Spitstyd

Spitstyd

By RSGSociety & Culture
Download on the App Store

Spitstyd episodes

  • Kuns met kontant 7 Februarie 2024

    Deel 1: Ruan en Franja het langs die verhoog grootgeword, en die binnewerke van ‘n ateljee al kleintyd leer ken. Tog sê hulle hulle is eintlik plaasjapies want hulle eerste lewensjare was op Gobabis in Namibië, en vandag boer hulle wanneer hulle nie optree nie. Franja en Ruan volg in ma Juanita du Plessis se suksesspore. Met soveel Du Plessis’s in die musiekwêreld het Ruan op die verhoognaam Ruan Josh besluit. Met of sonder die Du Plessis-van is vergelykings met hulle beroemde ma onvermydelik. Musiek is in hulle gene, en Juanita is die suksesvolste sangeres in Afrikaans. Hulle pa, Doepie, is al langer as 20 jaar haar, en hulle, se bestuurder. Tydens Henco se kuier by hulle, vertel Franja en Ruan wat hulle by hulle ouers oor finansies in die musiekbedryf, en ook buite die bedryf geleer het.

    12 min
  • Kuns met kontant 31 Januarie 2024
    In hierdie onderhoud stel Bobby van Jaarsveld sy ateljee se deure aan RSG-luisteraars oop om by hom te sit terwyl hy sy splinternuwe liedjie, wat eersdaags vrygestel word, opneem. Tussendeur die opname vertel hy vir Henco Kruger hoe sy gesin se lewe verander het sedert hulle vyf jaar gelede Ballito hulle tuiste gemaak het. Hy deel die finansiële redes agter hierdie besluit, en vertel van die finansiële impak wat sy stembande en vele operasies daaraan op sy loopbaan die afgelope vier jaar gehad het. Hy spreek ook sy dankbaarheid uit teenoor die finansiële adviseur wat hom aan die begin van sy loopbaan aangeraai het om versekering vir sy stembande uit te neem. Bobby sing nie net nie, hy is 'n kranige entrepreneur met talle besighede op die kantlyn.
    9 min
  • Kuns met kontant 24 Januarie 2024
    Hy is baie geliefd onder RSG se luisteraars, en ‘n bekende stem in RSG se radiodramas. Aanbieder en regisseur Denver Vraagom en sy vrou. Ingrid Paulus, het onlangs Gauteng vir die Kaap verruil nadat hulle as egpaar in die akteursbedryf ‘n dubbele terugslag beleef het met 7de Laan wat ná 23 jaar tot ‘n einde gekom het. Ingrid het die rol van Vanessa, en Denver die rol van Sheldon, vertolk. In hierdie openhartige gesprek deel Denver intieme stories oor watter finansiële uitdagings die akteursbedryf vir ‘n huishouding stel, maar ook watter finansiële uitdagings daar binne die huis is wanneer die drankduiwel aan die huis se voordeur klop. Luister na hierdie inspirende storie oor hoe Denver Vraagom uitdagings in sy lewe, soos arm grootword, drankmisbruik en ‘n dogter met outisme, hanteer het.
    17 min

About Spitstyd

From the publisher's feed

'n Huistoeryprogram met nuus, verkeersverslae, markverslae, sport, groensake, tegnologie en die lekkerste musiek, wat jou in 'n japtrap by die huis kry!