SBS Khmer - SBS ខ្មែរ

** គណៈកម្មាធិការសភាត្រួតពិនិត្យច្បាប់ប្រឆាំងការឆបោករបស់រដ្ឋាភិបាលសហព័ន្ធ។ ** ទិន្នន័យថ្មីរបស់រដ្ឋាភិបាលបង្ហាញថា ឪពុកម្តាយអូស្ត្រាលី សន្សំសំចៃប្រាក់រាប់ពាន់ដុល្លារ ពីការផ្លាស់ប្តូរកម្មវិធីប្រាក់ជំនួយ Childcare។ ** ប្រជាជនរាប់ម៉ឺននាក់ចាប់ផ្តើមវិលត្រឡប់ទៅតំបន់ភាគខាងជើងហ្គាហ្សាវិញ។

សហគមន៍ខ្មែរក្នុងរដ្ឋញូសៅវែល និងរដ្ឋអូស្រ្តាលីខាងត្បូង ត្រៀមដើម្បីចូលរួមក្នុងទិវា Australia Day ។ សូមស្តាប់បទសម្ភាសន៍ជាមួយ លោក អាន លេវី ប្រធានសមាគមខ្មែររដ្ឋអូស្រ្តាលីខាងត្បូង និងលោកស្រី កង ស្រីទូច នៃសហគមន៍ខ្មែរនៅរដ្ឋញូសៅវែល។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោក Peter Dutton រិះគន់បក្សលេប័រជុំវិញទិវា ២៦ មករា។ ** រូបចម្លាក់តំណាងឱ្យអតីតនាយករដ្ឋមន្ត្រីពីររួប ត្រូវបានគេកាត់ក្បាលនៅ Ballarat។ ** អគ្គព្រះរាជអាជ្ញាតុលាការឧក្រិដ្ឋកម្មអន្តរជាតិ ស្វែងរកដីកាចាប់ខ្លួនមេដឹកនាំតាលីបង់ពីររូប។

ក្នុងរយៈពេលប៉ុន្មានថ្ងៃនេះ ប្រជាពលរដ្ឋកម្ពុជាមួយចំនួន ពិសេសអ្នករស់នៅភ្នំពេញ បានបង្ហាញការព្រួយបារម្ភ ចំពោះកម្រិតគុណភាពខ្យល់ នៅរាជធានីភ្នំពេញ។ ប៉ុន្តែក្រសួងបរិស្ថាន នៅព្រឹកថ្ងៃទី២៣ ខែមករា ឆ្នាំ២០២៥ បានបញ្ចេញរថយន្ដចល័ត ដើម្បីពិនិត្យគុណភាពខ្យល់។ ប៉ុន្មានម៉ោងក្រោយមក គឺនៅរសៀលថ្ងៃទី២៣មករា អ្នកនាំពាក្យក្រសួងបរិស្ថាន លោក ខ្វៃ អាទិត្យា បានអះអាងប្រាប់ក្រុមអ្នកកាសែត នៅតំបន់ត្រួតពិនិត្យគុណភាពខ្យល់ ម្តុំបឹងជើងឯកថា ការបំពុលខ្យល់ នៅក្នុងប្រទេសកម្ពុជា មិនទាន់កើនឡើងកម្រិតនៃការបង្កហានិភ័យធ្ងន់ធ្ងរដល់សុខភាពសាធារណៈនោះទេ។ ដូច្នេះអ្នកនាំពាក្យក្រសួងបរិស្ថាន បានប្រកាស អំពាវនាវ សូមប្រជាពលរដ្ឋ កុំមានការព្រួយបារម្ភ ចំពោះការចែកចាយព័ត៌មាន តាមបណ្ដាញសង្គម អំពីគុណភាពខ្យល់ នៅកម្ពុជា ថាមានជាតិពុល។

ប៉ូលិសបានបញ្ជាក់ថា យ៉ាងហោចណាស់ មានមនុស្ស ៤នាក់ បានស្លាប់ និង ៥នាក់ទៀត ត្រូវបានបញ្ជូនទៅ សង្រ្គោះបន្ទាន់ មន្ទីរពេទ្យ ដោយសារតែប្រមូលផ្ដុំប្រជៀតគ្នា ដើម្បីទទួលយកអាំងប៉ាវ នៅមុខផ្ទះលោកឧកញ៉ា សុខ គង់ ដែលស្ថិតនៅតាមបណ្ដោយមហាវិថីព្រះនរោត្តម ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ កាលពីព្រឹកថ្ងៃទី២៣មករានេះ។

