ਵੱਡੀਆਂ ਦੂਰਸੰਚਾਰ ਕੰਪਨੀਆਂ ਦਾ ਕਹਿਣਾ ਹੈ ਕਿ ਅਕਤੂਬਰ 2024 ਵਿੱਚ 3-ਜੀ ਨੈੱਟਵਰਕ ਬੰਦ ਹੋਣ ਤੋਂ ਬਾਅਦ ਉਨ੍ਹਾਂ ਦਾ ਮੋਬਾਈਲ ਕਵਰੇਜ ਜਾਂ ਤਾਂ ਹੋਰ ਫੈਲਿਆ ਹੈ ਜਾਂ ਪਹਿਲਾਂ ਵਾਂਗ ਹੀ ਰਿਹਾ ਹੈ। ਪਰ ਪੇਂਡੂ ਖੇਤਰਾਂ ਵਿੱਚ ਰਹਿੰਦੇ ਕੁਝ ਆਸਟ੍ਰੇਲੀਆ ਵਾਸੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਜਾ ਤਾਂ ਮਾੜੀ ਸੇਵਾ ਮਿਲ ਰਹੀ ਹੈ ਜਾਂ ਪੂਰੀ ਤਰ੍ਹਾਂ ਬਲੈਕਆਊਟ ਹੋ ਰਿਹਾ ਹੈ, ਜਿਸ ਕਾਰਨ ਕੁਝ ਭਾਈਚਾਰਿਆਂ ਵਿੱਚ ਸੁਰੱਖਿਆ ਸਬੰਧੀ ਚਿੰਤਾਵਾਂ ਪੈਦਾ ਹੋ ਰਹੀਆਂ ਹਨ।

ਦਹਿਸ਼ਤਗਰਦੀ ਅਤੇ ਨਫਰਤੀ ਨਿਸ਼ਾਨਾਂ ਸਬੰਧੀ ਗੁਨਾਹ ਹੁਣ ਇੱਕ ਲਾਜ਼ਮੀ ਘੱਟੋ-ਘੱਟ ਸਜ਼ਾ ਦੇ ਨਾਲ ਲਾਗੂ ਹੋਣਗੇ। ਇਸ ਸਬੰਧੀ ਸਰਕਾਰ ਨੇ ਕੂਲੀਸ਼ਨ ਦੇ ਸੋਧਾਂ ਦਾ ਸਮਰਥਨ ਕਰ ਦਿੱਤਾ ਹੈ, ਤਾਂ ਜੋ ਨਫ਼ਰਤ ਦੇ ਗੁਨਾਹ ਕਾਨੂੰਨਾਂ 'ਤੇ ਸਮਰਥਨ ਨੂੰ ਪ੍ਰਾਪਤ ਕੀਤਾ ਜਾ ਸਕੇ। ਇਹ ਇੱਕ ਅਜਿਹਾ ਚਲਨ ਹੈ ਜੋ ਲੇਬਰ ਪਾਰਟੀ ਦੇ ਮੂਲ ਸਿਧਾਂਤਾਂ ਦੇ ਖਿਲਾਫ਼ ਹੈ, ਜਿਸ ਦਾ ਮੰਨਣਾ ਹੈ ਕਿ ਇਹ ਪ੍ਰਚਲਨ ਨਿਆਂ ਪ੍ਰਣਾਲੀ ਨੂੰ ਕਮਜ਼ੋਰ ਕਰਦਾ ਹੈ ਅਤੇ ਗੁਨਾਹ ਨੂੰ ਘਟਾਉਣ ਵਿੱਚ ਮੱਦਦਗਾਰ ਸਾਬਤ ਨਹੀਂ ਹੁੰਦਾ ਹੈ। ਇਸ ਬਾਰੇ ਪੂਰੀ ਰਿਪੋਰਟ ਇਸ ਪੌਡਕਾਸਟ ਰਾਹੀਂ ਸੁਣੋ।

ਕਾਫੀ ਸਮੇਂ ਤੋਂ ਕੈਨੇਡਾ 'ਚ ਘਿਓ ਅਤੇ ਮੱਖਣ ਦੀ ਚੋਰੀ ਦੀਆਂ ਵਾਰਦਾਤਾਂ ਹੋ ਰਹੀਆਂ ਸਨ। ਕੈਨੇਡਾ ਦੇ ਪੀਲ ਖੇਤਰ ਦੀ ਪੁਲਿਸ ਨੇ ਇਸ 'ਤੇ ਕਾਰਵਾਈ ਕਰਦਿਆਂ ਸੁਖਮੰਦਰ ਸਿੰਘ, ਦਲਵਲ ਸਿੱਧੂ, ਵਿਸ਼ਵਜੀਤ ਸਿੰਘ, ਕਮਲਦੀਪ ਸਿੰਘ, ਹਰਕੀਰਤ ਸਿੰਘ ਅਤੇ ਨਵਦੀਪ ਚੌਧਰੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹ ਅਤੇ ਡਾਇਸਪੋਰਾ ਦੀਆਂ ਹੋਰ ਖਬਰਾਂ ਲਈ ਸੁਣੋ ਇਹ ਪੌਡਕਾਸਟ।

