SBS Tigrinya - ኤስ.ቢ.ኤስ ትግርኛ

ፊፋ ምስግጋር ናብ ውልቃዊ ዋንነት ዋንጫ ዓለም ብርቱዓት ተቓውሞታት ምስ ኣጋጠምዎ ገዲፍዎ። ፊፋ 20% ብርኪ ወይ ዋንነት ኣብ ዋንጫ ዓለም ናብ ብሕታውያን ኣውፈርቲ ዝሸይጥ ንግዳዊ ኢድ ወይ ጨንፈር ከቕውም እማመ ኣቕሪቡ ኔሩ።

ወከልቲ ትግራይን ኤርትራን ኣብ ትግራይ ዝባን ሑፃ ርክባት ከም ዘካየዱ ተገሊጹ። ኣብ ሸረሪና መንጎ ሓይልታት ትግራይን ፌደራልን ተወሊዑ ዝነበረ ውግእ ደው ከምዝበለ ኣገልግሎት ዜና ፈረንሳይ ጸብጺቡ። 8ይ ዋዕላ ሃገራዊ ሽማግለ ኤርትራውያን-ኣመሪካውያን ተዛዚሙ።

ንሎሚ 30 ሓምለ 2026 ዝተዳለወ፡ ዜና፡ ጸብጻብ፡ ዜናዊ ትንታነ፡ ቃለ መሕትትን ምንባር ኣብ ኣውስትራሊያን ምሉእ ትሕዝቶ።

ኣርእስታት ዜና፥ ኣብ ደቡብ ኣውስትራልያ ዓሰርተ ሓደ ኣዕዋፍ ሕማም ሰዓል ኣዕዋፍ H5 ሕማምስ ዘለዎም ድሕሪ ምርካቦም ፡ ዝያዳ እተጠርጠሩ ሕሙማት ኣዕዋፍ ከምዘለዉ ተፈሊጦም ። እቲ ኣብ ኤውሮጳ ዝቕጽል ዘሎ ዘስካሕክሕ ባርዕ ዱር፡ እናገደደ ኣብዝኸደሉ ዘሎ እዋን ፣ ኣብ ግሪኽ ፡ ሰለስተ መጥፋእቲ ሓዊ ኣብ ምቅላስ ባርዕ እናሃለዉ ተቐቲሎም ። ፈደረሽን ኩዕሶ እግሪ ፈረንሳ ዚናዲን ዚዳን ኣሰልጣኒ ሃገራዊት ጋንታ ፈረንሳ ክኸውን ሸይምዎ ኣሎ ።

መጠን ዝቕባበ ኣውስትራሊያ ኣንቈልቊሉ እዩ ዘሎ: እንተዀነ ግን ጸቕጥታት ክብሪ ዋጋ ገና ልዑል እዩ ዘሎ ። እዚ ኣሃዛት እዚ ሓድሽ ዝመጸ ናይ ሪሰርቭ ባንክ መጽናዕቲ ከም ዝሕብሮ ብዙሓት ኣውስትራሊያዊያን ወለድ ስለምንታይ ከም ዝውስኽ ወይ ነቲ መጠን ዝቕባበ ብኸመይ ከም ዝወርድ ከምዘይርድ ኦም ኣብ ዝተፈልጠሉ እዋን እዩ።

ላዕለዋይ ኣማኻሪ ፕረዚደንት ኣሜሪካ ምስ ኤርትራን ግብጽን ዝግበር ዘሎ ዲፕሎማስያዊ ርክባት ብዝምልከት መብርሂ ሂቡ። ኣብ ኢትዮጵያ ዝተጀመረ ብዕዳጋ ዝምራሕ ስርዓት ሸርፊ ወጻኢ ድኽነት ኣብ ክንዲ ዘጉድል ከም ዘጋደደ ሰነድ ፖሊሲ ባንኪ ሓቢሩ። ኣብ ኤርትራ፡ ብሰንኪ መምርሒ ባጤራ ሻቕሎትን ቅልውላውን ዕዳጋታት ከም ዘጋጠመ ተገሊጹ። መገዲ ኣየር ኢትዮጵያ ብመሸጣ ቲኬት ዝረኸቦ ብዙሕ መጠን ዘለዎ ገንዘብ ካብ ኤርትራ እትርከበን ሰለስተ ሃገራት ከውጽእ ከም ዘይከኣለ ገሊጹ። መንግስቲ ኢትዮጵያ፣ ኣብ ሳዑዲ ዓረብ ዝርከቡ ኢትዮጵያውያን ናይ ቆንስላ ኣገልግሎት ንኽረኽቡ ጣልቃ ንኽኣቱ ሂውማን ራይትስ ዎች ሓቲቱ።

