SBS Khmer - SBS ខ្មែរ

យើងសង្កេតឃើញពិធីផ្លូវការដែលធ្វើឡើងដោយអ្នកថែរក្សាប្រពៃណីជនជាតិដើមកើនឡើងកាន់តែច្រើននៅដើមព្រឹត្តិការណ៍នានា។ ពិធីស្វាគមន៍នេះត្រូវបានគេហៅថា “ពិធីស្វាគមន៍មកកាន់មាតុប្រទេស” ។ នៅពេលយើងប្រារព្ធព្រឹត្តិការណ៍ប្រចាំសប្តាហ៍ NAIDOC មគ្គុទ្ទេសក៍តាំងទីលំនៅ ពិនិត្យមើលអំពីអត្ថន័យនៃពិធីស្វាគមន៍មកកាន់មាតុប្រទេស និងរបៀបដែលយើងទាំងអស់គ្នាអាចទទួលស្គាល់អ្នកថែរក្សាប្រពៃណី ប្រកបដោយភាពស្មោះត្រង់។

សមាគមខ្មែររដ្ឋវិចតូរីយ៉ាបានប្រារព្ធពិធីសម្ពោធក្លោងទ្វារនិងរបងដែលមានរចនាបថបន្ទាយស្រី កាលពីថ្ងៃសៅរ៍ ទី២៥ ខែមិថុនា ឆ្នាំ២០២២ ចាប់ពីម៉ោង១២ថ្ងៃត្រង់ ដល់ម៉ោង ១ កន្លះរសៀល ។ កម្មវិធីនេះទទួលបានការចូលរួមយ៉ាងច្រើនកុះករទាំងភ្ញៀវជាតិនិងអន្តរជាតិ ។ តើអ្វីជាមូលហេតុចំបងដែលនាំឲ្យសមាគមខ្មែររដ្ឋវិចតូរីយ៉ាប្រឹងប្រែងកសាងក្លោងទ្វារនិងរបងនេះឡើង? តើវាប្រើពេលយូរប៉ុន្មាន? ចំណាយថវិកាអស់ប៉ុន្មាន? តើបងប្អូនខ្មែរមានមតិដូចម្តេចខ្លះជុំវិញការកសាងនេះនេះ?

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

STEM គឺជាកម្មវិធីអប់រំមួយដែលកាត់មកពីពាក្យ Science, technology, engineering and mathematics ជាភាសាគឺ វិទ្យាសាស្រ្តា បច្ចេកវិទ្យា វិស្វកម្ម និងគណិតវិទ្យា។ យុទ្ធសាស្រ្តអប់រំថ្នាក់ជាតិសម្រាប់កម្មវិធី STEM ឆ្នាំ២០១៦-២០២៦ ទទួលបានការយល់ព្រមពីរដ្ឋមន្ត្រីអប់រំទាំងអស់ក្នុងខែធ្នូឆ្នាំ២០១៥ តាមរយៈក្រុមប្រឹក្សាអប់រំរបស់រដ្ឋាភិបាលអូស្រ្តាលី។ នៅក្នុងកម្មវិធី STEM គណិតវិទ្យា គឺជាមុខវិទ្យាដ៏សំខាន់បំផុតមួយ ។ កញ្ញា តោ គឹមស៊ី អ្នកជំនាញផ្នែកគណិតវិទ្យា ដែលបានបញ្ចប់ថ្នាក់បណ្ឌិតនៅសាកលវិទ្យាល័យសប៊ូនប្រទេសបារាំង បានរៀបរាប់អំពីអត្ថប្រយោជន៍នៃការសិក្សាគណិតវិទ្យា។

របាយការណ៍ថ្មីមួយបានបង្ហាញថា ការផ្តល់មូលនិធិក្នុងការថែទាំចាស់ជរាអាចកើនឡើងទ្វេដងក្នុងប៉ុន្មានទសវត្សរ៍ខាងមុខនេះ ដោយសារតែការកើនឡើងដែលគេរំពឹងទុកចំពោះចំនួនមនុស្សចាស់ដែលត្រូវការសេវាកម្មលំនៅដ្ឋាន។ ប៉ុន្តែក្រុមគិលានុបដ្ឋាយិកានិយាយថា បញ្ហាសំខាន់គឺ មិនមែនកម្រិតនៃថវិកានោះទេ ប៉ុន្តែវាជាការទទួលខុសត្រូវចំពោះវិធីសាស្រ្តានៃការចំណាយប្រាក់បច្ចុប្បន្ន ។

គណៈកម្មការអឺរ៉ុបគ្រោងនឹងបោះឆ្នោតលើការដេញថ្លៃរបស់អ៊ុយក្រែនដើម្បីចូលរួមជាមួយសមាជិកសហភាពអឺរ៉ុបនៅថ្ងៃទី 23 ខែមិថុនា ដែលទំនងជានឹងទទួលជោគជ័យ ។ វាកើតឡើងនៅពេលដែលអ្នកនាំពាក្យវិមានក្រឹមឡាំងលោក Dimitry Peskov ថ្កោលទោសការហាមប្រាមផ្លូវដែកលីទុយអានី លើទំនិញមួយចំនួនទៅកាន់ Kaliningrad ថា "មិនអាចទទួលយកបានជាដាច់ខាត" ដោយព្រមានថារដ្ឋាភិបាលរុស្ស៊ីនឹងចាត់វិធានការសងសឹក។

សិក្សាអំពីឃ្លាឃ្លោងដែលអ្នកអាចប្រើប្រាស់បាន នៅពេលអ្នកចង់និយាយពីការឈប់សម្រាកលំហែកាយ។ បន្ថែមពីនេះ ស្វែងយល់អំពីទីកន្លែងដែលអ្នកអាចទៅលំហែបាននៅរដូវរងាក្នុងប្រទេសអូស្រ្តាលី។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីវិទ្យុSBSខ្មែរ។

ដំណើរផ្សងព្រេងរបស់ជនចំណាកស្រុកច្រើនតែបង្កជាសេណារីយ៉ូមិនច្បាស់លាស់ និងមិនបានរំពឹងទុកជាមុន។ មួយក្នុងចំណោមនោះ គឺភាពមិនប្រាកដប្រជាជុំវិញការដោះស្រាយមរណភាពរបស់មនុស្សជាទីស្រឡាញ់ឬមិត្តភ័ក្ដិជិតស្និទ្ធ។ វាចាំបាច់ណាស់ក្នុងការដឹងពីរបៀបប្រារព្ធពិធីបុណ្យសពនៅក្នុងប្រទេសអូស្ត្រាលី។

បេក្ខជនជាប់ឆ្នោត ជាមេឃុំចំណារលើ ក្នុងស្រុកស្ទោង ខេត្តកំពង់ធំ លោក ញឹម សារ៉ុម មកពីគណបក្សភ្លើងទៀន ត្រូវបានសមត្ថកិច្ច ចាប់ខ្លួន កាលពីរសៀលថ្ងៃទី២១ ខែមិថុនា ឆ្នាំ២០២២។ ការចាប់ខ្លួនមេឃុំជាប់ឆ្នោតគណបក្សភ្លើងទៀននេះ ត្រូវបានចោទប្រកាន់ពីបទ «ប្លន់» តាមបញត្តិមាត្រា៦ នៃច្បាប់ស្ដីពីស្ថានទម្ងន់ទោសនៃបទឧក្រិដ្ឋ ពាក់ព័ន្ធសំណុំរឿងប្រព្រឹត្ត កាលពីខែតុលា ឆ្នាំ២០០២។