SBS Khmer - SBS ខ្មែរ

វេជ្ជបណ្ឌិតពិនិត្យជំងឺទូទៅរបស់ប្រទេសអូស្ត្រាលីមានការភ្ញាក់ផ្អើលជាខ្លាំង ចំពោះការចោទប្រកាន់ដែលបានផ្ទុះឡើងមកថា ប្រាក់រាប់ពាន់លានដុល្លារកំពុងត្រូវបានកេងបន្លំ ចេញពីគម្រោងកម្មវិធី Medicare របស់ប្រទេសអូស្ត្រាលី។ មានការចោទប្រកាន់ថា ប្រាក់ 8ពាន់លានដុល្លារ ត្រូវបានកេងប្រវ័ញ្ចចេញពីប្រព័ន្ធនេះ ជារៀងរាល់ឆ្នាំ ប៉ុន្តែក្រុមវេជ្ជបណ្ឌិតនិយាយថា ការអះអាងនេះអាចត្រូវតែមួយភាគតូចប៉ុណ្ណោះ។

រដ្ឋាភិបាលរដ្ឋវិចថូរៀបានសន្យាផ្តល់ប្រាក់ជំនួយចំនួន 351 លានដុល្លារដើម្បីជួយដល់ក្រុមគ្រួសារដែលរងផលប៉ះពាល់ដោយទឹកជំនន់ដែលកំពុងបន្ត។ គោលបំណងចំបងនៃប្រាក់ជំនួយនេះគឺសម្រាប់ការចំណាយលើការបោសសម្អាត និងជួសជុលផ្លូវរាប់រយខ្សែដែលខូចខាតដោយសារទឹកជំនន់ ដែលកំពុងរារាំងដល់កិច្ចប្រឹងប្រែងជួយសង្គ្រោះ។ ភ្លៀងបានធូរស្រាលឡើងហើយនៅក្នុងតំបន់ជាច្រើនដែលរងផលប៉ះពាល់ខ្លាំងបំផុត ប៉ុន្តែផ្ទះយ៉ាងហោចណាស់ បីម៉ឺនបួនពាន់ខ្នង នៅតែប្រឈមនឹងការជន់លិច ឬត្រូវបានកាត់ផ្តាច់ នៅតាមប្រព័ន្ធទន្លេដែលឡើងខ្លាំងរបស់រដ្ឋវិចថូរៀ។ ជាមួយនឹងការព្យាករណ៍ថានឹងមានទឹកភ្លៀងធ្លាក់បន្ថែមទៀតក្នុងសប្តាហ៍នេះ ការសង្គ្រោះបន្ទាន់ទឹកជំនន់នឹងបន្តសម្រាប់សហគមន៍ជាច្រើន។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

វិបស្សនា ជាបច្ចេកទេសកម្មដ្ឋានមួយ ក្នុងចំណោមបច្ចេកទេសកម្មដ្ឋានចាស់ជាងគេបំផុតនៃប្រទេសឥណ្ឌា។ វិបស្សនា មិនមែនជាពិធីបុណ្យ ឬ ពិធីសាសនាឡើយ។ វិបស្សនា មិនមែនជាល្បែងកំសាន្តខាងប្រាជ្ញាឈ្លាសវៃ ឬជាទស្សនវិជ្ជាទេ។ វិបស្សនា មិនមែនជាពេលសម្រាកសម្រាប់ព្យាបាលជំងឺ ហើយក៏មិនមែនជាការគេចវេះឲ្យផុតពីបញ្ហា ឬទុក្ខព្រួយនៃការរស់នៅប្រចាំថ្ងៃដែរ។ តើវិបស្សនាជាអ្វីឲ្យប្រាកដ?

កម្ពុជា បានបញ្ជាក់ជំហរយ៉ាងច្បាស់ ដោយបានបោះឆ្នោតគាំទ្រសេចក្តីសម្រេចរបស់មហាសន្និបាតអង្គការសហប្រជាជាតិ ពាក់ព័ន្ធនឹងការថ្កោលទោសលើការបញ្ចូលតំបន់ចំនួន ០៤ របស់ប្រទេសអ៊ុយក្រែន ទៅជារបស់ប្រទេសរុស្ស៊ី។

