SBS Khmer - SBS ខ្មែរ

លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានប្រកាសថា នាពេលខាងមុខ ទាំងស្ថាប័នរដ្ឋ និងឯកជន តម្រូវឱ្យធ្វើតេស្តបុគ្គលិក ពិសេសអ្នកបើកបររថយន្តដឹកជញ្ជូនទំនិញ ដើម្បីរកសារធាតុញៀនជាមុនសិន មុនឱ្យចូលធ្វើការ។ លោក ស ខេង គូសបញ្ជាក់ថា នេះជាវិធីសាស្ត្រមួយ ក្នុងការទប់ស្កាត់គ្រឿងញៀន ហើយវិធានការថ្មីនេះ នឹងត្រូវដាក់បញ្ចូលក្នុងវិសោធនកម្មច្បាប់ចរាចរណ៍ និងច្បាប់គ្រឿងញៀន។

Learn some phrases you can use when talking about pregnancy. Plus, find out the difference between going to a public and private hospital. - សិក្សាអំពីឃ្លាឃ្លោងមួយចំនួនដែលអ្នកអាចប្រើបាននៅពេលនិយាយអំពីការមានគភ៌។ លើសពីនេះ ស្វែងយល់ពីភាពខុសគ្នារវាងការទៅមន្ទីរពេទ្យរដ្ឋ និងមន្ទីរពេទ្យឯកជន។

មនុស្សភាគច្រើនទទួលស្គាល់ថា រឿងនយោបាយគឺជារឿងសម្រាប់យើងគ្រប់គ្នា ប៉ុន្តែផ្នត់គំនិតអវិជ្ជាមានមួយចំនួននៅតែកើតឡើងក្នុងស្រទាប់យុវជន។ តើការចូលរួមធ្វើនយោបាយមានន័យដូចម្តេច? សូមស្តាប់បទសម្ភាសជាមួយលោកតាក ម៉េងហ៊ាង សមាជិកសភាប្រចាំតំបន់ក្លារីនដានៃរដ្ឋវិចថូរៀ។

A free, independent and diverse press is a fundamental pillar of democracy. Australia has two taxpayer-funded networks that serve the public interest (ABC and SBS), plus a variety of commercial and community media outlets. Although publicly funded media receives money the government, it is unlike the state-sponsored outlets found overseas. - សេរីភាពសារព័ត៌មាន និងទិដ្ឋភាពប្រព័ន្ធផ្សព្វផ្សាយចម្រុះ គឺជាចំណុចសំខាន់នៃលទ្ធិប្រជាធិបតេយ្យដែលមានសុខភាពល្អ ដែលប្រជាពលរដ្ឋ និងអ្នកសារព័ត៌មានមានអំណាចក្នុងការបញ្ចេញមតិ ទទួលយក និងផ្សព្វផ្សាយព័ត៌មានដោយមិនភ័យខ្លាចការជ្រៀតជ្រែក ឬការសងសឹកពីរដ្ឋាភិបាលកាន់អំណាច។ ទោះបីជាសេរីភាពសារព័ត៌មានមិនត្រូវបានធានាដោយរដ្ឋធម្មនុញ្ញក៏ដោយ ក៏អូស្ត្រាលីជាប់ចំណាត់ថ្នាក់ក្នុងចំណោមប្រទេសកំពូលចំនួន 40 ប្រទេស នៅលើសន្ទស្សន៍សេរីភាពសារព័ត៌មានពិភពលោក។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

អ្នកដែលជាប់បំណុលទិញផ្ទះសម្បែងរងផលប៉ះពាល់យ៉ាងខ្លាំង ជាមួយនឹងការកើនឡើងនៃអត្រាការប្រាក់៧លើកជាប់ៗគ្នា។ អាជីវកម្ម និងក្រុមគ្រួសារជាច្រើនព្រួយបារម្ភអំពីផលប៉ះពាល់នេះ។ ធនាគារកណ្តាលរបស់អូស្រ្តាលី (RBA)ក៏កំពុងតែពិនិត្យឡើងវិញនូវកម្រិតអតិផរណាសម្រាប់ឆ្នាំនេះ ដោយព្រមានថា ទំនងជានឹងមានការកើនឡើងបន្ថែមទៀតនៅពេលខាងមុខ។

