SBS Nepali - एसबीएस नेपाली पोडकास्ट

सन् १९७५ मा अस्ट्रेलिया आएकी इन्द्रा बन, मेडल अफ द अर्डर अफ अस्ट्रेलिया वा ओएएम पाउने पहिलो नेपाली हुन्। ५० वर्षभन्दा बढीको आफ्नो अस्ट्रेलिया बसाइको क्रममा उनले नेपाली समुदायको अभिभावक बनेर यसलाई डोर्‍याउने काम गरेकी छिन्। यो १० भागको विशेष शृङ्खलामा हामी उनको अस्ट्रेलियन अनुभवहरू बारे जान्नेछौँ। दश अङ्कको विशेष पोडकास्ट शृङ्खला अन्तर्गत यो सातौँ भागमा चाहिँ उनले सिड्नीमा आयोजना भएको पहिलो नेपाल महोत्सवलाई सम्झेकी छिन्। करिब ५ हजार मानिसहरू उपस्थित भएको भनिएको उक्त कार्यक्रमका अनुभव बारे इन्द्रा बनसँग एसबीएस नेपालीले गरेको कुराकानी सुन्नुहोस्।

केही समययता सक्रिय राजनीतिमा फर्कने सङ्केत दिइरहेकी पूर्व राष्ट्रपति विद्यादेवी भण्डारीले अन्ततः शनिवार, २८ जुनमा नेकपा एमालेमा फर्किएको एक सार्वजनिक कार्यक्रम मार्फत घोषणा गरेकी छन्। भण्डारीको पुनर्आगमनले नेपाली राजनीतिमा नयाँ तरङ्ग उत्पन्न गर्ने सक्ने केही विश्लेषकहरूले बताउँदै गर्दा अन्य कतिपयले चाहिँ राष्ट्रपति जस्तो आलङ्कारिक पदमा बसेको व्यक्ति राजनीतिमा पुन सक्रिय बन्ने कदमबाट स्वार्थको द्वन्द्व वा ‘कन्फ्लिक्ट अफ इन्ट्रेस्ट’ हुने तर्क राखेका छन्। यही सन्दर्भमा पछिल्लो समयमा शान्ति एवं लोकतन्त्रका लागि नागरिक अभियन्ताका रूपमा चिनिएका कृष्ण खनालसँग एसबीएस नेपालीका लागि नेपाल संवाददाता प्रयास दुलालको कुराकानी सुन्नुहोस्। खनालले सन् १९७९ देखि २०१० सम्म त्रिभुवन विश्वविद्यालयमा राजनीतिशास्त्र विषयको प्राध्यापन गर्नुका साथै, सोही विश्वविद्यालय अन्तर्गत रहेको सिनास भनेर चिनिने नेपाल तथा एसियाली अध्ययन केन्द्रको सन् १९९४/९५ मा कार्यकारी निर्देशक थिए र सन् १९८९ मा नेपालका तत्कालीन प्रधानमन्त्री गिरिजाप्रसाद कोइरालाका एक सल्लाहकार रहेका थिए।

Ian Green first met the Dalai Lama in the late 1970s, when he shared with the Tibetan spiritual leader an idea to build a Buddhist monastery in Australia. Now, the Chairman of The Great Stupa of Universal Compassion, located in the outskirts of the regional town of Bendigo, Green recalls his first encounter with the Lama vividly. SBS Nepali spoke to Green about his decades-long connection with the Dalai Lama and his thoughts on the ongoing question of who the Dalai Lama’s successor might be on the occasion of the Lama’s 90th birthday on Sunday, July 6. - तिब्बती धर्मगुरु दलाई लामाले आइतवार, ६ जुलाई २०२५ मा आफ्नो ९०औँ जन्मोत्सव मनाएका छन्। योसँगै उनका उत्तराधिकारी को हुन्छन् भन्ने प्रश्न पनि धेरैको रहेको छ। मेलबर्नबाट करिब दुई घण्टाको दुरीमा रहेको भिक्टोरियाको रिजनल शहर बेन्डिगोभन्दा केही पर रहेको ‘द ग्रेट स्तूपा अफ युनिभर्सल कम्प्यासन’का प्रमुखका साथै, दलाई लामा इन अस्ट्रेलियाका पूर्व प्रमुख पनि रहेका इयन ग्रिनसँग एसबीएस नेपालीले गरेको कुराकानी सुन्नुहोस्।

अस्ट्रेलियाका प्रमुख शहरहरूमा भोलि मौसम कस्तो होला?

