الموسم الخامس اتأجل نظرا للظروف، لكن لحد ما نقدر نضحك ونضحكم تاني قولنا نيجي نتكلم معاكم في مواضيع على بالنا كلنا الأيام دي. دي مش بداية موسم جديد، ده “كلام بالمحسوس” علشان مبقناش عارفين نتكلم غير في موضوع واحد وحتى أما بنتكلم فيه بنحسس على كلامنا. استنوا الحلقة الجاية يوم السبت ١٨ نوفمبر. 

 🍉وكل الحب والدعم لإخواتنا🍉

حلقة خاصة من اشتري منتمناش نعملها تاني، حلقة “أصحاب الأرض” بنحكي فيها عن تاريخ أرض محتلة من كيان ظالم، علشان مننساش وعلشان اللي بعدنا مينسوش.  🍉🕊️

فاكرين أول حلقة من اشتري مني كان اسمها إيه؟ حلقة مع عمر الجمل اتكلمنا عن منطقته، وعن الجريمة الكاملة..مصايب عملناها وعدينا منها.

ما كفيانا أعذار بقى؟ حلقة عن الأعذار اللي مبنقبلهاش وااللي بنقبلها والأعذار اللي قولناها منها اللي عدت كده، ومنها اللي معدتش…بس كله كوم وعذر أم حسني بتاعت الترمس كوم تاني.

أول حلقة من فوق الكنبة، عن الكومفورت زون، والشهوة وسرقة الفطير والبسبوسة، والمالكي. بتقلعوا الشراب بتاعكم عند مين؟ وازاي بتتعاملوا مع البكاسة؟

حلقة خاصة مع الرشيقة مي إبراهيم، احتفالا بالمليون مشاهدة على يوتيوب. اتكلمنا عن الأمومة وعن أطفالنا وطفولتنا وسبق حصري متقالش غير عندنا.

حلقة عن الكراهية تجاه ناس وأفكار معينة..هل في حاجة مستاهلة الكراهية ولا متوصلش للدرجة دي؟ 

بتعرف تبص في ورقتك؟ حلقة جديدة من اشتري مني اتكلمنا فيها عن الحدود وذكريات المدرسة والجوابات الغرامية وعجز ميزانية الكانتين.

إنت مين علشان تقول؟ حلقة عن الاختصاص مع الدود محمود مهدي، وأكيد اتكلمنا برضو عن الأفلام والكورة.

حلقة احتفالية ال٢ مليون استماع سجلناها من الروف، من المكان اللي ابتدينا فيه. ف جبنا تسالي وطلبنا شاورما واتكلمنا عن الذكريات.