប្រកាសថា ក្រោមគំនិតផ្ដួចផ្ដើម និងការដឹកនាំដ៏ខ្ពង់ខ្ពស់របស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រព័ន្ធ Cambodia e-Arrival នៅប៉ុស្ដិ៍នគរបាលអាកាសយានដ្ឋានខេត្តព្រះសីហនុ និងអាកាសយានដ្ឋានអន្តរជាតិភ្នំពេញ នឹងដាក់ឱ្យដំណើរការ នាពេលខាងមុខនេះ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** នាយករដ្ឋមន្ត្រីអូស្រ្តាលី សុំទោសចំពោះអ្នកនៅរស់រានមានជីវិតពីថ្នាំ thalidomide។ *** ក្រុមហាម៉ាស់ដោះលែងចំណាប់ខ្មាំងបន្ថែមទៀត ដែលជាផ្នែកមួយនៃកិច្ចព្រមព្រៀងបទឈប់បាញ់ជាបណ្តោះអាសន្នជាមួយអ៊ីស្រាអែល។ ** រដ្ឋាភិបាលអូស្រ្តាលីកំពុងបង្កើតច្បាប់ អនុញ្ញាតឱ្យមានការឃុំខ្លួនអ្នកជាប់ឃុំអន្តោរប្រវេសន៍ដែលត្រូវបានផ្តន្ទាទោសពីបទឧក្រិដ្ឋឡើងវិញ។

បន្ទាប់ពីខកខានអស់រយៈពេល ៣ឆ្នាំជាប់គ្នារួចមក ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយៈពេល ៣ថ្ងៃ ចាប់ពីថ្ងៃទី២៦-២៨ ខែវិច្ឆិកា ឆ្នាំ២០២៣ នៅមុខព្រះបរមរាជវាំង ក្នុងរាជធានីភ្នំពេញ បានបិទបញ្ចប់ហើយ ដោយមានប្រជាពលរដ្ឋ ចូលរួមកម្សាន្តសប្បាយជិត ៥លាននាក់។ នេះបើតាមរបាយការណ៍របស់អគ្គស្នងការដ្ឋាននគរបាលជាតិ។

ពិធីបុណ្យអុំទូក បណ្តែតប្រទីប អកអំបុក និងសំពះព្រះខែមានប្រវត្តិតាំងពីសម័យអង្គមកម្លេះ ហើយប្រជាពលរដ្ឋកម្ពុជាតែងប្រារព្ធពិធីនេះរយៈពេលបីថ្ងៃ។ រីឯប្រជាពលរដ្ឋខ្មែរនៅអូស្រ្តាលីប្រារព្ធកម្មវិធីនេះជារៀងរាល់ឆ្នាំ ប៉ុន្តែពិធីនេះមិនមានទ្រង់ទ្រាយធំដូចនៅក្នុងប្រទេសកម្ពុជានោះទេ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ប៉ូលីសកំពុងស្វែងរកជនអន្តោប្រវេសន៍ម្នាក់ ដែលមិនព្រមពាក់ឧបករណ៍តាមដាន។ ** និមិត្តសញ្ញានៃការគោរព និងការស្អប់ខ្ពើមរបស់ណាស៊ី នឹងត្រូវហាមឃាត់ ក្រោមច្បាប់ប្រឆាំងភេរវកម្មថ្មី។ ** អ៊ីស្រាអែល និងក្រុមហាម៉ាស់យល់ព្រមបន្តបទផ្អាកបាញ់ជាបណ្តោះអាសន្ន រយៈពេលពីរថ្ងៃបន្ថែមទៀត។

Australia has thousands of kilometres of spectacular coastline, and a trip to the beach for a swim is a much-celebrated part of the lifestyle – whether to cool off, keep fit, or to socialise. Being aware of beach safety is vital to minimise the risk of getting into trouble in the water. This includes understanding the threat that sharks pose to minimise the chance of encountering a shark and being aware of shark behaviour, so you know how to react to stay safe. - ប្រទេសអូស្ត្រាលីមានឆ្នេរសមុទ្រដ៏ស្រស់ស្អាតអស្ចារ្យ ទាក់ទាញវប្បធម៌ឆ្នេរ និងជីវសមុទ្រចម្រុះ។ ទោះយ៉ាងណាក៏ដោយ វាជារឿងសំខាន់ក្នុងការកត់សម្គាល់នូវហានិភ័យដែលអាចកើតមាន។ សត្វសមុទ្រជាច្រើនប្រភេទដូចជា ត្រីសារាយសមុទ្រដែលចេះទិច ត្រីបបែល និងត្រីឆ្លាមជាច្រើនប្រភេទ រស់នៅក្នុងដែនទឹកទាំងនេះ ដែលទាមទារឱ្យមានការប្រុងប្រយ័ត្ន។ ការយល់ដឹងអំពីសុវត្ថិភាពឆ្នេរ ជាពិសេសនៅតំបន់ដែលមិនធ្លាប់ស្គាល់ គឺចាំបាច់ណាស់ក្នុងការកាត់បន្ថយហានិភ័យដែលទាក់ទងនឹងទឹក រួមទាំងការពើបប្រទះនឹងត្រីឆ្លាមផងដែរ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ការដោះដូរជុំទី៣ នៃចំណាប់ខ្មាំងអ៊ីស្រាអ៊ែល និងអ្នកទោសប៉ាឡេស៊ីន បានប្រព្រឹត្តិទៅ ខណៈដែលមានការជំរុញឱ្យបន្តបទឈប់បាញ់ជាបន្តអាសន្នបន្ថែមទៀត។ ** បាតុកម្មនៅទីក្រុងម៉ែលប៊ន ប្រឆាំងនឹងការគាំទ្ររបស់អាមេរិក ចំពោះសកម្មភាពយោធាអ៊ីស្រាអែលមកលើតំបន់ហ្គាហ្សា។ ** រដ្ឋាភិបាលអូស្រ្តាលីវិនិយោគប្រាក់បន្ថែម 225លានដុល្លារ សម្រាប់ទីភ្នាក់ងារសន្តិសុខ ដើម្បីតាមដានអ្នកទោសអន្តោរប្រវេសន៍ដែលត្រូវបានដោះលែងថ្មីៗនេះ។