SBS Khmer - SBS ខ្មែរ

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

ធនាគារកណ្តាលរបស់ប្រទេសអូស្ត្រាលី RBA នឹងត្រូវពិនិត្យសើរើជាផ្លូវការ ជាលើកដំបូង ក្នុងរយៈពេល 4 ទសវត្សរ៍មកនេះ ទៅលើវប្បធម៌ ការតែងតាំងក្រុមប្រឹក្សាភិបាល និងគោលដៅអតិផរណាដែលត្រូវពិនិត្យ។ លោកហេរញ្ញិកសហព័ន្ធនិយាយថា ស្ថាប័ននេះបានបម្រើប្រទេសអូស្រ្តាលីបានយ៉ាងល្អ ប៉ុន្តែការត្រួតពិនិត្យដោយឯករាជ្យគឺហួសពេលកំណត់ជាយូរមកហើយ និងដើម្បី ធានាឱ្យបានថា អូស្ត្រាលីមានធនាគារកណ្តាលដែល "មានប្រសិទ្ធភាពបំផុត" លំដាប់ពិភពលោក។

អង្គការសុខភាពពិភពលោកនិយាយថា ករណីឆ្លងវីរុសកូរ៉ូណាបានកើនឡើងបីដងនៅទូទាំងទ្វីបអឺរ៉ុបនាពេលថ្មីៗនេះ ដែលស្មើនឹងជិតពាក់កណ្តាលនៃការឆ្លងទាំងអស់នៅទូទាំងពិភពលោក។ អត្រាសម្រាកព្យាបាលនៅមន្ទីរពេទ្យក្នុងតំបន់នេះក៏បានកើនឡើងទ្វេដងផងដែរ។ អ្នកវិទ្យាសាស្ត្រនិយាយថាទាំងនេះគឺដោយសារតែអំបូរ omicron ថ្មី។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

កម្ពុជា បាន និងកំពុងចរចាជាមួយចិន បង្កើតច្រកពិសេសមួយ ដើម្បីផ្តល់ភាពងាយស្រួលដល់កម្ពុជា ក្នុងការនាំចេញកសិផលគ្រប់ប្រភេទ ទៅប្រទេសចិន ឱ្យបានកាន់តែលឿន។ ចំណាត់ការនេះ នឹងចូលរួមកាត់បន្ថយការគ្មានទីផ្សាររបស់ផលិតផលកម្ពុជា។ នេះបើតាមលោក ងិន ឆាយ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម។

នៅពេលដែលនិយាយដល់ប្រាក់រង្វាន់ ឬលុយធីប នៅក្នុងប្រទេសអូស្រ្តាលីមានការខ្វែងគំណិតគ្នា។ ការដែលដឹងថាតើនរណា និងនៅពេលណាត្រូវឱ្យលុយធីប គឺច្របូកច្របល់បន្តិច សូម្បីតែសម្រាប់អ្នកដែលកើតនៅក្នុងប្រទេសអូស្រ្តាលីក៏ដោយ។ នៅក្នុងរបាយការណ៍មគ្គុទ្ទេសក៏តាំងទីលំនៅក្នុងសប្តាហ៍នេះ បើកបង្ហាញពីវប្បធម៌នៃការឱ្យលុយធីបនៅក្នុងប្រទេសអូស្រ្តាលី។

រដ្ឋាភិបាលសហព័ន្ធបានចាប់ផ្តើមឡើងវិញនូវប្រាក់ជំនួយរោគរាតត្បាតចំនួន 750 ដុល្លាររបស់ខ្លួន សម្រាប់បុគ្គលិកកម្មករបណ្តែត( Casual workers) បន្ទាប់ពីកិច្ចប្រជុំគណៈរដ្ឋមន្ត្រីជាតិកាលពីចុងសប្តាហ៍កន្លងទៅ។ ការប្រកាសផ្តល់ប្រាក់ជំនួយនេះឡើងវិញ ធ្វើឡើងបន្ទាប់ពីមានសម្ពាធកាន់តែខ្លាំងឡើងៗ ដោយសារវីរុសកូរ៉ូណាឆ្លងរាលដាលពាសពេញប្រទេស។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

ជាមួយនឹងរលកកូវីដថ្មីដែលគេរំពឹងថានឹងវាយលុកខ្លាំងនៅក្នុងប្រទេសអូស្ត្រាលីក្នុងខែសីហានោះ ក៏មានការលើកឡើងពីការព្រួយបារម្ភអំពីសម្ពាធកាន់តែធ្ងន់មកលើប្រព័ន្ធសុខាភិបាលទូទាំងប្រទេស។ គេក៏មានការព្រួយបារម្ភផងដែរអំពីការកើនឡើងនៃចំនួនមនុស្សស្លាប់នៅក្នុងមណ្ឌលមើលថែទាំមនុស្សចាស់ ដោយសារការរឹតបន្តឹងមួយចំនួនត្រូវបានបន្ធូរបន្ថយបន្ថែមទៀត។