Spitstyd

Bobby Petkov vertel tien dinge wat jy van die koop van ‘n viertrekvoertuig moet weet.

Margit Meyer-Rödenbeck, alom bekend as haar verhoogkarakter Dowwe Dolla, gesels met Henco Kruger by haar legendariese teaterrestaurant, Die Boer, in Durbanville, Kaapstad. Die restauramt moes weens Covid sy deure sluit, maar met behulp van die teaterbedryf en weldoeners het dit weer oopgemaak en só van krag tot krag gegaan dat dit selfs op die lang pad na kunstefeeste soos die KKNK geneem is. Die Boer speel die afgelope 19 jaar al gasheer vir Suid-Afrika se voorste kunstenaars. Daardie beproewing het Margit opnuut laat besef dat ‘n boksie vir tjoklits is en dat mense haar nie in ‘n vormpie moet probeer druk nie. Sy glo teater is ontvlugting en kos vir die siel. Dis ’n ervaring, en jy delf in jouself, of jy nou lekker lag of huil. Sy sê ‘n mens mag nooit die gees vergeet nie; ‘n mens skeep maklik die gees af as die brood min raak. Margit deel in hierdie openhartige gesprek die tye in haar lewe toe die brood min geraak het...

RSG plaas die kollig op die werk wat welsynsorganisasies en sorgsentrums doen en hulle behoeftes. (Stigting vir Kinders met Gehoorverlies)

Komediant Alfred Adriaan het pas geland uit Engeland, waar hy uitverkoopte vertonings gehad het.

Frans Roodt vertel tien dinge wat jy van korttermyn-versekering moet weet.

Sedert Johan Brümmer, of te wel Fatman, ses jaar gelede in die topvyf van die tweede seisoen van The Voice SA geëindig het, is daar geen keer aan hom nie. Hy het op die klein dorpie, Marble Hall in Limpopo, grootgeword. Sy pa was ’n beroepsmusikant, wat saam met sy dansorkes die land plat getoer het. Johan het feitlik op die verhoog groot geword. 'n Hele paar jaar gelede het hy 'n vertoning op die Randse Paasskou gehou. 'n Vriend van hom, die akteur en destydse Gladiator, Garth Collins, het uit verveeldheid 'n paar mense wat verbystap het uitgedaag om "die Fatman" te probeer optel, en dan 'n prys te wen. Mettertyd het almal hom ook Fatman begin noem, en het hy besluit om dit as sy verhoognaam te gebruik. Hy het nog altyd gesing, maar het eers met sy deelname aan The voice SA werklik sterstatus bereik. Hy het voorheen deeltyds musieklesse aangebied en voltyds geboer, maar omdat hy 'n gesoute musiekvervaardiger is, het hy altyd op die een of ander manier sy pad terug na die musiekverhoog gevind.

RSG plaas die kollig op die werk wat welsynsorganisasies en sorgsentrums doen en hulle behoeftes. (Johannesburg Wildlife Veterinary Hospital)

Chris Vorster vertel tien dinge wat jy moet weet van swaksiende en blinde mense.

Deel 2: Ruan en Franja het langs die verhoog grootgeword, en die binnewerke van ‘n ateljee al kleintyd leer ken. Tog sê hulle hulle is eintlik plaasjapies want hulle eerste lewensjare was op Gobabis in Namibië, en vandag boer hulle wanneer hulle nie optree nie. Franja en Ruan volg in ma Juanita du Plessis se suksesspore. Met soveel Du Plessis’s in die musiekwêreld het Ruan op die verhoognaam Ruan Josh besluit. Met of sonder die Du Plessis-van is vergelykings met hulle beroemde ma onvermydelik. Musiek is in hulle gene, en Juanita is die suksesvolste sangeres in Afrikaans. Hulle pa, Doepie, is al langer as 20 jaar haar, en hulle, se bestuurder. Tydens Henco se kuier by hulle, vertel Franja en Ruan wat hulle by hulle ouers oor finansies in die musiekbedryf, en ook buite die bedryf geleer het.

RSG plaas die kollig op die werk wat welsynsorganisasies en sorgsentrums doen en hulle behoeftes. (Community Builders Training Association)