過去我一直都唔明白，呢一位教科學嘅先生點解要講述一個主流以外嘅世界觀。

但當我閱讀完呢一本《恐龍的啟示》，我先發現呢位先生所守護嘅係悠久嘅教會傳統──喺「公元前4004年10月22日，星期六，大約日落時分」，世界被神所創造。

我哋可以稱呢種神造論做「年輕神造論」，佢預設一個年輕嘅地球，充滿住神蹟，所有事物都係依靠上帝嘅大能由無到有創造出嚟。

你可能會覺得，世界年唔年輕只係無關痛癢嘅預設。但你有無諗過，如果世界真係年輕，咁神造論會比起演化論更加合理；如果世界真係古老，先有演化論嘅一席之地。

今集，我會用唔同時代嘅人對化石嘅理解，去為你講講改變預設點樣開啟現代嘅科學視角，同埋地質學家係點樣看待深邃時間。

內容包括：

一齊從化石嘅發現嘅過程，檢視古人，以及我哋嘅視角盲點。