Fyrr í tíðini varð alt av seyðinum gagnnýtt. Men nú á døgum tveita nógv fólk kring landið t.d. seyðalunguni burtur um heystið.

 

Í hesari sendingini gera vit ikki minni enn tveir rættir burtur úr seyðalungum. Lena Joensen á Húsum ger ein rætt til nátturða og Gretha Lassen í Vági ger ein døgurðarætt.

 

Harafturat greiðir Gertrud Joensen, bóndakona á Trøllanesi, frá, hvussu hon tekur slaktið upp og hvat hon gevur fjallmonnunum at eta.

Anne Marie Norby og Birgir Enni matgera umborð á træseglskipinum Norðlýsinum. Tey hava sjálvi júst verið á Kalsbaksfirði og kavað eftir rávøruni, ið brúkt verður til rættirnar í hesari Vælgagnist-sending.

 

Flestu fólkini, ið eru við til hetta borðhaldið umborð á Norðlýsinum, hava ongantíð áður smakkað øðu, hummara og krækling, sum eru forrættirnir, og tey flestu hava heldur ikki áður smakkað høvuðsrættin, ið er innbakaður laksur.

Óli Poulsen og Jákup Marnar Anthoniussen eru høvuðsmenninir. Plátan var eitt nýbrot bæði tøkniliga og í stíli. Ljóðið hevur altjóða dám.

Óli Poulsen skrivaði flest øll løgini og hevði flestu ljóðførini um hendi. Jákup Marnar Anthoniussen var høvuðssangari á útgávuni.

Plátan var tikin upp í Bløndal-upptøkuhølunum í Keypmannahavn á sumri í 1987. Tosað varð við høvuðsmenninar og aðrar, ið meta um plátuna.

Sendingin varð fyrstu ferð send í 2006. Suni Merkistein skipaði fyri og Pauli Magnussen tók upp og setti saman.

Jógvan Tróndarsson í Hoyvík hevur tikið havhestaungar og í sendingini fyllir og steikir hann teir. Og grannin Kristian Johansen bakar drýlin, sum verður etin aftur við. Í sendingini greiða teir báðir frá

 

Jógvan Tróndarsson fyllir havhestaungarnar við súreplum og sviskum, kryddrar væl og steikir teir síðani í smáar tveir tímar við 180 stigum, fyrst ein tíma á búkinum og síðani ein lítlan tíma á rygginum. Til vaksin fólk hevur hann tveir havhestaungar.

Tinganest er originalt og sermerkt. Eingin líkist teimum. Teir hava sín heilt eyðkenda ljóma. Teir íbirtu ein serligan vágasound, siga summi.

Teir eru ikki úrmælingar at syngja ella spæla, men eru kortini ógvuliga tilvitaðir um sín serstaka stíl. Hugfloygdu tekstirnir vekja eisini ans.

Fleiri av fólkakæru sangunum hjá bólkinum eru á tí fyrstu útgávuni, ið er til umrøðu í sendingini, eitt nú "Upp á tá", "Vágagellan" og "Minnist tú".

Niclas Johannesen skrivaði allan tónleikin til henda fyrsta føroyska pallsangleikin, sum studentaskúlanæmingar framførdu á vári í 1997.

Fløgan við øllum tónleikinum kom sama ár. Í stíli er tónleikurin fjølbroyttur. Tey 19 løgini fevna um rokk, stillar balladur, kórsang, vals, gospel og rapp.

Tónaskaldið greiðir frá sangunum, og aðrir meta um verkið. Suni Merkistein og Pauli Magnussen leggja til rættis.

Hendan Vælgagnist-sendingin varð fyrstu ferð at hoyra í Útvarpinum 9. mars í 1993.

Mona Olsen í Klaksvík, vanliga nevnd Mona á Spinnarínum, ger roknaknettir við rosinum. Mona ger knettini úr feskum rognum, ið hava verið fryst. Hon kókar knettini í ein hálvan tíma.

Jórun Mørkøre arbeiðir á deildini á Heilsufrøðiligu Starvsstovu, ið hevur eftirlitið við at virki, handlar og eitt nú køkar, ið gera mat til sølu, lúka reinføriskrøvini. Í sendingini gevur Jórun okkum góð ráð, tá vit gera mat, tá vit matgera heima í køkinum.

Hendan Vælgagnist-sendingin var fyrstu feerð at hoyra í Útvarpinum 25. januar í 1994.

Finnbogi Joensen í Vestmanna er íðin grindamaður og dámar væl at hagreiða grind. Í hesari sendingini steikir hann grindabúff.

Og Hjørdis Jespersen í Havn ger álenska pannukøku, sum er heilt øðrvísi enn tann føroyska pannukøkan.

Vælgagnist er ein útvarpsrøð, sum Tórður Mikkelsen legði til rættis fyrrapartin í nítiárunum.

Her er ein portrettsending, útvarpið gjørdi, tá hann fylti 60 ár.

Hendan Vælgagnist-sendingin var fyrstu ferð at hoyra í Útvarpinum 30. mars í 1992. Øll, sum smakkaðu knettini hjá Lenu Johansen úti á Reyni í Havn, vóru á einum máli um, at tey vóru serliga leskilig. Hon hevur funnið fram til sína egnu uppskrivt. Og maðurin John S. Johansen skrædlar seiðin á sín egna hátt.

At enda í sendingini lesir Katrin Linklett í Klaksvík um borðskikkir úr bókini "Ymiskt um seyð og av seyði" eftir Robert Joensen.

Vælgagnist er ein útvarpsrøð, sum Tórður Mikkelsen legði til rættis fyrrapartin í nítiárunum.