Some celebrate Australia Day with patriotic pride, others mourn and protest. What’s the right way to mark January 26, and can you have pride in your country while also standing against injustice? - អ្នកខ្លះប្រារព្ធទិវាអូស្ត្រាលីដោយមោទកភាពស្នេហាជាតិ អ្នកខ្លះទៀតក៏កាន់ទុក្ខ និងធ្វើការតវ៉ា។ តើអ្វីទៅជាវិធីដ៏ត្រឹមត្រូវក្នុងការប្រារព្ធទិវា ២៦ មករា ? ហើយតើអ្នកអាចមានមោទកភាពក្នុងប្រទេសរបស់អ្នក ក្នុងពេលដែលក្រោកឈរប្រឆាំងនឹងភាពអយុត្តិធម៌ដែរឬទេ?

** ប៉ូលិសរដ្ឋវិចថូរៀនិយាយថា ពួកគេនឹងមិនចូលរួមក្នុងការហែក្បួន Midsummaទេ។ ** លោកប្រធានាធិបតីដូណាល់ ត្រាំ ព្រលយកាលបរិច្ឆេទនៅដើមខែកុម្ភៈសម្រាប់ពន្ធគយដែលបានស្នើឡើង ។ ** អាជ្ញាធរម៉ិកស៊ិចកូកំពុងសាងសង់ជំរកតង់ធំៗ នៅក្នុងទីក្រុងព្រំដែនត្រៀមទទួលជនចំណាកស្រុកនិរទេសចេញពីអាម៉េរិក។

សមាគមខ្មែររដ្ឋអូស្រ្តាលីខាងត្បូង ត្រៀមរៀបចំកម្មវិធី និងបង្កើនសេវាកម្មមួយចំនួនទៀត ដើម្បីបម្រើជូនប្រជាពលរដ្ឋខ្មែរនៅទីនោះ ជាពិសេសគឺការបើកបណ្ណាល័យជាភាសាខ្មែរដំបូងគេនៅក្នុងប្រទេសអូស្រ្តាលីនៅទីក្រុងអាឌឺឡែត។ សេចក្តីលំអិត សូមស្តាប់បទសម្ភាសន៍ជាមួយលោក អាន លេវី ប្រធានសមាគមនេះដូចតទៅ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោកនាយករដ្ឋមន្រី្តបដិសេធមិនបង្ហាញអ្វីបន្ថែមទៀតទេ ជុំវិញការអះអាងថា ការវាយប្រហារប្រឆាំងសាសនាអាចនឹងត្រូវបានផ្តល់មូលនិធិនៅក្រៅប្រទេស។ ** លោកស្រី Penny Wong ជួបជាមួយសមភាគីអាមេរិកថ្មីរបស់លោកស្រី។ ** ចំនួនមនុស្សស្លាប់ដោយសារភ្លើងឆេះនៅរមណីយដ្ឋានជិះស្គីក្នុងប្រទេសតួគី ឡើងដល់ 76 នាក់។

ក្រោយពីផ្លូវ ៦០ម៉ែត្រ ដែលភ្ជាប់ចរាចរណ៍ពីច្រមុះជ្រូកក្បាលថ្នល់ ទៅព្រែកហូរ នៅផ្លូវជាតិលេខ២ ឧស្សាហ៍កើតមានគ្រោះថ្នាក់ចរាចរណ៍ បន្សល់ទុកសោកនាដកម្មធ្ងន់ធ្ងរ ដល់ប្រជាពលរដ្ឋ មានការដាក់ពង្រាយកម្លាំងប៉ូលិស ដើម្បីបាញ់ចាប់ល្បឿន និងបង្កើនការរឹតបន្តឹងខ្ពស់នូវការត្រួតពិនិត្យជាតិអាល់កុល លើអ្នកបើកបរស្រវឹងស្រាលើផ្លូវនេះ។ វិធានការថ្មីរបស់ប៉ូលិស ដើម្បីទប់ស្កាត់ និងកាត់បន្ថយគ្រោះថ្នាក់ចរាចរណ៍លើផ្លូវ៦០ម៉ែត្រ ដែលទើបសាងសង់ ក្រោយចាក់ដីលុបបឹងទំពន់នេះ បានចាប់ផ្តើមអនុវត្ត ពីថ្ងៃទី២១ ខែមករា ឆ្នាំ២០២៥ នេះតទៅ។