SBS Khmer - SBS ខ្មែរ

ដោយសារប្រជាជនលើពិភពលោកពឹងផ្អែកកាន់តែខ្លាំងឡើងៗទៅលើរ៉ែសំខាន់ៗ ដើម្បីផលិតបច្ចេកវិទ្យា រាប់ចាប់ពីទូរសព្ទស្មាតហ្វូន រហូតដល់គ្រឿងបន្លាស់រថយន្ត និងសូម្បីតែអាវុធនោះ ធនធាននេះបានក្លាយជាបញ្ហាសន្តិសុខជាតិដ៏សំខាន់។ រដ្ឋាភិបាលអូស្ត្រាលីបានប្រកាសថា ខ្លួននឹងផ្តល់អាទិភាពដល់រ៉ែសំខាន់ៗមួយចំនួន នៅក្នុងទុនបម្រុងយុទ្ធសាស្ត្រចំនួន មួយពាន់ពីររយលានដុល្លាររបស់ប្រទេស។

*** បក្សសម្ព័ន្ធប្រឈមមុខនឹងការបែកបាក់ម្តងទៀត ខណៈដែលសមាជិកសភាបក្សNationalsទាំងអស់ លាលែងពីតំណែងពីគណៈរដ្ឋមន្ត្រីស្រមោល។ *** កម្ពុជាទទួលបានលិខិតអញ្ជើញឱ្យចូលរួមជាមួយក្រុមប្រឹក្សាសន្តិភាពរបស់លោក ដូណាល់ ត្រាំ។ *** លោក ដូណាល់ ត្រាំ បានប្រើសុន្ទរកថារបស់លោកនៅ Davos និយាយថា លោកនៅតែមានបំណងចង់ទិញយកកោះហ្រ្គីនឡេន។

មហាសន្និបាតព្រះសង្ឃខ្មែរអូស្រ្តាលីនូវែលសេឡង់តែងប្រារព្ធឡើងជារៀងរាល់ឆ្នាំ ដើម្បីលើកកម្ពស់ព្រះពុទ្ធសាសនា ពិភាក្សាដោះស្រាយបញ្ហាប្រឈម ពង្រឹងការអនុវត្តន៍វិន័យសង្ឃ និងរឹតបន្តឹងសាមគ្គីភាពក្នុងចំណោមព្រះសង្ឃ។ ក្នុងឆ្នាំ ២០២៦ ព្រះសង្ឃប្រមាណ ៥០អង្គ បាននិមន្តចូលរួមក្នុងកិច្ចប្រជុំ ដែលរៀបចំឡើងនៅវត្តពុទ្ធរង្សីមែលប៊ន។ សូមស្តាប់កិច្ចសម្ភាសន៍ជាមួយ ព្រះគ្រូ ពោធិរតនញ្ញាណ ហែម ហ៊ី និមន្តមកពីវត្តបឹងពិតត្រង់ ខេត្តពោធិសាត់។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោក Anthony Albanese ស្វាគមន៍ចំពោះកំណែទម្រង់ច្បាប់ប្រឆាំងនិងពាក្យសម្តីស្អប់ខ្ពើម និងការកាន់កាប់អាវុធ។ ** អង់គ្លេសអនុម័តគម្រោងការស្ថានទូតចិនដ៏ធំថ្មីមួយ នៅកណ្តាលទីក្រុងឡុងដ៍។ ** សេចក្តីអំពាវនាវឱ្យមានច្បាប់តឹងរ៉ឹងជាងមុន លើកុមារដែលធ្វើដំណើរទៅសាលារៀន ដោយប្រើកង់អគ្គិសនី និងស្កូតឺអគ្គិសនី ។

អាជ្ញាធររាជធានីភ្នំពេញ បានហាមឃាត់ ឈប់ឱ្យអ្នកលក់បន្លែផ្លែឈើ នៅតាមចិញ្ចើមផ្លូវ និងទ្រូងផ្លូវ នៅតំបន់ជុំវិញផ្សារដើមគ ចាប់ពីថ្ងៃអាទិត្យ ទី១៨ ខែមករា ឆ្នាំ២០២៦។ ក្រុមអ្នកលក់ដូរបន្លែផ្លែឈើ នៅតាមចិញ្ចើមផ្លូវ និងលើទ្រូងផ្លូវទាំងនោះ ត្រូវផ្លាស់ប្ដូរទៅលក់ដូរនៅទីតាំងថ្មី គឺផ្សារបោះដុំបន្លែផ្លែឈើ ឬផ្សារដើមគរថ្មី ឬទីតាំងឯកជនណាមួយ សមស្រប។ ពោលគឺលែងឱ្យមានអ្នកលក់ យកផ្លូវធ្វើកន្លែងលក់ដូរតទៅទៀត នៅតំបន់ជុំវិញផ្សារដើមគ ដែលបង្កការកកស្ទះ មិនអាចធ្វើដំណើរ ឆ្លងកាត់កន្លែងលក់ដូរ នៅផ្សារដើមគនោះ រាប់ឆ្នាំមកហើយ។

អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈកម្ពុជានិយាយថា គិតត្រឹមដំណាច់ខែធ្នូ ឆ្នាំ២០២៥ អតីតពលករខ្មែរ មកពីថៃ ៦២ម៉ឺននាក់ ទទួលបានការងារធ្វើតាមរយៈយុទ្ធនាការរបស់ក្រសួង និងភាគីពាក់ព័ន្ធ ខណៈដែលឱកាសការងារ នៅមានប្រមាណជិត ៩ម៉ឺនកន្លែងបន្ថែមទៀត។

**កងទ័ពដាណឺម៉ាកមកដល់ហ្រ្គីនឡេន ខណៈដែលលោក ដូណាល់ ត្រាំ បញ្ជាក់ជាថ្មីអំពីផែនការរបស់លោកក្នុងការដណ្តើមយកទឹកដីនេះ។ ** ច្បាប់កាំភ្លើង និងកំណែទម្រង់ពាក្យសម្តីស្អប់ខ្ពើម អាចនឹងត្រូវអនុម័តក្នុងពេលប៉ុន្មានម៉ោង។ ** ការវាយប្រហារដោយត្រីឆ្លាមជាលើកទីបួននៅរដ្ឋញូសៅវែល ក្នុងរយៈពេល៤៨ម៉ោង។

Australia is known as the allergy capital of the world. Our diverse population also means that we express our religious beliefs, ethics, health and personal choices through the food we eat. We called on some experts to help us navigate all the labelling, certifications and resources that can inform our food choices. - តើអ្នកដឹងទេថាប្រទេសអូស្ត្រាលីត្រូវបានគេស្គាល់ថាជារដ្ឋធានីអាឡែស៊ីរបស់ពិភពលោក? ប្រជាជនចម្រុះជាតិសាសន៍របស់យើងមានន័យថា ពួកយើងបង្ហាញពីជំនឿសាសនា សីលធម៌ តម្រូវការសុខភាព និងជម្រើសផ្ទាល់ខ្លួនរបស់យើងតាមរយៈអាហារដែលយើងទទួលទាន។ នៅក្នុងរបាយការណ៍នេះ អ្នកជំនាញចែករំលែកការណែនាំដើម្បីជួយដល់លោកអ្នក រុករកស្លាក វិញ្ញាបនបត្រ និងធនធានដែលអាចប្រាប់យើងនូវព័ត៌មានអំពីជម្រើសអាហារដែល ត្រឹមត្រូវ។

**បុរសដែលត្រូវបានចោទប្រកាន់ថាបានហៅទូរស័ព្ទទៅគំរាមកំហែងលោកនាយករដ្ឋមន្ត្រី ត្រូវបានដោះលែងឱ្យនៅក្រៅឃុំ។ ** សមាជិកសហគមន៍សម្តែងការគាំទ្រចំពោះការរក្សាទុកស្ពានថ្មើរជើង Bondi។ **រដ្ឋមន្ត្រីក្រសួងបរិស្ថាន បដិសេធសំណើបញ្ឈប់ការងារសាងសង់ពហុកីឡដ្ឋានអូឡាំពិកឆ្នាំ ២០៣២ នៃទីក្រុង Brisbane ។

កញ្ញា សុចិត្រា អៃយាដា សម្រេចចិត្តជ្រើសរើសប្រទេសអូស្ត្រាលី ជាទិសដៅដើម្បីការសិក្សារយៈវែង បើទោះបីជាមានជម្រើសផ្សេងពីនេះ។ នាងបានធ្វើដំណើរចាកឆ្ងាយពីឳពុកម្តាយ ហើយមករស់នៅក្នុងទីក្រុងម៉ែលប៊ន ប្រទេសអូស្រ្តាល ក្រោមការគ្រប់គ្រងរបស់សាលា។ តើក្មេងស្រីរូបនេះ អាចជម្នះឧបសគ្គនិងបន្តការសិក្សាដោយរបៀបណា? សូមស្តាប់ទសម្ភាសន៍ជាមួយកញ្ញា សុចិត្រា អៃយាដា យុវតីខ្មែរដែលកំពុងសិក្សានៅវិទ្យាល័យ ណូបលផាក។