Sign up to save your podcasts
Or
Share स्टोरीटेल कट्टा (Storytel Katta) - A Marathi audiobook podcast forum
Share to email
Share to Facebook
Share to X
Share to email
Share to Facebook
Share to X
Or
स्टोरीटेल कट्टा (Storytel Katta) - A Marathi audiobook podcast forum episodes
- 57: अनुभव, अनुभूतीतून शब्दप्रवास होतो तेव्हा...
औदुंबर या स्टोरीटेलवर गाजलेल्या ओरिजनलचा लेखक प्रणव सखदेवशी रंगलेली गप्पांची ही मैफल.
लेखकाच्या मनातील विचारांचा प्रवास, जगण्यातून भिडणारे अनुभव यातून त्याची अभिव्यक्ती कशी घडते आणि ते सारं त्याच्या साहित्यकृतीतून कसं साकारतं...याचा अगदी साध्या-सोप्या अन् `उर्मिला-स्टाइलनं` घेतलेला हा वेध...जरुर ऐका.आणि हो... हा पॉडकास्ट कसा वाटला, हे आम्हांला नक्की कळवा.‘औदुंबर’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.40 min - 56: ‘सेक्स’चं गुपित... गप्पांच्या कुपीत!
आजचा पॉडकास्ट तसा वेगळाच आहे. एक ‘टॅबू’ मानलेल्या विषयाला वाचा फोडणे आणि त्यातील अनेक शंका-गैरसमज दूर होणे हे समाजस्वास्थ्यासाठी आणि स्वत:च्या दृष्टीनेही महत्त्वाचे असते.
‘सेक्स’ हा देखील त्यातच येतो.धर्म, अर्थ, काम आणि मोक्ष हे मानवजातीच्या जीवनाचे मूलभूत आधार मानले गेले आहेत.त्यातील ‘काम’ विषयावर मात्र आपण गप्प राहतो. पोहणे जसे पाण्यात पडल्यावर येते, असेच काहीसे आपण ‘सेक्स’च्या बाबतीत मानतो.सेक्स या शब्दाला चिकटलेले असंख्य समज-गैरसमज खरवडायचे म्हणले तर त्यावर मनमोकळेपणानं बोलायला हवं.मनातल्या विचारांना व्यक्त होऊ द्यायला हवं.त्यात आपल्या प्रश्नांना एक सेक्सॉलॉजिस्ट उत्तरं देणार असेल तर मग सेक्सवरची ही बिनधास्त चर्चा रंगणार यात शंका नाही.तर आजच्या पॉडकास्टमध्ये उर्मिला घेऊन येत आहे निरंजन मेढेकर आणि डॉ. प्रसन्न गद्रे यांना या ‘टॅबू’ विषयावर बोलण्यासाठी!निमित्त आहे मेढेकर आणि डॉ. गद्रे यांच्या स्टोरीटेलवर ‘सेक्सवर बोल बिनधास्त’ ह्या सिरीजचं!तर मग नक्की ऐका आणि बोलते व्हा, ह्या एका महत्त्वाच्या विषयावर!‘सेक्सवर बोल बिनधास्त’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.33 min - 55: स्टोरीटेल: ऑक्टोबर स्पेशल
स्टोरीटेलवर ‘ऑक्टोबर’मध्ये काय?
हा ऑक्टोवर महिना सण आणि सुट्ट्यांचा!मग नवरात्र, गांधी जयंती, दिवाळी अश्या सुट्ट्यांची आधीच बेगमी करून घ्यायला हवी ना?मग स्टोरीटेलतर्फे ऑक्टोबर महिन्यात भला मोठा ऑडिओबुक्सचा खजिना येत आहे रसिकांच्या भेटीला.त्यात ‘स्टोरीटेल ओरिजिनल’ची ‘फर्जंद’ ही नवीकोरी भेट येत आहे. दिग्पाल लांजेकर यांनी लिहिलेली आणि अजय पूरकर यांच्या आवाजात.त्याबरोबरच समाजातील ‘खरेखुरे आयडॉल्स’सुद्धा भेटीला येत आहे, ज्यात समाजात राहून समाजाचे देणे फेडणारे आणि स्वत:च्या अथक परिश्रम आणि मेहनतीने समाजाला घडवणारे आयडॉल्स आहेत. उदा. मंदा आणि प्रकाश आमटे, डॉ. तात्याराव लहाने, रुपा कुलकर्णी, गिरीश प्रभुणे किंवा नरेंद्र दाभोळकर असे.याचबरोबर हिंदी आणि इंग्रजी साहित्यातीलही नवीकोरी ऑडिओबुक्स स्टोरीटेलच्या ताफ्यात दाखल होत आहेत. तर ही यादी काय आहे? हे जाणून घ्या.त्यासाठी उर्मिला बोलते करत आहे प्रसाद मिरासदार आणि सुकीर्त गुमास्ते ह्या स्टोरीटेलच्या खंद्या पब्लिशर्सना!तर ऐकायला विसरू नका...आणि हा पॉडकास्ट कसा वाटला, हे आम्हांला नक्की कळवा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.42 min - 54: इतकी नाजुक...इतकी अल्लद... - संदीप खरे जेव्हा कवितांवर व्यक्त होतो...
बरेचदा असं होतं...लोकांना डायरेक्ट कवितेशी बोलता येत नाही, म्हणून लोक कवीशी बोलतात!