** ኢራን መጻብቦ ሆርሙዝ ዳግም ንምኽፋት ሓድሽ እማመ ኣቕሪባ... ** ኣመልከቲ ቪዛ ብዛዕባ ጸረ ሴማውነት ዘለዎም ኣረኣእያ ምግምጋም ኣጸጋሚ ከምዝኾነ ሓላፊት ኢሚግሬሽን ኣውስትራሊያ ገሊጻ... ** ኣብ 2025 ዝወሃቡ ናይ ሓዳር ፍትሕ ካብ ቅድሚኡ ዝነበረ ዓመት ብ 4.1 ሚኢታዊ ናብ 49,148 ክብ ከምዝበለ ተሓቢሩ።

The Garma Festival is Australia’s largest Indigenous cultural gathering where thousands of people travel to a remote town in Nhulunbuy on northeast Arnhem Land in the Northern Territory. Here's what happens at Garma and who can attend. - ፈስቲቫል ጋርማ ፡ ኣብ ኣውስትራልያ እቲ ዝዓበየ ናይ ደቀባት ባህላዊ ምትእኽኻብ ኰይኑ ፡ ብኣሽሓት ዝቝጸሩ ሰባት ናብታ ኣብ ሰሜናዊ ምብራቕ ኣርነም ላንድ እትርከብ ከተማ ኑሁሉንባ ይጐዓዙ ። ኣብ ጋርማ እንታይ ከም ዝኸውንን መን ኣብኡ ክርከብ ከም ዝኽእልን ኣብዚ ትሕዝቶ ተገሊጹ ኣሎ ።

ኢንጂኔር ክብሮም ወልዳይ ካልኣይ ደረጃ ትምህርቱ ምስዛዘመ ካብ ኣስመራ ናብ ጂማ ብምኻድ ከባብያዊ ጥዕና ኣጽኒዑ። ናብ ኣስመራ ተመሊሱ ኣብ ስራሕ ድሕሪ ምጽናሕን ኣብ ኣስመራ ዩኒቨርሲቲ ብ ሲቪል ኢንጂኔሪን ተመሪቑ። ኣብ ዝተፈላለዩ ሃገራት ፓሲፊክ ንዓመታት ምስ ዩኒሴፍ ድሕሪ ምስራሕ ናብ ኣውስትራሊያ መጺኡ ብምሕደራ ማይ ናይ ማስተርስ ዲግሪ ኣጽኒዑ። ኣብ ኣውስትራሊያ'ውን ኣብ ዝተፈላለዩ ስራሓት ተዋፊሩ ክሰርሕ ድሕሪ ምጽናሕ ሎሚ ኣብ ግዝኣት ኲንስላንድ ላዕለዋይ ኪኢላ ምሕደራ ማይ ኮይኑ ይሰርሕ ኣሎ። ኢንጂኔር ክብሮም ዝሓለፎም ናይ ትምህርቲን ስራሕን ጉዕዞ ልሙጽ ኣይኮነን ግና ንኹሉ መሰናኽላት ሰጊሩ ሎሚ ኣብ ዝበረኸ ደረጃ ስራሕ ይርከብ። ንኻልኦት ተመክሮ ክኸውን ዝኽእል ጉዕዞ ትምህርቱን ስርሑን ኣካፊሉና ኣሎ።

** ኢራን ምስ ሕቡራት መንግስታት ኣመሪካ ቀጥታዊ ዘተ ኣይተገብረን ትብል፡ ዶናልድ ትራምፕ ንዲፕሎማሲ ዕድል ክህብ’የ ይብል። ** ኣውስትራሊያን ሲንጋፖርን ብዛዕባ ዉሕስነት ነዳዲ ዝምልከት ዉዕል ተፈራሪመን። ** ሰራዊት ሱዳን ኣብ ግዝኣት ሰሜን ኮርዶፋ ንዝርከባ ወሰንቲ ከተማታትን ስትራተጅያዊ ቦታታትን ከምዝተቖጻጸረ ኣፍሊጡ።