SBS Khmer - SBS ខ្មែរ

** ASIO៖ ចារកម្មបរទេសនៅអូស្ត្រាលីកំពុងធ្វើឱ្យប្រទេសនេះខាតបង់ប្រាក់ជាងមួយម៉ឺនលានដុល្លារក្នុងមួយឆ្នាំ។ ** ប៉ូលិសប៉ាន់ប្រមាណថា រថយន្តប្រហែលបួនម៉ឺនគ្រឿង នឹងរងឥទ្ធិពលពីការតវ៉ានៅលើស្ពានដោយក្រុមគាំទ្រប៉ាឡេស្ទីន នៅថ្ងៃអាទិត្យប្រសិនបើតុលាការកំពូលបើកភ្លើងខៀវ។ ** សកម្មជនអូស្ត្រាលីចោទប្រកាន់ថា ត្រូវបានគេឆែកឆេររាងកាយ និងបដិសេធផ្តល់ថ្នាំពេទ្យ នៅពេលដែលទាហានអ៊ីស្រាអែលចាប់ខ្លួន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ភាគីថៃប្រគល់ទាហានខ្មែរពីររូបមកឱ្យកម្ពុជាវិញតាមច្រកព្រំដែនអូស្មាច់។ ** អាម៉េរិកសម្រេចយកពន្ធនាំចូល១០%ពីប្រទេសអូស្រ្តាលី និង១៩%ពីប្រទេសកម្ពុជា។ ** Uluru Dialogue រិះគន់ការជាប់គាំងលើការបិទគម្លាតនៅពេលដែលពិធីបុណ្យ Garma ចាប់ផ្តើម។

លោកស្រី ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានប្រកាសថា កម្ពុជាឯកភាពលើសំណើរបស់ភាគីថៃក្នុងការរៀបចំកិច្ចប្រជុំ គណៈកម្មាធិការព្រំដែនទូទៅ GBC នាថ្ងៃទី៤សីហា នៅទីក្រុងកូឡាឡាំពួរវិញ ជំនួសឱ្យកិច្ចប្រជុំដែលដើមឡើយគ្រោងធ្វើនៅទីក្រុងភ្នំពេញ។

អ្នកនាំពាក្យក្រសួងការពារជាតិកម្ពុជា លោកស្រី ម៉ាលី សុជាតា បានប្រកាស កាលពីថ្ងៃទី៣០ ខែកក្កដា ឆ្នាំ២០២៥ ថា កងទ័ពកម្ពុជា ២០នាក់ ត្រូវបានថៃ ចាប់ខ្លួន នៅសមរភូមិ ជិតប្រាសាទព្រះវិហារ កាលពីថ្ងៃទី២៩ ខែកក្កដា គឺ ១ថ្ងៃ ក្រោយបទឈប់បាញ់ចូលជាស្ថាពរ រវាងកងទ័ពទាំងពីរ។ លោកស្រីអ្នកនាំពាក្យ បានបន្ថែមថា គិតមកដល់ព្រឹកម៉ោង ៧ ថ្ងៃទី១ ខែសីហា ឆ្នាំ២០២៥ នេះ ភាគីថៃ មិនទាន់បញ្ជូនកងកម្លាំងកម្ពុជា ២០រូបនោះ ត្រឡប់មកកម្ពុជាវិញទេ។

“We're talking about thousands and thousands of incidents ... for many Muslim females who wear the headscarf, they feel that an incident of Islamophobia is what it means to be a Muslim here in Australia." - "យើងកំពុងនិយាយអំពីឧប្បត្តិហេតុរាប់ពាន់ រាប់ម៉ឺនករណី សម្រាប់ស្ត្រីមូស្លីមជាច្រើននាក់ដែលពាក់ក្រម៉ារុំក្បាល ពួកគេមានអារម្មណ៍ថាឧប្បត្តិហេតុនៃការស្អប់ខ្ពើមរើសអើងសាសនាឥស្លាម Islamophobia គឺជាអ្វីដែលវាមានន័យថា សម្រាប់ជនជាតិមូស្លីមនៅទីនេះ នៅក្នុងប្រទេសអូស្ត្រាលីនេះ"។

** ភាពមិនប្រាកដប្រជានៃពាណិជ្ជកម្ម យប់មុនថ្ងៃកំណត់ដែលអាម៉េរិកត្រូវយកពន្ធ លើការនាំចូលអន្តរជាតិ។ ** អ៊ីស្រាអែលស្ថិតនៅក្រោមសម្ពាធកាន់តែខ្លាំងលើបញ្ហាតំបន់ហ្គាហ្សា។ ** សមាជិកសភាប្រចាំរដ្ឋវិចថូរៀដើមកំណើតខ្មែរផ្ញើលិខិតជូនរដ្ឋមន្រ្តីការប្រទេសអូស្រ្តាលីបញ្ហាព្រំដែនខ្មែរថៃ។

