SBS Khmer - SBS ខ្មែរ

អង្គការសប្បុរសធម៌សុខភាពផ្លូវចិត្តរបស់កុមារមួយ បានប្រកូកប្រកាសអំពីកង្វះខាតការគាំទ្រដល់កុមារអាយុក្រោម 14 ឆ្នាំដែលជួបបញ្ហាសុខភាពផ្លូវចិត្ត។ KidsXpress បានរកឃើញថា ឪពុកម្តាយម្នាក់ក្នុងចំណោម 3 នាក់ នៅក្នុងប្រទេសអូស្ត្រាលី ប្រហែលជាមិនអាចសម្គាល់រោគសញ្ញានៃជំងឺផ្លូវចិត្តដែលកើតមានចំពោះកូនៗរបស់ពួកគេបាននោះទេ ដែលនោះអាចបណ្តាលឱ្យមានផលប៉ះពាល់អវិជ្ជមានយូរអង្វែងក្នុងពេលពេញវ័យ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អ្នកជំនាញផ្នែកសន្តិសុខតាមអ៊ីនធឺណិតថា ការដាច់បណ្តាញសេវារបស់ Optus ទូទាំងប្រទេស បង្ហាញពីភាពផុយស្រួយនៃបណ្តាញទូរគមនាគមន៍របស់អូស្ត្រាលី។ ** រដ្ឋាភិបាលសហព័ន្ធការពារកិច្ចខិតខំប្រឹងប្រែងរបស់ខ្លួនក្នុងការគ្រប់គ្រងអតិផរណា បន្ទាប់ពីធនាគារកណ្តាលសម្រេចដំឡើងអត្រាការប្រាក់0,25%។ ** សង្គមអឌ្ឍចន្ទក្រហមប៉ាឡេស្ទីន ចោទប្រកាន់កងកម្លាំងអ៊ីស្រាអែលថា កំណត់គោលដៅលើក្បួនរថយន្តមនុស្សធម៌នៅហ្គាហ្សា។

ដំណើរការប្រឡងបាក់ឌុប នៅកម្ពុជា រយៈពេល ២ថ្ងៃ នៅថ្ងៃទី៦-៧វិច្ឆិកា ឆ្នាំ២០២៣ គោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ ក្នុងនោះ បេក្ខជនអវត្តមានសរុប ២.៣២៨នាក់ ស្រី៩៣៤នាក់ ស្មើនឹង ១,៦៩ភាគរយ នៃបេក្ខជនចុះឈ្មោះសរុបជាង ១៣ម៉ឺននាក់។ រយៈពេល ២ថ្ងៃនេះ ក៏មានបេក្ខជន មានបញ្ហាសុខភាព ៨៥ករណីផងដែរនិងមិនអាចបន្តការប្រឡង បានចំនួន ៥ករណី។

ក្នុងពិធីសំណេះសំណាលជាមួយកម្មករកាត់ដេរ នៅតំបន់សេដ្ឋកិច្ចពិសេស ក្នុងខេត្តព្រះសីហនុ កាលពីព្រឹកថ្ងៃទី៧ ខែវិច្ឆិកា លោកនាយករដ្ឋមន្ត្រី ហ៊ុន ម៉ាណែត បានណែនាំឱ្យមន្ត្រីជំនាញ រៀបចំស្ថាបនាផ្លូវរថភ្លើងនៅកម្ពុជា ឱ្យអាចរត់បានល្បឿន ៨០គីឡូម៉ែត្រ ក្នុងមួយម៉ោង។ វិធានការថ្មីនេះ ដើម្បីកាត់បន្ថយការចំណាយ និងងាយស្រួលដល់ការដឹកជញ្ជូន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋមន្ត្រីក្រសួងកសិកម្មនិយាយថា ដំណើរទស្សនកិច្ចរបស់នាយករដ្ឋមន្ត្រីទៅកាន់ប្រទេសចិន នឹងមិននាំមកនូវការទម្លាក់ពន្ធថ្មីសម្រាប់ផលិតផលអូស្ត្រាលីឡើយ។ ** កងកម្លាំងការពារជាតិអ៊ីស្រាអែល បញ្ចេញវីដេអូបង្ហាញពីការឡោមព័ទ្ធទីក្រុងសំខាន់នៃហ្គាហ្សា។ ** លោកនាយករដ្ឋមន្ត្រី Anthony Albanese បានច្រានចោលកញ្ចប់ប្រាក់ជំនួយបន្ថែមសម្រាប់ប្រជាជន ទប់ទល់នឹងសម្ពាធលើថ្លៃចំណាយការរស់នៅប្រចាំថ្ងៃ។