កាលពីព្រឹកថ្ងៃទី១ ខែវិច្ឆិកា លោកនាយករដ្ឋមន្ត្រី ហ៊ុន សែន បានសុំការយោគយល់ ទុកជាមុនពីប្រជាពលរដ្ឋ ក្នុងរាជធានីភ្នំពេញ ចំពោះការរំខាននានា ដែលនឹងកើតមានឡើង ក្នុងកំឡុងសប្តាហ៍ក្រោយ ក្នុងខែវិច្ឆិកានេះ ដើម្បីធានាសណ្តាប់ធ្នាប់ ពិសេសធានាសន្តិសុខ និងសុវត្ថិភាព ជូនថ្នាក់ដឹកនាំបណ្តាប្រទេសអាស៊ាន ក៏ដូចជាថ្នាក់ដឹកនាំពិភពលោក ដែលនឹងមកចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ នៅក្នុងរាជធានីភ្នំពេញ។ ការបិទផ្លូវ ដើម្បីសម្រួលដល់ការធ្វើដំណើររបស់គណៈប្រតិភូបរទេស នឹងបង្កការរំខានដល់ពលរដ្ឋពិតមែន ប៉ុន្តែលោកនាយករដ្ឋមន្ត្រី ហ៊ុន សែន លើកឡើងថា នេះជាមោទកភាពមួយ សម្រាប់ប្រទេស និងប្រជាជនកម្ពុជាទាំងមូល ដែលត្រូវទទួលរៀបចំកិច្ចប្រជុំថ្នាក់តំបន់ និងថ្នាក់ពិភពលោកនេះ។

អ្នកបើកបរដែលធ្លាប់មានគ្រោះថ្នាក់ កំពុងត្រូវបានលើកទឹកចិត្តឱ្យប្រាប់អ្នកផងផ្សេងទៀតឱ្យដឹងថា ពួកគេត្រៀមខ្លួនរួចជាស្រេចដើម្បីត្រឡប់ទៅបើកបរនៅលើដងផ្លូវវិញ។ គំនិតផ្តួចផ្តើមថ្មីមួយកំពុងត្រូវបានដាក់ឱ្យដំណើរការដើម្បីជួយអ្នកបើកបរឱ្យមានទំនុកចិត្តឡើងវិញ បន្ទាប់ពីមានឧបទ្ទវហេតុគ្រោះថ្នាក់ចរាចរណ៍ ជាមួយនឹងផ្លាកសញ្ញាដែលអាចដាក់នៅលើរថយន្ត ដែលបង្ហាញដល់អ្នកបើកបរផ្សេងទៀតឱ្យមានការអត់ធ្មត់ ឬបង្ហាញការយល់ចិត្ត និងការយោគយល់។

មេដឹកនាំគណបក្សប្រឆាំងសហព័ន្ធបានប្រើសុន្ទរកថាឆ្លើយតបថវិកាដំបូងរបស់លោកដើម្បីដាក់បញ្ហាសេដ្ឋកិច្ចរបស់ប្រទេសអូស្ត្រាលី ជាបន្ទុករបស់រដ្ឋាភិបាលសហព័ន្ធ។ លោក Peter Dutton និយាយថា កញ្ចប់ថវិកាដំបូងរបស់រដ្ឋាភិបាលបក្សលេប័រ គឺជា "ការបាត់បង់ឱកាស " ក្នុងការជួយប្រជាជនអូស្ត្រាលីដែលកំពុងជួបការលំបាកជាមួយនឹងថ្លៃចំណាយនៃការរស់នៅខ្ពស់។ លោក Dutton ក៏បានចោទប្រកាន់រដ្ឋាភិបាលពីការដើរចេញពីការសន្យាដ៏សំខាន់មួយនៅពេលបោះឆ្នោត ស្តីពីវិក្កយបត្រថាមពល ហើយបានជំរុញឱ្យមានការពិភាក្សាអំពីបច្ចេកវិទ្យានុយក្លេអ៊ែរដើម្បីជួយសម្រាលវិបត្តិថាមពលនេះ។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។