Spitstyd

RSG plaas die kollig op die werk wat welsynsorganisasies en sorgsentrums doen en hulle behoeftes. (Heart for Children)

Sy verstaan politiek en sy verstaan ook mense wat nie politiek verstaan nie. Sy is ook ‘n tv-aanbieder, radiopersoonlikheid, skrywer en filmregisseur. Sy het ‘n pragtige stem wat jy binne oomblikke van televisie herken maar Henco met 'n c onthou haar goed as destydse aanbieder van RSG Kuns en ‘n nutsmanrubriek met die titel Vloerplan in 2006/2007 hier op RSG. Kort daarna het mense haar op Kyknet as die aanbieder van Oulap se rooi leer ken. Haar naam is eintlik Karen-Christine Meiring maar almal noem haar Kabous. Uit die aard van haar werk hou sy voltyds haar vinger op die pols wanneer dit by sosiale-en kultuurkwessies kom. In hierdie aflewering van Kuns met kontant vertel Kabous Meiring dat sy ook haar vinger op die pols hou wanneer dit by kultuur-en kontantkwessies kom.

RSG plaas die kollig op die werk wat welsynsorganisasies en sorgsentrums doen en hulle behoeftes

Tot twee maande gelede het hy nog nooit oor 'n mikrofoon gesing nie. Verlede week is hy as wenner van Die Kontrak Seisoen 3 gekroon. Met sy plakkies en sy mooi stem het Chris Steyn week-na-week talle harte verower op Die Kontrak om uiteindelik te wen. Kuns Met Kontant vereenselwig die vermaaklikheidswêreld met die werêld van finansies.  Keer op keer is die tema van kontrakwerk 'n groot besprekingspunt tussen Henco en sy gaste. Wie beter om daaroor te gesels as die man wat Die Kontrak gewen het? 

RSG plaas die kollig op die werk wat welsynsorganisasies en sorgsentrums doen en hulle behoeftes. (TLU SA)

Die Vrydag voor die Springbokke vir Nieu-Seeland gepak het in die Wêreldbeker-eindstryd van 2023, het die voormalige Bok-skrumskakel, Werner Swanepoel in die ateljee 'n draai kom maak. Hy het sy ervaring van die 1999-toernooi waarvan hy deel was, met ons gedeel. Hy praat ok oor sy lewe na rugby.

Op Vrydag 24 Junie 2022 het die Springbok-legende, wyle Hannes Strydom in die ateljee kom kuier. Op die dag, 27 jaar vantevore het Francois Pienaar se Bokspan vir die eerste keer en met hul eerste probeerslag, die Webb Ellis-trofee verower. Hannes deel sy herinneringe van die dag en praat ook oor die wending wat sy lewe sederdien geneem het.

"Laat die meetsnoere vir jou in lieflike plekke val, blaas hoog die vlam, wees goed vir jou naaste (ook vir die diere en die aarde). Ons val aan met eerste lig! Die wapens is handtertjies!" Met hierdie bekende woorde, groet Nic de Jager luisteraars elke Sondagmiddag op RSG tydens Nic se Goed. Dié program het al 'n anker in baie van ons se week geword wanneer Nic met geestige ingeligtheid sy gedagtes oor die week se gebeure begin deel so asof 'n mens terloops met hom gesels. Hy is ook lief daarvoor om luisteraars tydens sy program gerus te stel met sy woorde dat "alles eindelik oukei sal wees". Hy deel in hierdie openhartige gesprek met Henco waarom hy vandag op 83-jarige ouderdom finansieël oukei is.

RSG plaas die kollig op die werk wat welsynsorganisasies en sorgsentrums doen en hulle behoeftes. (Breathtaking Fondsinsameling)