SBS Khmer - SBS ខ្មែរ

ជនជាតិខ្មែរ ២នាក់ ក្នុងចំណោម ៦នាក់ ដែលសមត្ថកិច្ចកម្ពុជា អះអាងថា ជាមេខ្លោងឧក្រិដ្ឋកម្មឆបោកអនឡាញ ត្រូវបានចាប់បញ្ជូនទៅតុលាការ និងឃុំខ្លួន នៅក្នុងពន្ធនាគារ ដើម្បីបន្តនីតិវិធីផ្លូវច្បាប់។ នេះបើតាមគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ដែលបានប្រកាស កាលពីថ្ងៃពុធ ទី២១ ខែតុលា។

តបនឹងការចោទប្រកាន់ថា រដ្ឋាភិបាលកម្ពុជា ក្រោមការដឹកនាំរបស់លោក ហ៊ុន ម៉ាណែត កាត់ដីឱ្យថៃ នៅពេលនេះ លោកនាយករដ្ឋមន្ត្រី ហ៊ុន ម៉ាណែត បានប្រកាសថា រដ្ឋាភិបាលរបស់លោក ចង់ឱ្យពលរដ្ឋខ្មែរគ្រប់និន្នាការ មូលមតិគ្នា ផ្ដល់ទំនុកចិត្ត កុំចោទប្រកាន់រដ្ឋាភិបាលថា «ក្បត់ជាតិ កាត់ដីឱ្យថៃ» ដើម្បីទុកឱកាស ឱ្យមន្ត្រីជំនាញ ដោះស្រាយជាមួយថៃ ឱ្យចប់សព្វគ្រប់សិន ចាំពលរដ្ឋ នាំគ្នាទៅផ្ទៀតផ្ទាត់ នៅលើដីជាក់ស្ដែង និងវាយតម្លៃ។

អាជ្ញាធរ និងភ្នាក់ងារសន្តិសុខកំពុងព្រមានថា រ៉ាឌីកាល់និយមកំពុងកើនឡើង និងកាន់តែងាយកើតមាននៅក្នុងប្រទេសអូស្រ្តាលី។ ការព្រមានទាំងនេះបានលេចឡើងនៅក្នុងកិច្ចស៊ើបអង្កេតមួយរបស់សភា ដែលពិនិត្យមើលអំពីលក្ខណៈ និងកត្តាជំរុញឱ្យមាននិន្នាការមូលវិវដ្តនិយមនៅក្នុងប្រទេសអូស្ត្រាលី ដោយអាជ្ញាធរបានចង្អុលបង្ហាញពីការកើនឡើងយ៉ាងខ្លាំងនៃរបាយការណ៍ពាក់ព័ន្ធនឹងខ្លឹមសារគាំទ្រអំពើភេរវកម្មនៅលើអ៊ីនធឺណិត។ ដូច្នេះ តើបច្ចេកវិទ្យាកំពុងផ្លាស់ប្តូរលក្ខណៈនៃគ្រោះថ្នាក់នេះយ៉ាងដូចម្តេច? ហើយតើអាចធ្វើអ្វីបានខ្លះ ដើម្បីទប់ស្កាត់និន្នាការជ្រុលនិយមនៅលើអនឡាញ មុនពេលដែលវាវិវត្តទៅជាអំពើហិង្សានោះ?

*** ហេតុផលដែលគាំទ្រដល់ការដំឡើងអត្រាការប្រាក់នៅក្នុងខែវិច្ឆិកា កាន់តែមានទម្ងន់ខ្លាំងឡើង។ *** សមាជិកសភា លោកស្រី Helen Haines ត្រូវការពេលយូរដើម្បីជាសះស្បើយឡើងវិញបន្ទាប់ពីបាត់បង់ជើងទាំងពីរនៅក្នុងហេតុការណ៍វាយប្រហារដោយរថយន្ត។ *** ASIO ថា អំពើហិង្សានយោបាយកំពុងកើតឡើងកាន់តែញឹកញាប់ ប៉ុន្តែមិនមានកត្តាតែមួយដែលជំរុញមូលវិវដ្តនិយមនោះទេ។