ਅਮਰੀਕਾ ਦੀ ਸਰਹੱਦੀ ਸੁਰੱਖਿਆ ਏਜੰਸੀ ਵੱਲੋਂ ਬੀਤੇ ਦਿਨੀਂ ਡਿਪੋਰਟ ਕੀਤੇ ਗਏ ਭਾਰਤੀਆਂ ਨੂੰ ਹਥਕੜੀਆਂ ਅਤੇ ਬੇੜੀਆਂ ਵਿੱਚ ਜਕੜ ਕੇ ਭਾਰਤ ਭੇਜੇ ਜਾਣ ਦੀ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋਣ ਤੋਂ ਬਾਅਦ ਭਾਰਤ ਭਰ ਵਿਚ ਗੁੱਸਾ ਤੇ ਰੋਹ ਪਾਇਆ ਜਾ ਰਿਹਾ ਹੈ।

ਆਸਟ੍ਰੇਲੀਆ ਸਮੇਤ ਪੂਰੀ ਦੁਨੀਆ ਵਿੱਚ ਜਿਹੜੀਆਂ ਖਬਰਾਂ ਇਸ ਹਫਤੇ ਚਰਚਾ ਦਾ ਵਿਸ਼ਾ ਬਣੀਆਂ ਰਹੀਆਂ ਉਹਨਾਂ ਵਿੱਚੋਂ ਸਭ ਤੋਂ ਵੱਧ ਸੁਰਖੀਆਂ ਬਟੋਰੀਆਂ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ। ਜਿੱਥੇ ਟਰੰਪ ਦੇ ਹੁਕਮਾਂ ਤੋਂ ਬਾਅਦ 104 ਭਾਰਤੀ ਅਮਰੀਕਾ ਡਿਪੋਰਟ ਕੀਤੇ ਗਏ ਉੱਥੇ ਹੀ ਟਰੰਪ ਨੇ ਆਪਣੇ ਗਾਜ਼ਾ ਵਾਲੇ ਬਿਆਨ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ। ਜਾਣੋ ਇਹ ਸਾਰੀਆਂ ਖਬਰਾਂ ਸਿਰਫ ਕੁਝ ਮਿੰਟਾਂ ਵਿੱਚ...

ਮੈਲਬਰਨ ਦੇ ਸੁਖਵਿੰਦਰ ਸਿੰਘ ਨੇ 2021 ਦੌਰਾਨ 'Business Cost Assistance Grant' ਹਾਸਿਲ ਕੀਤੀ ਸੀ। ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜੇਕਰ ਗ੍ਰਾਂਟ ਹਾਸਲ ਕਰਨ ਦੀਆਂ ਯੋਗਤਾਵਾਂ ਤੇ ਮਾਪਦੰਡ ਬੇਹਤਰ ਢੰਗ ਨਾਲ ਬਣਾਏ ਗਏ ਹੁੰਦੇ ਤਾਂ ਸ਼ਾਇਦ ਉਹ ਇਹ ਗ੍ਰਾਂਟ ਅਪਲਾਈ ਹੀ ਨਾ ਕਰਦੇ ਕਿਉਂਕਿ ਹੁਣ ਉਹਨਾਂ ਨੂੰ ਵੱਡੀ ਰਕਮ ਵਾਪਸ ਕਰਨੀ ਔਖੀ ਲੱਗ ਰਹੀ ਹੈ। ਪੇਸ਼ੇਵਰ ਅਕਾਊਂਟੈਂਟ ਗੁਰਵੀਨ ਕੌਰ ਮੁਤਾਬਕ ਇਹ ਔਡਿਟ ਅਜੇ ਵੀ ਜਾਰੀ ਹਨ।

ਆਸਟ੍ਰੇਲੀਆ ਦੀ ਮਾਨਸਿਕ ਸਿਹਤ ਪ੍ਰਣਾਲੀ ਲੋੜਵੰਦ ਲੋਕਾਂ ਦੀ ਵੱਧਦੀ ਗਿਣਤੀ ਕਾਰਨ ਉਹਨਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਿਚ ਪੱਛੜ ਰਹੀ ਹੈ। ਸਿਡਨੀ ਯੂਨੀਵਰਸਿਟੀ ਦੇ ਮਾਹਿਰਾਂ ਦੁਆਰਾ ਪੇਸ਼ ਕੀਤੀ ਗਈ ਇੱਕ ਨਵੀਂ ਰਿਪੋਰਟ ਨੇ ਇਸ ਅਸਫਲਤਾ ਦੀ ਹੱਦ ਦਿਖਾਈ ਹੈ। ਇਸ ਰਿਪੋਰਟ ਵਿੱਚ ਇਹ ਵੀ ਪਾਇਆ ਗਿਆ ਹੈ ਕਿ ਨੌਜਵਾਨ ਇਸ ਵਿੱਚ ਖਾਸ ਤੌਰ 'ਤੇ ਪੱਛੜ ਰਹੇ ਹਨ।

