स्टोरीटेल कट्टा (Storytel Katta) - A Marathi audiobook podcast forum

साहित्य संमेलनांमुळे खरंच भाषेला, साहित्याला चालना मिळते का, की हा निव्वळ उत्सव असतो यावर आपली रोखठोक मते मांडली आहेत ज्येष्ठ संपादक यमाजी मालकर आणि प्रसाद मिरासदार यांनी संतोष देशपांडे यांसमवेत थेट वर्धा साहित्य संमेलनातून रंगलेल्या लाइव्ह पॉडकास्टमधून.

वर्धा येथे आयोजित अखिल भारतीय मराठी साहित्य संमेलन रसिकांचे लक्ष वेधून घेते आहे. या संमेलनाकडे स्टोरीटेल कसे पाहते, स्टोरीटेलने काय ऑफर आणली आहे, याविषयी योगेश दशरथ, प्रसाद मिरासदार यांच्याशी संतोष देशपांडे यांनी साधलेला संवाद, थेट संमेलनस्थळावरुन.

उत्तम संवादक असणं ही एक कलाच. ही कला कशी उमलते, फुलते आणि तुमच्यातील वेगळपण जोपासते, याची उलगड केली आहे, ज्येष्ठ पत्रकार, संवादक राजेंद्र हुंजे यांनी संतोष देशपांडे यांसमवेत रंगलेल्या गप्पांमधून.

महाराष्ट्र ही संतांच्या विचारांनी समृद्ध झालेली भूमी आहे. येथील साहित्य, संस्कृती आणि व्यवहाराची पाळेमुळे संतविचारांतूनच रुजलेली आहेत. मात्र, माध्यमांमध्ये त्याचे पुरसे प्रतिनिधित्व होते आहे का, त्यात नवे प्रयोग कोणते पाहावयास मिळतात, नव्या पिढीला संतांचे विचार म्हणजे नेमके काय, हे कसे समजावून सांगता येईल...या व अशा अनेक बाबींची सहज उलगड होते ती, विविध माध्यमांमध्ये मुशाफिरी करणारे संतसाहित्याचे अभ्यासक, संपादक डॉ. श्रीरंग गायकवाड यांच्याशी संतोष देशपांडे यांच्यासमवेत रंगलेल्या या गप्पांमधून. जरुर ऐका आणि इतरांपर्यंतही जरुर पोहोचवावा, असा स्टोरीटेल कट्ट्य़ावरील हा विशेष पॉडकास्ट.

स्टोरीटेलचे सभासद होण्यासाठी पुढील लिंकवर क्लिक करा आणि ऐका, हजारो गोष्टी...तुमच्या सोयीने, कधीही, कुठेही!

https://www.storytel.com/in/en/subscriptions#pricePlans

इतिहास हा आपला अत्यंत जिव्हाळ्याचा विषय. मात्र इतिहासाची मांडणी, त्यात होत राहणारे बदल, त्या अनुषंगाने समाजमनावर पडणारे निरनिराळे पडसाद या साऱ्यांकडे इतिहासाचे अभ्यासक, पॉडकास्टर कसे पाहतात, हे जाणून घेणे औत्सुक्याचे ठरते. भारतनामा या पॉडकास्टचे सादरकर्ते योगेश काळे हे यासर्व बाबींकडे कसे पाहतात याची उलगड करणारा हा स्टोरीटेल कट्ट्यावरील खास पॉडकास्ट आपल्या विचारांना नक्कीच नवी दिशा देऊन जातो.

श्रोतेहो, आपला लाडका स्टोरीटेल कट्टा हा मराठीतील आघाडीचा पॉडकास्ट म्हणून गणला जातो. त्याचा हा २५० वा भाग. यानिमित्ताने, स्टोरीटेल कट्टा कसा सुरु झाला, कसा बहरला आणि तुमच्या मनाचा ठाव घेत गेला, याबद्दल संतोष देशपांडे व प्रसाद मिरासदार यांच्यात रंगलेला संवाद.

जुन्या गाण्यांचं गारुड आपणा सर्वांवर कायमच राहिलेलं आहे. तरीही या गाण्यांमध्ये असं काय असतं, जे आपणास खरोखर आनंद मिळवून देतं याची सुरेल उलगड करणारा ३१ डिसेंबर स्पेशल पॉडकास्ट. संगीतजगतात कलाकार, अध्यापन आणि लेखन अशा विविध माध्यमांतून रसिकांशी संवाद साधणाऱ्या प्रा.डॉ. मृदुला दाढे-जोशी यांच्याशी संतोष देशपांडे यांनी साधलेला संवाद जेव्हा एक मैफल होऊन जातो...तेव्हा त्याचा आस्वाद घ्यायलाच हवा...नाही का?

सदाबहार गीतांमध्ये दडलेल्या माधुर्याचा, आणि त्यातील संगीतकारांच्या कामगिरीचा आढावाच नव्हे तर आस्वाद घेणारे स्टोरीटेल वरील `रहे.. ना रहे हम` हे पुस्तक ऐकण्यासाठी पुढील लिंकवर क्लिक करा- https://www.storytel.com/in/en/books/rahe-na-rahe-hum-1616121

स्टोरीटेलचे सभासद होण्यासाठी पुढील लिंकवर क्लिक करा- https://www.storytel.com/in/en/subscriptions#pricePlans

मुलांना गोष्टी आवडतात..मात्र ती आवड पालकांकडून जोपासली जायला हवी. ती कशी, हे स्टोरीटेलचे योगेश दशरथ आणि त्यांची पत्नी सायली यांच्याशी रंगलेल्या गप्पांमधून सहज उलगडते. ख्रिसमसच्या सुट्ट्यांमध्ये मुलांसाठी गोष्टींचा खजिना असणाऱ्या स्टोरीटेलचा कसा उपयोग होऊ शकतो...तुम्हीच ऐका.

स्टोरीटेलचे सभासद होण्यासाठी पुढील लिंकवर क्लिक करा आणि आस्वाद घ्या...हजारो गोष्टींचा.

https://bit.ly/3I0OCk7

स्टोरीटेलवर नुकतेच दाखल झालेले तोरमान आणि दैवी तलवार हे पुस्तक श्रोत्यांना आकर्षित करते आहे. तोरमानची ही कहानी नेमकी काय आहे, इतिहास आणि काल्पनिक लेखनातील सीमारेषा काय असते, तोरमानचे कथाबीज कसे रुजले या व अशा अनेक गोष्टींची उलगड या कथेचे लेखक संजय सोनवणी यांच्याशी संतोष देशपांडे यांनी साधलेल्या संवादातून होते.

तोरमान आणि दैवी तलवार ऐकण्यासाठी पुढील लिंकवर क्लिक करा- https://www.storytel.com/in/en/books/torman-ani-daivi-talvar-2115604

स्टोरीटेलचे सभासद होण्यासाठी पुढील लिंकवर क्लिक करा- https://www.storytel.com/in/en/subscriptions#pricePlans