Tangu elimu iliyoletwa na wakoloni kuanzishwa barani Afrika, mzazi ameshiriki kwa njia ya ushauri na ufadhili sio kushirikiana na mwanawe kufanya mitihani jioni.

Mfumo wa CBC ni wazo zuri lakini utekelezaji wake unafanywa kwa njia inayomlimbikizia mzazi mzigo mkubwa.

Hatua ya Chama cha Jubilee kuendeleza shutuma dhidi ya Naibu wa Rais, William Ruto ni ishara kwamba kimekosa mwelekeo na kimekosa njia za kumkabili. Jubilee inaendelea kujipaka tope...

Chama cha ODM kinafaa kujisafishia jina kwa kuacha tabia za kulalamika kuhusu kila kitu. Wakati huu ambapo Raila anashirikiana na Uhuru Kenyatta, kelele za ODM za kupanga kumwondoa Mwenyekiti wa IEBC, Wafula Chebukati hazina maana. ODM itumie 'system' kuhakikisha kuwa wafuasi wake waliodhulumiwa na polisi huko Nyanza wakati wa uchaguzi wanafidiwa. Kulialia kila mara hakufai.

Wanariadha wa Kenya walioshiriki Olimpiki jijini Tokyo Japan wameliletea taifa sifa kedekede kwa kuibuka la kwanza barani Afrika. Hata hivyo, hawakupokelewa kishujaa walipowasili JKIA. Aidha, Rais Kenyatta aliwaalika katika hafla ya kutuzwa siku 10 baada ya kuwasili nchini. Rais Museveni kwa upande wake aliwatuza wanariadha wa nchi yake punde walipowasili. Ni wazi kuwa Kenya haiwajali wanaspoti wake....ni kutowathamini mashujaa.

Uhuru Kenyatta amefanya kikao kilichowaleta pamoja Raila Odinga na viongozi wa One Kenya Alliance, OKA. Uhuru aliwashawishi kumuunga mkono Raila, akisema ndiye wa pekee mwenye ushawishi wa kisiasa. Japo haijasemwa, Uhuru analenga kuondoa siasa za chuki za kihistoria na kuchimbana...za tangu miaka ya 60. Pia analenga kuondoa propaganda dhidi ya familia ya Jaramogi ila kumtenga Ruto au kutotimiza ahadi ambazo Uhuru alimpa kuhusu kumuunga mkono 2022 ni kutobadili kitu; ni kuendeleza uadui wa kisiasa nchini.

Serikali ya Kenya ni zuzu. Rais wa Uganda, Yoweri Museveni amewaandalia wanariadha wa nchi yake makaribisho ya kifahari; wametembezwa mijini kwa magari ya kifahari kuwapungia mikono wananchi, wakapewa kitita cha fedha na zawadi ya magari. Hapa Kenya, serikali imenyamaza kama maji mtungini bila kujivunia nafasi ya kwanza ambayo Kenya ilipata barani Afrika katika mashindano ya Olimpiki ya Tokyo Japan, 2020.

Rais Kenyatta ampe heshima Naibu wake, William Ruto sawa na walivyofanya marais wa awali kwa Makamu wao. Kulumbana na kuaibishana haradhani kunatoa taswira mbaya. Ni ukosefu wa ufalme.

Baada ya Naibu wa Rais wa Kenya, William Ruto kuzuiwa kwenda Uganda, maswali mengi yameibuka kuhusu lengo lake la kwenda katika nchi hiyo. Ushauri wa Sepetuko ni kwamba asijifunze siasa za Chama cha NRM cha Yoweri Museveni wa Uganda kwa vile kinahusishwa na dhuluma dhidi ya wapinzani na kukatalia madaraka. Ruto ajifunze siasa kupitia Chama cha CCM cha Tanzania au kile cha ANC cha Afrika Kusini; si NRM.

Ni vigumu kwa Raila Odinga kupata ufuasi Mlima Kenya. Mbegu za chuki zilipandwa tangu miaka ya sitini na Jaramogi na Jomo kisha kuendelezwa na Uhuru na Raila. Kubadili si rahisi. Umati mkubwa ambao Raila alikuwa akikusanya awali, Ruto ndiye mwenye uwezo wa kufanya hivyo sasa.