#sbsaudiopodcast

កាលពីព្រឹកថ្ងៃទី២០ ខែតុលា ឆ្នាំ២០២៦ លោកនាយឧត្តមសេនីយ៍ Antonio G Natarrete នាយសេនាធិការកងទ័ពហ្វីលីពីន និងគណៈប្រតិភូ បានជួបសម្តែងការគួរសម និងពិភាក្សាការងារ ជាមួយលោកនាយករដ្ឋមន្ត្រី ហ៊ុន ម៉ាណែត នៅវិមានសន្តិភាព ក្នុងរាជធានីភ្នំពេញ ដោយបានរំលឹកឡើងវិញនូវទំនាក់ទំនង និងកិច្ចសហប្រតិបត្តិការដ៏ល្អ និងយូរអង្វែង រវាងប្រទេសទាំងពីរ ជាពិសេសក្នុងវិស័យការពារជាតិ និងសន្តិសុខ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** បុរសម្នាក់ដែលត្រូវបានចោទប្រកាន់ថាបានវាយប្រហារសមាជិកសភា លោកស្រី Helen Haines ត្រូវឡើងតុលាការ។ ** ការរៀបរាប់បន្ថែមពីសាក្សីនៅកន្លែងកើតហេតុដែលបានបង្ហាញភាពក្លាហាន និងពីអ្នកដែលបានចូលជួយអន្តរាគមន៍ដំបូង។ ** ស្នងការសុវត្ថិភាពអេឡិចត្រូនិក-eSafety លើកឡើងពីការព្រួយបារម្ភអំពី Generative A-I ។

#sbsaudiopodcast

បន្ទាប់ពីវិលត្រឡប់មកពីចូលរួមកិច្ចប្រជុំ ក្រោមយន្តការ UNCLOS រវាងកម្ពុជា និងថៃ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា បានប្រកាសថា កម្ពុជា ស្នើសុំឱ្យមានការដំឡើងកម្រិតការទូត និងបង្កើតឱ្យមាន Hot line ដើម្បីមេបញ្ជាការកងទ័ពជើងទឹកកម្ពុជា និងថៃ ងាយភ្ជាប់ទំនាក់ទំនងជាមួយគ្នា ដើម្បីដោះស្រាយបញ្ហាណាមួយ ដែលកើតមានឡើង ជាពិសេសនៅអំឡុងនៃដំណើរការដោះស្រាយតាមយន្តការ UNCLOS។

*** ការផ្ទុះកំហឹងជុំវិញករណីចោទប្រកាន់ពីការវាយប្រហារលើសមាជិកសភាសហព័ន្ធ លោកស្រី Helen Haines។ ***រដ្ឋាភិបាលបង្ហាញព័ត៌មានលម្អិតអំពីគម្រោងការពារជាតិសម្ងាត់មួយ។ *** ការដាក់ចេញនូវបម្រាមគោចរនៅផ្នែកខ្លះក្នុងប្រទេសបារាំង ក្រោយពីមានអំពើហិង្សាក្នុងអំឡុងចុងសប្តាហ៍។

#sbsaudiopodcast

តើច្បាប់នៅប្រទេសអូស្ត្រាលីមានការផ្លាស់ប្តូរដោយរបៀបណា? តាមរយៈយុទ្ធនាការរបស់លោក Rodney Croome ដើម្បីសិទ្ធិមនុស្ស និងសមភាពអាពាហ៍ពិពាហ៍ សូមសិក្សាពីរបៀបដែលរឿងរ៉ាវផ្ទាល់ខ្លួន សកម្មភាពរបស់សហគមន៍ ប្រព័ន្ធតុលាការនិងសភា អាចជួយផ្លាស់ប្តូរច្បាប់បាន ព្រមទាំងមូលហេតុដែលដំណើរការនេះអាចត្រូវចំណាយពេលវេលាយូរ។

How Australia Works is an SBS podcast that uses real stories and clear explanations to help you understand how government work in Australia, how laws are made and changed, and how you can have a say. Listen to the series and find shorter versions in 60 languages on the How Australia Works main page.

*** ស្ថានភាពលំបាកផ្នែកសេដ្ឋកិច្ចនៅអូស្ត្រាលី វិលត្រឡប់ទៅរកកម្រិតខ្ពស់បំផុត ចាប់តាំងពីក្រោយវិបត្តិកូវីដ។ *** អត្រាអ្នកអត់ការងារធ្វើនៅអូស្ត្រាលី បានកើនឡើងដល់ ៤,៧ ភាគរយ ដោយមានការបាត់បង់ការងារចំនួន ៣៩ ០០០ កន្លែងនៅក្នុងខែកញ្ញា។ *** ពលរដ្ឋអូស្ត្រាលីម្នាក់ត្រូវបានឃុំខ្លួនដោយខុសច្បាប់រយៈពេល ៩៤៥ ថ្ងៃ។