SBS Tigrinya - ኤስ.ቢ.ኤስ ትግርኛ

ሕብረተሰብ ትግራይን ኤርትራን ኣብ ዶባት ክራኸብ ጀሚሩ። ኣብ ትግራይ "ዝተረጋገዐ መንግስቲ ክህልዋ ኣይከኣለን።" ክብል ፕረዚደንት ግዝያዊ ምምሕዳር ትግራይ ገሊጹ። ይኣክል ሓምሻይ ክረምቲ ኣብ ኬንዳ" ዝብል ሰላማዊ ሰልፊ ኣብ ከተማ መቐለ ምክያድ ጀሚሩ። ኤርትራ ኩሎም ናይ ሕልና እሱራት ክፈትሕን መሰላት ዜጋታታ ከተኽበርን ተሓቲታ። ኢትዮጵያ ንመርመርቲ ካብ ቅትለት ወጻኢ ብዝኾነ ገበናዊ ተግባር ዘየኽስስ ኣዋጅ ኣጽዲቓ።

ንገዛኻ ወይ ንንብረትካ ኣብ ሓደጋ ዘእቱ ኣጋጣሚታት ክትሓስቦ ባህ ዘብል እኳ እንተ ዘይኰነ ፡ ክበጽሕ ዘይክእል ኩነታት ግን ኣይኰነን ። ከም ዕልቕልቕ ማይ ፡ ህቦብላን ባርዕ ጣሻን ዝኣመሰለ ኵነታት ኣየር ፡ ኣብ ብዙሕ ከባቢታት ኣውስትራልያ ስሩዕ ኣካል ህይወት እዩ ። ዋላ "ውን ተኻሪኻ ትነብር እንተኾንካ ፣ ከም ናይ ማይ መጉዳእቲ ወይ ስርቂ ብዝኣመሰሉ ነገራት ክትጽሎ ትኽእል ኢኻ ። ኣብዚ ናይ ሎሚ ምንባር ኣብ ኣውስትራልያ ፡ ክኢላታትና ነቲ ኣብ ናይ ቤትን ኣብ ትሕዝቶን ዝግበር መድሕን ዝምልከት ኣገዳሲ ነጥብታት ተንቲኖም ኣለዉ፣ ክትጥንቀቐሉ ዝግባእ ነገራትን እቲ ንመድሕን ዝኽፈል እናዛየደ ኣብዝኸደሉ ዘሎ እንታይ ክትገብር ከምዘለካ'ውን ምኽሪ ኣለዎም።

**ኣውስትራሊያ ኣብ ልዕሊ ምስ ራሻ ምትሕሓዝ ዘለወን 60 መራኽብ ንፈለማ እዋን ማዕቀብ ገይራ። ** ዶናል ትራምፕ፡ ኣመሪካ ኣብቲ ኢራንን እስራኤል ዘካይዳኦ ዘለዋ ዉግእ “ዓቕላ ትውድእ ኣላ” ክብል ገሊጹ። ** ኣብ ኬንያ ብርቱዕ ህዝባዊ ተቓውሞታት ተኻይዱ።

** ቀዳማይ ሚኒስተር ምስ ሓድሽ ዝተመርጸ ደቡብ ኮርያዊ ፕረሲደንት ተራኺቡ ተዘራሪቡ፡ ምስ ፕ/ ዶናልድ ትራምፕ ተመዲቡ ዝነበረ ርክብ ግና ተሰሪዙ። **ቀዳማይ ሚኒስተር እስራኤል ንላዕለዋይ መራሒ ኢራን ምቕታል ነቲ ግጭት መደምደምታ ዝገብር እዩ ኢሉ... ** መንገዲ ዓዲግራት-ደውሃን-ኢሮብ ዳግም ኣገልግሎት ምሃብ ከምዝጀመረ ተፈሊጡ።

ምስ ፍሉጥ ስነ ጥበባዊ ዮሃንስ ትካቦ ምስ ሬድዮ ኤስ ቢ ኤስ ዝገበሮ ዕላል ብምኽንያት ጽምብል 50 ዓመት ምጅማር ኤስ ቢ ኤስ ምኽንያት ብምግባር ደጊሙ ዝቐርብ ዘሎ ትሕዝቶ

ኣብዚ ቕሩብ እዋን ብ ዓምር ሳልሕ ሓጎስ (Aamer S. Hagos ) ዝተጻሕፈት መጽሓፍ “Echoes of Bravery: Martyr Mohmoud Ibrahim’ Enduring Legacy” ተዘርጊሓ ኣላ። ምስ ደራሲ ብዛዕባ መጽሓፉ ዝገበርናዮ ዕላል።