នៅក្នុងពិធីសំណេះសំណាលជាមួយកម្មករ និយោជិត ប្រមាណជិត ២ម៉ឺននាក់ នៅខេត្តកណ្តាល នាថ្ងៃទី២ ខែវិច្ឆិកា លោកនាយករដ្ឋមន្ត្រី ហ៊ុន ម៉ាណែត បានប្រកាសថា នៅថ្ងៃទី១៤វិច្ឆិកាខាងមុខនេះ រាជរដ្ឋាភិបាលរបស់លោក នឹងប្រកាសដាក់ឱ្យអនុវត្តជាផ្លូវការនូវកម្មវិធីទី២ ក្នុងចំណោមគោលនយោបាយជាអាទិភាពទាំង ៦ចំណុច ដែលបានដាក់ចេញឲ្យអនុវត្តភ្លាម នៅក្នុងឆ្នាំ២០២៣នេះ។ នោះគឺការបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជន មកពីគ្រួសារក្រីក្រ និងគ្រួសារងាយរងហានិភ័យ នៅទូទាំងប្រទេស ដែលគ្រោងនឹងផ្តល់អត្ថប្រយោជន៍ដល់ប្រជាជនប្រមាណ ១លាន ៥សែននាក់។

អ្នកជួលផ្ទះសម្បែងរស់នៅទូទាំងប្រទេសអូស្រ្តាលី កំពុងត្រូវបានព្រមានពីការលំបាកកាន់តែខ្លាំងឡើងៗ ដោយសារការផ្គត់ផ្គង់ដែលមានកំណត់ ជំរុញឱ្យតម្លៃកើនឡើង។ នោះគឺផ្អែកលើការវិភាគថ្មីដោយ PropTrack នៃការចុះបញ្ជីផ្ទះដាក់ជួលនៅលើគេហទំព័ររបស់ Realestate.com ទាំងមូល។ ឥទ្ធិពលនេះមិនមែនមានតែនៅក្នុងទីក្រុងរាជធានីនោះទេ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ជនជាតិអូស្ត្រាលី 20 នាក់បានគេចចេញពីតំបន់ហ្គាហ្សាតាមច្រករ៉ាហ្វា។ ** កិច្ចខិតខំប្រឹងប្រែងស្តារឡើងវិញបន្ទាប់ពីភ្លើងឆេះព្រៃ បានចាប់ផ្តើមហើយនៅក្នុងទីប្រជុំជន Western Downs នៃទីក្រុង Tara ។ ** បុគ្គលិកថែទាំមនុស្សចាស់ចាំបាច់ត្រូវធ្វើការបណ្តុះបណ្តាលភ្លាមៗ។

យោងតាមផេកផ្លូវការរបស់កម្មវិធីទូរទស្សន៍មួយរបស់ប្រទេសអូស្ត្រាលី ដែលមានឈ្មោះថា The Amazing Race Australia បានជ្រើសរើសយកទឹកដីនៃព្រះរាជាណាចក្រកម្ពុជា ជាទីតាំងថតកម្មវិធីដ៏ល្បីមួយនេះ។

មាតិកាព័ត៌មានសំខាន់ៗ៖ ** យោធាអ៊ីស្រាអែលអះអាងថា ខ្លួននៅពីក្រោយការវាយប្រហារតាមអាកាសមកលើជំរំជនភៀសខ្លួននៅហ្គាហ្សា ដែលបានសម្លាប់មនុស្សយ៉ាងហោចណាស់៥០នាក់។ ** អ្នកស្រុកនៅតំបន់ភាគខាងត្បូងនៃរដ្ឋគ្វីនស្លេល ត្រូវបានគេណែនាំឱ្យជម្លៀសចេញភ្លាមៗ ខណៈពេលវិបត្តិភ្លើងឆេះព្រៃកំពុងបន្ត។ ** មូលនិធិរូបិយវត្ថុអន្តរជាតិ IMF បានជំរុញឱ្យធនាគារកណ្តាលរបស់ប្រទេសអូស្ត្រាលី បន្តបង្កើនអត្រាការប្រាក់ដើម្បីកាត់បន្ថយអតិផរណាឱ្យបានឆាប់រហ័សជាងនេះ។