Nepali Australian Welfare Society (NAWS) Cup’s 26th edition recently concluded in Sydney. We spoke to NAWS President Chiran Tiwari, who says the competition and involvement in competitive soccer as a whole have been a good distraction for Nepali international students from falling into bad habits. - नेप्लिज अस्ट्रेलियन वेलफेयर सोसाइटी (नवाज) आयोजित फुटबल प्रतियोगिताको २६ औँ संस्करणको अन्तर्गत आइतबार, ६ जुलाईमा भएको फाइनल खेलमा ओपन एज तर्फ बेनी एफसीलाई चार शून्यले हराउँदै, सेन्ट जोर्ज नेप्लिज फुटबल क्लब विजयी बनेको छ। भेट्रनतर्फ आठ वटा टोली सहभागी भएका थिए जसमध्ये मकारथर क्लबले जित हासिल गर्न सफल भयो। नवाजका अध्यक्ष चिरञ्जीवी तिवारीले खेलका मध्यमबाट अस्ट्रेलिया आएका नयाँ विद्यार्थीहरूलाई कुलतबाट टाढा राख्न फुटबलले मद्दत गरेको एसबीएस नेपालीसँगको कुराकानीका क्रममा बताएका छन्।

दुईपटक लोप भइसकेको मानिएको लेडबेटर्स प्रजातीको शिशुधानी (मार्सुपियल वा पेटसँगै शरिरको बाहिरी भागमा रहेको प्राकृतिक थैलीमा बच्चा बोक्ने जन्तु) पसम न्यु साउथ वेल्समा फेला परेपछि, वैज्ञानिकहरू यसलाई संरक्षण गर्न सक्रिय भएका छन्।

दुईपटक लोप भइसकेको मानिएको लेडबेटर्स प्रजातीको शिशुधानी (मार्सुपियल वा पेटसँगै शरिरको बाहिरी भागमा रहेको प्राकृतिक थैलीमा बच्चा बोक्ने जन्तु) पसम न्यु साउथ वेल्समा फेला परेपछि, वैज्ञानिकहरू यसलाई संरक्षण गर्न सक्रिय भएका छन्।

Australia ranks 11th among countries sending remittances to Nepal, according to Revati Prasad Nepal, Executive Director of the Exchange Management Department at the Nepal Rastra Bank (NRB). He notes that while formal remittance channels have become more widely used in recent years, there is still room for improvement, particularly in increasing financial literacy amongst the general public. Our Nepal correspondent, Prayas Dulal, spoke to Revati Prasad Nepal about current trends in remittance flows, from which countries Nepalis send the most money to Nepal, and what can be done to make the process more efficient and secure. - नेपालको अर्थतन्त्रमा एक महत्त्वपूर्ण भूमिका खेल्ने रेमिटेन्सले त्यहाँको जीडीपी वा कुल ग्राहस्थ उत्पादनमा २६ प्रतिशत योगदान गर्ने बताइएको छ। नेपाल राष्ट्र ब्याङ्कको विदेशी विनिमय व्यवस्थापन विभागका कार्यकारी निर्देशक रेवतीप्रसाद नेपालका अनुसार रेमिटेन्स पठाउने राष्ट्रहरूको सूचीमा अस्ट्रेलिया ११औँ स्थानमा रहेको छ। उनका अनुसार नेपालमा पछिल्लो समय औपचारिक रूपबाट रेमिटेन्स जान थाले पनि अझै सुधारको सम्भावना छ। अनि, आम मानिसमा वित्तीय चेतना बढ्नु पर्ने आवश्यकता देखिएको पनि नेपालको भनाई छ । नेपालमा पैसा सबैभन्दा धेरै कहाँ बस्ने नेपालीहरूले पठाउँछन् लगायतका विषयमा रेवतीप्रसादनेपालसँग नेपाल संवाददाता प्रयास दुलालले गरेको कुराकानी सुन्नुहोस्।

दक्षिणी सिड्नीको हर्स्टभिलमा रहेको एक नेपाली मोबाइल पसलमा चोरी भएको छ। मङ्गलवार, ८ जुलाई बिहानको करिब ३:१५ देखि ४:०० बजे भित्रको समयमा कथित रूपमा ‘ब्रेक, एन्टर एन्ड स्टीइल’ सम्बन्धी एक घटनाको जानकारी आफूहरूले सोही दिन बिहान १०:३० को आसपास पाएपछि अनुसन्धान सुरु गरिएको न्यु साउथ वेल्स पुलिसका एक प्रवक्ताले एसबीएस नेपालीलाई बताएका छन् भने पसलका सञ्चालक रामचन्द्र गौतमले भने तीन हप्ता अघि मात्र खोलिएको आफ्नो उक्त पसलबाट कथित रूपमा साइकलमा आएका एक व्यक्तिले दुई सय नगद र ग्राहकका केही थान मोबाइल, एप्पल वच, इयरफोन लगायतका ९ देखि १० हजार अस्ट्रेलियन डलरको सामान लगेको दाबी गरेका छन्। सेन्ट जोर्ज पुलिस एरिया कमान्डका अधिकारीहरूले घटनाको अनुसन्धान गरिरहेकाले र कसैसँग थप जानकारी भए सेन्ट जोर्ज पुलिस वा क्राइमस्टपर्सलाई १८०० ३३३ ००० मा खबर गर्न प्रहरीले भनेको छ।

Stay informed about the latest Nepali community events in Australia. - अस्ट्रेलियाका विभिन्न ठाउँमा गए हप्ता आयोजना भएका र यो साता आयोजना हुने केही नेपाली सामुदायिक कार्यक्रमहरू बारे एक अपडेट।