ነዚ ኣብ ማእከላይ ምብራቕ ተኸሲቱ ዘሎ ኣዚዩ ሓደገኛ ምዕባለ ዝምልከት ዝቐረበ ትንታነ፡ እስራኤል ኣብ ልዕሊ ኢራን ዝዓበየ መጥቃዕቲ ድሕሪ ምፍናዋ ፡ ነቲ ውግእ ከተዕርጎን ንምቕጻልን ክትዳሎ ከም ከምዝጸንሐት ክኢላታት ይሕብሩ ።

ኣርእስታት ዜና፥ ኣብ ሰሜናዊ ግዝኣት ሕንዲ ኡታራካንድ ፡ ንንግደት ሂንዱ ሒዛ ትጓዓዝ ዝነበረት ሄልኮፕተር ወዲቓ ብምሕምሻሻ ኣብ ዉሽጣ ዝነበሩ ሸውዓተ ሰባት ሞይቶም ። ብሚልዮናት ዝቝጸሩ ኣመሪካውያን ንመሪሕነት ዶናልድ ትራምፕ ብምቅዋም ናብ ጐደናታት ኣፍሲሶም ። ኣውስትራልያ ናብ ዋንጫ ዓለም ፊፋ ሓሊፋ፣ ዋንጫ ዓለም ክለባት ፊፋ ኣብ ትሕቲ ኣሰካፊ ኩነታት ኣብ ኣሜሪካ ተጀሚሩ፣

ሰሙናዊ መደብ ስፖርት (09/06/2025) * ኤርትራውያን ሄኖክ ምሉእብርሃንን ኣማኑኤል ገብረእግዚኣብሄርን ዝተሳተፍሉ ቅድድም ብሽግለታ ክራይተርየም ዱ ዶውፊን ብዓወት ስሎቨንያዊ ታደይ ፖጋቻር ተዛዚሙ፣ * ህቡብ ተጻዋታይ ኩዕሶ እግሪን ኣባል ሃገራዊት ጋንታ ኢትዮጵያን ዝነበረ ሙሉጌታ ከበደ ካብ’ዚ ዓለም ብሞት ከምዝተፈልየ ጋንትኡ ነበር ቅዱስ ጊዮርጊስ ገሊጻ፣ * ሃገራዊት ጋንታ ኩዕሶ እግሪ ኣውስትራልያ ወይ ሶከሩስ ዝሓለፈ ሰሙን ንሻድሻይ ተኸታታሊ ግዜኣ ናብ ዋንጫ ዓለም ፊፋ ምሕላፋ ኣረጋጊጻ፣ * ፊፋ ብፍሉይ ኣሰራርዓ ዘዳለዎ ግጥም ኩዕሶ እግሪ ዋንጫ ዓለም ክለባት ኣብ ትሕቲ ኣሰካፊ ኩነታት ኣተሓሕዛ ስደተኛታትን መጻእትን ኣብ ኣሜሪካ ሰንበት ተጀሚሩ፣

ኣዛዚ ሰራዊት ምክልኻል ኢትዮጵያ፡ ዝምድና ኤርትራን ኢትዮጵያን ንምምሕያሽ ዝተገብረ ጻዕርታት ከም ዝፈሸለ ገሊጹ። ሚንስተር ዜና ብወገኑ ኤርትራ ባሕራዊ ግዝኣታን ዘይግሰስ ልኡላዊ መሰላትን ንሓራጅ ከተቕርቦ ድልውቲ ኣይኮነትን ዝብል ምላሽ ሂቡ። ብተዛማዲ ሓበሬታ ሓይሊ ባሕሪ #ኢትዮጵያ "ስርሒታዊ ዓቕሚ" ንምዕባይ ስልጠና ንጡፋት ጀላቡ የካይድ ከም ዘሎ ኣፍሊጡ። ናይ ትግራይ ሓዊስካ ኣብ ካልኦት ከባቢታት ዝተመዛበሉ ሰባት ናብ ዓድታቶም ክምለሱ ኣምባሳደር ኣሜሪካ ፀዊዑ። ረብሓ ህዝቢ ትግራይ ብሰላማዊ መንገዲ ንምርግጋፅ ከምዝስራሕ ሓላፊ ቢሮ ሰላምን ፀጥታን ትግራይ ሌ/ጀነራል ፍሰሃ ኪዳኑ ተዛሪቡ ምምሕዳር ኣሜሪካ ንኢትዮጵያ ሓዊሱ 36 ሃገራት ኣብ ዝርዝር እገዳ መገሻታቱ ክውስኽ መደብ ከምዘለዎ ገሊጹ።