Preet and Millie’s love story began with a chance meeting at Melbourne’s Botanical Gardens in 2014. A decade later, they are happily married, raising two children, and embracing both Punjabi and Chinese traditions. This Valentine’s Day, they share their story with SBS Punjabi—how they navigate cultural differences, build a family, and the language Millie switches to when they argue. - ਹਰ ਸਾਲ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ ਵਿੱਚ ਚਾਈਨੀਜ਼ ਲੂਨਰ ਯੀਅਰ (Lunar New Year)ਮਨਾਇਆ ਜਾਂਦਾ ਹੈ। ਦਿੱਲੀ 'ਚ ਜਨਮੇ ਅਤੇ ਵੱਡੇ ਹੋਏ ਪੰਜਾਬੀ 'ਪ੍ਰੀਤ ਹੰਸਪਾਲ' ਮੈਲਬਰਨ ਵਿੱਚ ਪਿਛਲੇ 9 ਸਾਲਾਂ ਤੋਂ ਇਹ ਲੂਨਰ ਯੀਅਰ ਮਨਾ ਰਹੇ ਹਨ। ਜਦੋਂ 'ਪ੍ਰੀਤ' ਨੇ ਪਹਿਲੀ ਵਾਰ ਚੀਨ 'ਚ ਜੰਮੀ 'ਮਿਲੀ' ਨੂੰ ਮੈਲਬਰਨ ਦੇ ਬੋਟੇਨਿਕਲ ਗਾਰਡਨ ਵਿੱਚ ਵੇਖਿਆ ਸੀ ਤਾਂ, ਉਨ੍ਹਾਂ ਨੇ ਉਦੋਂ ਹੀ ਸੋਚ ਲਿਆ ਸੀ ਕਿ ਹੁਣ ਜ਼ਿੰਦਗੀ ਦਾ ਬਾਕੀ ਸਫਰ ਇਕੱਠਿਆਂ ਹੀ ਬਤੀਤ ਕਰਨਾ ਹੈ। ਇਸ ਜੋੜੇ ਦਾ ਸਫਰ ਹੁਣ ਸਾਲ 2025 ਵਿੱਚ ਪਹੁੰਚ ਚੁੱਕਿਆ ਹੈ ਅਤੇ ਇਸ ਵਾਰ ਦੇ ਲੂਨਰ ਯੀਅਰ ਬਾਰੇ 'ਪ੍ਰੀਤ' ਅਤੇ 'ਮਿਲੀ' ਨੇ ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਕੀਤੀ।

ਨੋਰਦਰਨ ਟੈਰੀਟਰੀ ਦਾ ਇੱਕ ਸੰਸਦ ਮੈਂਬਰ ਲਗਭਗ 60 ਮਿਲੀਅਨ ਡਾਲਰ ਦੇ ਸਰਕਾਰੀ ਫੰਡਾਂ ਦੀ ਸੰਸਦੀ ਜਾਂਚ ਦੀ ਮੰਗ ਕਰ ਰਿਹਾ ਹੈ ਜੋ ਇੱਕ ਗਲਤ ਸਵਦੇਸ਼ੀ ਰੁਜ਼ਗਾਰ ਪ੍ਰੋਗਰਾਮ ਦੁਆਰਾ ਗੁਆਚ ਗਏ ਹਨ। ਇਸ ਸਕੀਮ ਨੂੰ 2017 ਵਿੱਚ ਵਿਆਪਕ ਧੋਖਾਧੜੀ ਦੇ ਦੋਸ਼ਾਂ ਕਾਰਨ ਬੰਦ ਕਰ ਦਿੱਤਾ ਗਿਆ ਸੀ।

ਸੰਯੁਕਤ ਰਾਜ ਅਮਰੀਕਾ ਦੇ ਨਵੇਂ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਸਰਕਾਰ ਨੇ ਗੈਰ ਕਾਨੂੰਨੀ ਢੰਗ ਨਾਲ ਅਮਰੀਕਾ ਵਿੱਚ ਰਹਿ ਰਹੇ ਵਿਦੇਸ਼ੀ ਨਾਗਰਿਕਾਂ ਨੂੰ ਵਾਪਿਸ ਉਹਨਾਂ ਦੇ ਮੂਲ ਦੇਸ਼ ਭੇਜਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਹੈ। ਇਸ ਦੇ ਚਲਦੇ ਗੈਰ ਕਾਨੂੰਨੀ ਢੰਗ ਨਾਲ ਅਮਰੀਕਾ ਵਿੱਚ ਰਹਿ ਰਹੇ 200 ਤੋਂ ਵੱਧ ਭਾਰਤੀਆਂ ਨੂੰ ਅੱਜ ਅਮਰੀਕੀ ਫੌਜ ਦੇ ਸੀ-17 ਜਹਾਜ਼ ਦੁਆਰਾ ਵਾਪਿਸ ਭੇਜਿਆ ਜਾ ਰਿਹਾ ਹੈ। ਇਹ ਜਹਾਜ਼ ਅੱਜ ਅੰਮ੍ਰਿਤਸਰ ਦੇ ਸ਼੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਪੁੱਜੇਗਾ।