SBS Khmer - SBS ខ្មែរ

ចំនួនប្រជាជនជាប់ក្នុងពន្ធនាគារជាមធ្យមប្រចាំថ្ងៃរបស់ប្រទេសអូស្ត្រាលីគឺស្ថិតនៅក្នុងកម្រិតខ្ពស់បំផុតក្នុងរយៈពេលប្រាំបីឆ្នាំ។ ជាមួយនឹងចំនួនប្រជាជននៅក្នុងពន្ធនាគារកើនឡើង ការចំណាយយ៉ាងច្រើនក៏កើនឡើងផងដែរ។ ទិន្នន័យថ្មីពីគណៈកម្មការផលិតភាពបានរកឃើញថា ជាមធ្យមមានមនុស្សប្រហែល បួនម៉ឺនប្រាំពាន់នាក់ត្រូវបានឃុំឃាំងជារៀងរាល់ថ្ងៃនៅក្នុងឆ្នាំហិរញ្ញវត្ថុ ២០២៤-២០២៥។ អ្នកជំនាញនិយាយថា តួលេខទាំងនេះគឺជាសញ្ញាច្បាស់លាស់មួយដែលបង្ហាញថាប្រព័ន្ធនេះកំពុងបរាជ័យ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **លោក Angus Taylor គឺជាមេដឹកនាំថ្មីនៃគណបក្សប្រឆាំង បន្ទាប់ពីឈ្នះការបោះឆ្នោតក្នុងបក្សដែលបណ្តាលឱ្យលោកស្រី ស៊ូសាន លី លាឈប់ពីនយោបាយ។ ** លោកនាយករដ្ឋមន្ត្រី Anthony Albanese ថ្លែងសុន្ទរកថា នៃការសុំទោសថ្នាក់ជាតិចំពោះជំនាន់លួចប្លន់ Stolen Generations។ **លោក ដូណាល់ ត្រាំ ជំរុញឱ្យលោក Isaac Herzog លើកលែងទោសលោក Benjamin Netanyahu។

កម្ពុជា តាមរយៈក្រសួងយុត្តិធម៌ បានរៀបចំនូវសេចក្តីព្រាងច្បាប់ ស្តីពី “ការប្រឆាំងការឆបោកតាមប្រព័ន្ធបច្ចេកវិទ្យា” ឬ Online Scam និងបានដាក់ឆ្លងកិច្ចប្រជុំអន្តរស្ថាប័ន កាលពីថ្ងៃទី១១ ខែកុម្ភៈ ដើម្បីប្រមូលធាតុចូលបន្ថែមផ្នែកបច្ចេកទេស សំដៅធានាភាពគ្រប់ជ្រុងជ្រោយនៃសេចក្តីព្រាងច្បាប់នេះ និងធានាប្រសិទ្ធភាព ក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នៅកម្ពុជា។ នេះបើតាមក្រសួងយុត្តិធម៌។

ក្រៅពីការបន្តរាយលួសបន្លា និងកុងតឺន័រ ព័ទ្ធយកដី និងផ្ទះរបស់ប្រជាពលរដ្ឋខ្មែរ នៅពេលនេះ យោធាថៃ បានបន្តវាយកម្ទេចបំផ្លិចបំផ្លាញផ្ទះប្រជាពលរដ្ឋខ្មែរ និងអគាររដ្ឋបាលរបស់កម្ពុជា នៅតំបន់បឹងត្រកួន ស្ថិតនៅចន្លោះបង្គោលព្រំដែនលេខ ៣៣ និង ៣៦ ក្នុងស្រុកថ្មពួក ខេត្តបន្ទាយមានជ័យ។ នៅតំបន់ភូមិជោគជ័យ ក្នុងឃុំអូរបីជាន់ ស្រុកអូរជ្រៅ ដែលស្ថិតនៅចន្លោះបង្គោលព្រំដែនលេខ៤៦ និង៤៧ យោធាថៃ ក៏បានជីកប្រឡាយ និងសាងសង់ផ្លូវមួយខ្សែ ព្រមទាំងចាក់ដីលុបស្រះទឹក។

** កម្ពុជាបានបិទមជ្ឈមណ្ឌលឆបោកជិត ២០០កន្លែង ក្នុងការបង្ក្រាបថ្មីៗនេះលើការក្លែងបន្លំឆ្លងដែន។ **លោក Angus Taylor ប្រកាសពីការឈរឈ្មោះជាបេក្ខភាពមេដឹកនាំ ប្រជែងនឹងលោកស្រី ស៊ូសាន លី។ ** លោកស្រី Penny Wong តែងតាំងបេសកជនពិសេស ជុំវិញការពុលមេតាណុលរបស់ក្មេងជំទង់អូស្ត្រាលីពីរនាក់នៅប្រទេសឡាវ។

ស្របពេលដែលសិស្សានុសិស្សវិលត្រឡប់ចូលបវេសនកាលឆ្នាំថ្មីវិញ ប៉ូលីសសហព័ន្ធអូស្ត្រាលីកំពុងអំពាវនាវឱ្យសាលារៀននានាត្រូវប្រុងប្រយ័ត្នចំពោះសញ្ញានៃសិស្សដែលត្រូវបានបង្ខំឱ្យរៀបការ។ ប៉ូលីសសហព័ន្ធដែលដឹកនាំមជ្ឈមណ្ឌលប្រឆាំងការកេងប្រវ័ញ្ចកុមាររាយការណ៍ថា ខ្លួនបានទទួលពាក្យបណ្តឹងកាន់តែច្រើនអំពីអាពាហ៍ពិពាហ៍ដោយបង្ខំ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** Grand Mufti ទាមទារឱ្យមានការស៊ើបអង្កេតដោយតម្លាភាពលើការប្រព្រឹត្តរបស់ប៉ូលីសរដ្ឋញូវសៅវែល។ ** ទិន្នន័យថ្មីបង្ហាញពីលទ្ធភាពក្នុងការជួលផ្ទះនៅប្រទេសអូស្ត្រាលីដែលកាន់តែអាក្រក់ទៅៗ ក្នុងល្បឿនលឿន។ ** ទីភ្នាក់ងារអនុវត្តច្បាប់របស់សហរដ្ឋអាមេរិកការពារយុទ្ធសាស្ត្ររបស់មន្ត្រីអន្តោប្រវេសន៍នៅចំពោះមុខសភា។

របាយការណ៍របស់អង្គការតម្លាភាពអន្តរជាតិ (CPI )ចេញផ្សាយនៅថ្ងៃអង្គារ ទី១០ ខែកុម្ភៈ ឆ្នាំ២០២៦ បានបង្ហាញថា នៅឆ្នាំ២០២៥ កន្លងមក កម្ពុជា ស្ថិតនៅចំណាត់ថ្នាក់ទី១៦៣ ក្នុងចំណោមប្រទេសចំនួន១៨២ ដែលមានអំពើពុករលួយ។

«ជម្លោះទឹកដីកម្ពុជា ជាមួយថៃ ពិតជាឈឺចាប់ ប៉ុន្តែមិនអាចឱ្យការឈឺនេះ ធ្វើឱ្យយើងដួលនោះទេ យើងត្រូវប្រែក្លាយការឈឺចាប់នេះ ទៅជាភាពរឹងមាំរបស់យើង» នេះគឺជាសារដាស់តឿន និងលើកទឹកចិត្តរបស់លោកនាយករដ្ឋមន្ត្រី ហ៊ុន ម៉ាណែត ជូនប្រជាជនខ្មែរ។

** នាយករដ្ឋមន្ត្រីថៃ លោក អនុទីន ឆានវីរៈគុល បានសន្យាថានឹងសាងសង់ជញ្ជាំងព្រំដែនជាមួយកម្ពុជា បន្ទាប់ពីទទួលបានជ័យជម្នះក្នុងការបោះឆ្នោត។ ** ប្រធានាធិបតីអ៊ីស្រាអែលចាប់ផ្តើមដំណើរទស្សនកិច្ចរបស់លោកនៅប្រទេសអូស្ត្រាលី ចំពេលមានការតវ៉ាយ៉ាងសម្បើម។ ** មហាសេដ្ឋីប្រព័ន្ធផ្សព្វផ្សាយហុងកុង លោក Jimmy Lai ត្រូវបានកាត់ទោសឱ្យជាប់ពន្ធនាគារ ២០ឆ្នាំ។