Spitstyd

Willem Pelser gesels met Carel de Jager, groepsleier vir Blokketting-Tegnologie by die WNNR.

Die country-en gospelsanger Chris Else is een van nege kinders. Hy het in 'n musikale huis wat lief vir country-musiek is groot geword en altyd geweet dat hy sang sy loopbaan gaan maak. Henco met 'n c is ook aangenaam verras om te hoor hoeveel aansien Chris in Paraguay geniet en hoe hy bepaal wat hy kwoteer vir sy optredes in Paraguay en Brasilië. Kom luister saam hoe geloof, country en geld met mekaar versoen word tydens hierdie kuier by Chris se huis.

RSG plaas die kollig op die werk wat welsynsorganisasies en sorgsentrums doen en hulle behoeftes. (New Beginnings BFN)

10 Dinge wat jy moet weet oor burgerlugvaart uit die oogpunt van 'n Emirates lugwaardin, Yolandi Nel. 

Die veteraan-rolprentvervaardiger André Scholtz vier vyf dekades in die plaaslike rolprentbedryf en sy naam is aan talle droomrolprente van Katinka Heyns, Dalene Matthee en Leon Schuster gekoppel. Ons almal gaan fliek maar André sou nooit kon droom dat dit sy lewe sou word nie. Die rolprentbedryf is gevul met onsekerheid maar die behoefte om ‘n goeie rolprent te vervaardig bly staan en hy sien homself as ‘n saaiboer met sy rolprente - jy weet nooit of dit wat jy geplant het, ‘n oes gaan oplewer nie. Hy deel in hierdie gesrpek hoe hy sy loopbaan finansieël volhoubaar kon volg en hoe mens tv-reekse en rolprente bekostigbaar vervaardig. 

RSG plaas die kollig op die werk wat welsynsorganisasies en sorgsentrums doen en hulle behoeftes. (Hand a Smile)

RSG plaas die kollig op die werk wat welsynsorganisasies en sorgsentrums doen en hulle behoeftes. (Dynamic Women for Children)

RSG plaas die kollig op die werk wat welsynsorganisasies en sorgsentrums doen en hulle behoeftes. (Emunah Foundation)

Hy speel elke dag van sy lewe vleuel - nie linker of regtervleuel nie - die vleuelklavier. Hy is 'n Steinway-kunstenaar dus word sy naam in dieselfde asem as pianiste soos Sergei Rachmaninoff genoem. Hierdie oud-Bloemfonteiner is seker die bedrywigste pianis in die land en is meer as 20 jaar Nataniël se eksklusiewe begeleier wanneer hy nie self tuis en in die buiteland met sy Charl du Plessis-trio toer nie. As wêreldbekende pianis wat jaarliks in konsertsale soos die Royal Albert Hall in Londen, die Berliner Philharmonie in Duitsland, die Shangai Oriental Arts Centre in China en die Elbphilharmonie in Hamburg speel is daar drie vrae wat Dr Charl du Plessis sy voornemende kliënte vra wanneer hy hulle kwoteer vir sy dienste. Kom vind uit wat daardie drie vrae is. Vroeër in sy lewe het hy hard gewerk uit vrees vir armoede maar vandag werk hy hard vir die liefde wat hy vir sy kunsvorm het. In die aanloop tot Kersfees delf Charl in sy Kersmusiekskat en sluit hierdie spesiale Kersepisode van Kuns met Kontant met klavierspel af.