កាលពីព្រឹកថ្ងៃទី៣០ ខែកក្កដា ឆ្នាំ២០២៥ នេះ លោកស្រី ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានប្រកាសថា លោកនាយឧត្តមសេនីយ៍ នីហ្សាម ចាហ្វា អគ្គមេបញ្ជាការកងទ័ពម៉ាឡេស៊ីនៅយប់ថ្ងៃទី២៩ ខែកក្កដា ឆ្នាំ២០២៥ បានធ្វើដំណើរទៅកាន់តំបន់សមរភូមិ នៅព្រំដែនកម្ពុជា-ថៃ ក្នុងខេត្តឧត្តរមានជ័យ និងខេត្តព្រះវិហារ ដើម្បីតាមដាននូវការអនុវត្តបទឈប់បាញ់ ដែលកម្ពុជា និងថៃ បានព្រមព្រៀងគ្នាអនុវត្ត ចាប់ពីម៉ោង ១២កណ្តាលអាធ្រាត្រ ថ្ងៃទី២៨ ខែកក្កដា ឈានចូលថ្ងៃទី២៩ ខែកក្កដា ឆ្នាំ២០២៥។

មេបញ្ជាការកងទ័ពកម្ពុជា និងថៃ បានជួបប្រជុំដាច់ដោយឡែកគ្នា នៅតាមសមរភូមិ តាមព្រំដែនជម្លោះ កាលពីថ្ងៃទី២៩ ខែកក្កដានេះ។ ក្នុងនោះ មេបញ្ជាការកងទ័ពកម្ពុជា-ថៃ តាមយោធភូមិភាគ នៅតាមព្រំដែនក្នុងខេត្តព្រះវិហារ ឧត្តរមានជ័យ ខេត្តបន្ទាយមានជ័យ និងខេត្តប៉ៃលិន បានជួបចរចាគ្នារយៈពេលខ្លី ដោយផ្ទាល់ផង និងជួបតាមអនឡាញផង។ នេះបើតាមអ្នកនាំពាក្យក្រសួងការពារជាតិ លោកស្រី ឧត្តមសេនីយ៍ឯក ម៉ាលី សុជាតា។ លោកស្រី បានបន្ថែមថា ក្នុងកិច្ចប្រជុំចរចាទាំងនោះ មេបញ្ជាការកងទ័ព នៅតាមយោធភូមិភាគកម្ពុជា-ថៃ តាមព្រំដែន បានព្រមព្រៀងគ្នា គោរពបទឈប់បាញ់ ឈប់បង្កើនទ័ព និងភ្ជាប់ទំនាក់ទំនង ព្រមទាំងផ្តល់ព័ត៌មានឲ្យគ្នាទៅវិញទៅមក ហើយប្រសិនមានបញ្ហាអ្វីផ្សេងក្រៅពីនេះ ត្រូវសុំយោបល់ថ្នាក់លើ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** មេទ័ពកម្ពុជា-ថៃ ជួបចរចានៅតាមសមរភូមិតាមព្រំដែន និងយល់ព្រមគោរពបទឈប់បាញ់។ ** អូស្ត្រាលីចុះហត្ថលេខាលើសេចក្តីថ្លែងការណ៍រួម ប្តេជ្ញាឆ្ពោះទៅរកផ្លូវសម្រាប់ភាពជារដ្ឋប៉ាឡេស្ទីន។ ** រដ្ឋមន្ត្រីក្រសួងទំនាក់ទំនងការពារសេចក្តីសម្រេចរបស់រដ្ឋាភិបាល ក្នុងការដាក់បញ្ចូល YouTube ក្នុងការហាមឃាត់ប្រព័ន្ធផ្សព្វផ្សាយសង្គម។

Education is a pathway to opportunity, but for too long, Indigenous students in Australia have faced barriers to success. While challenges remain, positive change is happening. In this episode we’ll hear from Indigenous education experts and students about what’s working, why cultural education matters and how Indigenous and Western knowledge can come together to benefit all students. - ការអប់រំគឺជាផ្លូវឆ្ពោះទៅរកឱកាស ប៉ុន្តែអស់រយៈពេលជាយូរពេកហើយ ដែល សិស្សានុសិស្សជនជាតិដើមភាគតិចក្នុងប្រទេសអូស្ត្រាលីបានប្រឈមមុខនឹងឧបសគ្គ ចំពោះភាពជោគជ័យ។ ខណៈពេលដែលបញ្ហាប្រឈមនៅតែមាន ការផ្លាស់ប្តូរជាវិជ្ជមានកំពុងកើតឡើង។ នៅក្នុងវគ្គនេះ យើងនឹងស្តាប់ឮពីអ្នកជំនាញផ្នែកអប់រំជនជាតិដើមភាគតិច និងសិស្សនិស្សិតអំពីអ្វីដែលកំពុងដំណើរការ ហេតុអ្វីបានជាការអប់រំវប្បធម៌មានសារៈសំខាន់ និងរបៀបដែលចំណេះដឹងជនជាតិដើមភាគតិច និងបស្ចិមប្រទេស អាចរួមបញ្ចូលគ្នាដើម្បីផ្តល់អត្ថប្រយោជន៍ដល់សិស្សទាំងអស់។