កាលពីព្រឹកថ្ងៃទី១៣ ខែតុលា ឆ្នាំ២០២២ គណៈកម្មាធិការអចិន្រ្ដៃយ៍រដ្ឋសភា ដឹកនាំដោយលោក ហេង សំរិន បានបើកកិច្ចប្រជុំ ដើម្បីពិនិត្យលើសេចក្ដីស្នើសុំបន្ថែមសមាសភាពសមាជិកនៃរាជរដ្ឋាភិបាល។ នោះគឺរដ្ឋាភិបាល ស្នើតែងតាំងលោក ឌិត ទីណា ជារដ្ឋមន្រ្ដីក្រសួងកសិកម្ម រុក្ខាប្រមាញ់ និងនេសាទ ជំនួសលោក វេង សាខុន ដែលត្រូវបានដកតំណែង កាលពីថ្ងៃទី៨ ខែតុលា។ ជាលទ្ធផល គណៈកម្មាធិការអចិន្រ្ដៃយ៍រដ្ឋសភា បានសម្រេចកោះប្រជុំរដ្ឋសភា ដើម្បីបោះឆ្នោតផ្តល់សេចក្តីទុកចិត្តដល់លោក ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី១៤ ខែតុលា ឆ្នាំ២០២២ នេះ។

ប្រទេសអូស្ត្រាលីពឹងផ្អែកកាន់តែខ្លាំងឡើងៗលើជនអន្តោរប្រវេសន៍ដើម្បីបំពេញចន្លោះខ្វះខាតនៃកម្លាំងពលកម្មការងារជំនាញ ជាពិសេសផ្នែកព័ត៌មានវិទ្យា និងគិលានុបដ្ឋាយិកា។ ទិន្នន័យជំរឿនថ្មីដែលបង្ហាញពីកម្លាំងពលកម្មការងាររបស់ប្រទេសអូស្ត្រាលីបានឆ្លងកាត់ការផ្លាស់ប្តូរសំខាន់ៗមួយចំនួនក្នុងពេលប៉ុន្មានឆ្នាំថ្មីៗនេះ .. ហើយប្រទេសនេះគឺពឹងផ្អែកលើជនចំណាកស្រុកដែលមានជំនាញជាងពេលណាៗទាំងអស់។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

Sex education is still one of the most challenging topics for parents to discuss with their children. Fortunately, sexual health is widely taught in Australian schools, and parents can access many resources to help them overcome feelings of shame or awkwardness. Here are some experts’ top tips to help parents have these chats. - ការអប់រំផ្លូវភេទនៅតែជាប្រធានបទដ៏លំបាកបំផុតមួយសម្រាប់ឪពុកម្តាយក្នុងការជជែកពិភាក្សាជាមួយកូនៗរបស់ពួកគេ។ ជាសំណាងល្អ សុខភាពផ្លូវភេទត្រូវបានបង្រៀនយ៉ាងទូលំទូលាយនៅតាមសាលារៀនក្នុងប្រទេសអូស្ត្រាលី ហើយឪពុកម្តាយក៏អាចទទួលបាននូវធនធានជាច្រើនដើម្បីជួយពួកគេឱ្យយកឈ្នះលើអារម្មណ៍ចំឡែក ឬភាពខ្មាស់អៀន។ នេះជាគន្លឹះកំពូលៗរបស់អ្នកជំនាញមួយចំនួន ដើម្បីជួយឪពុកម្តាយឱ្យមានការជជែកពិភាក្សាជាមួយកូនៗរបស់ពួកគេ។

កាលពីព្រឹកថ្ងៃទី១១តុលា លោកនាយករដ្ឋមន្ត្រី ហ៊ុន សែន បានប្រកាសពីជោគជ័យ ជុំវិញការដាក់ពាក្យបណ្ដឹង ប្រឆាំងលោក សម រង្ស៊ី អតីតមេដឹកនាំគណបក្សប្រឆាំង នៅតុលាការ ប្រទេសបារាំង ពាក់ព័ន្ធនឹងមរណភាពលោក ហុក ឡង់ឌី អតីតមេប៉ូលិសកម្ពុជា ដែលស្លាប់ ដោយធ្លាក់យន្តហោះ កាលពីឆ្នាំ២០០៨។ តាមសាលក្រមរបស់តុលាការទីក្រុងប៉ារីស ប្រទេសបារាំង លោក ហ៊ុន សែន បានអះអាងថា តុលាការ បានរកភាពស្អាតស្អំឱ្យលោក ដោយបញ្ជាក់ថា លោកមិនជាប់ពាក់ព័ន្ធនឹងករណីស្លាប់របស់លោក ហុក ឡង់ឌី ដោយសារការធ្លាក់ឧទ្ធម្ភាគចក្រ កាលពីឆ្នាំ២០០៨ នោះទេ។