वारसा कवितेचा... वारसा असं जेव्हा आपण म्हणतो ना, याच्यामागे किती एक पूर्वासूरींची परंपरा आहे., जी आजकाल आपल्याला सहजासहजी वाचायला मिळत नाही. किंवा आवर्जून वाचली जात नाही.ऑडिओबुकच्या माध्यमातून त्या कवितेविषयी बोलता पण येते. कारण अनेकदा असं होतं की भाषा पुढे जाते. भाषेतले अनेक शब्द हे नामशेष होत जातात. आणि मग जुन्या कविता वाचताना त्या कवितेचा पिंड, त्या कवितेची भाषा किंवा त्या काळचे संदर्भ , त्यातले वृत्त, छंद ह्या बद्दल समजणे हे आजकाल खूप दुर्मिळ झाले आहे.ह्याच परंपरेचा जागर हाती घेऊन संदीप खरे आले आहेत ‘संदीप खरे सिलेक्ट्स: वारसा कवितेचा’ ह्या रूपाने स्टोरीटेलवर!उर्मिला निंबाळकर बोलते करत आहे संदीप खरे आणि प्रसाद मिरासदारांना ह्या पूर्ण प्रवासाबद्दल.तर याबद्दल संदीप खरे यांनी मारलेल्या गप्पा, किस्से आणि बरंच काही आठवणींच्या पोतडीत साठवून ठेवण्यासारख्या चिजा ह्या पॉडकास्टमध्ये आहेत.ऐकायला विसरू नका...आणि हा पॉडकास्ट कसा वाटला, हे आम्हांला नक्की कळवा.संदीप खरे सिलेक्ट्स- वारसा कवितेचा ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.1 hr 12 min - 53: युगंधर- झलक
युगंधर
मलाही आज बोललंच पाहिजे!! असं चमकू नका! असं दचकू नका! 'शिष्टाई' करणारा, पट्टीचा संभाषणचतुर म्हणून तुम्ही मला चांगलंच जाणता. त्यासाठी सावध होऊ नका. साशंक तर मुळीच राहू नका. मी कसलीही 'शिष्टाई' आज करणार नाही. कसलंही चतुर समर्थन मी मुळीच देणार नाही. मग मी बोलणार आहे तरी का? कसं आणि कशासाठी ?माझी ‘गीता' युगानुयुगं तुम्ही ऐकलीत. वर्षानुवर्ष माझी 'उद्धवगीता' अभ्यासलीत. माझ्या जीवनाची म्हणून एक 'कृष्णगीता' आहे. ती मला कुणालातरी सांगायची आहे. कुणालातरी का - सर्वांनाच कधीतरी सांगायचीय हे मात्र कुणीच ध्यानी घेतलेलं नाही.श्रीकृष्ण हा ‘भारतीय’ म्हणून असलेल्या जीवनप्रणालीचा पहिला उद्गार आहे.!त्याच्या चक्रवर्ती जीवन चरित्रात भारताला नित्यनूतन व उन्मेषशाली बनविण्याचा ऐवज ठासून भरला आहे.श्रीकृष्णाच्या जीवन सरोवरातील दाटलेलं शेवाळं तर्कशुद्ध सावधपणे अलगद दूर सारल्यास त्याचं ‘युगंधरी’ दर्शन शक्य आहे, हे ‘मृत्युंजय’कारांनी जाणलं.आणि त्यांच्या प्रदीर्घ चिंतनातून,सावध संदर्भशोधनातून,डोळस पर्यटनांतून व जाणत्यांशी केलेल्या संभाषणातून साकारली ही साहित्यकृती-‘युगंधर’!!स्टोरीटेलतर्फे आलेल्या एका अक्षर-यागाची... ‘युगंधर’ची झलक!‘युगंधर’ ऐकण्यासाठी येथे क्लिक करा.ही झलक कशी आहे, हे आम्हांला आवर्जून कळवा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.11 min - 52: तुमच्या आयुष्यात आलेली पहिली गोष्ट कुठली?
आज आपल्यासोबत आहेत अभिजित पेंढारकर, हृषिकेश निकम आणि सुनिला गोंधळेकर. होस्ट आहे अर्थातच उर्मिला निंबाळकर!
आणि निमित्त...?निमित्त आहे ‘बेडटाईम स्टोरीज’चे!लहान असणं आणि गोष्ट हे एक न तुटणारं नातं असतं. लहान मुलांना गोष्टी सांगायला सगळ्यांना आवडते. किंबहुना ते ऐकणे जास्त जवळचे. त्याच निमित्ताने ही तीन व्यक्तिमत्त्वं स्टोरीटेलच्या ‘बेडटाईम स्टोरीज’ रचायला जमले.तीन मोठी माणसं जेव्हा मुलांच्या दृष्टीकोणातून विचार करतात, त्यांच्याच वयाचे होऊन ह्या कथा रचतात आणि ते देखील ह्या नवीन डिजिटल युगातील मुलांच्या मानसिकतेचा विचार करून. ह्या स्टोरीज कश्या सुचल्या? त्यामागच्या काही आठवणी, काही किस्से, त्यांच्या ह्या सर्व उद्योगांचे, आणि त्यासाठी घेतलेल्या मेहनतीचे किस्से बाकी देखील धमाल आहे या पॉडकास्टमध्ये.तर नक्की ऐका आणि हा पॉडकास्ट कसा वाटला, हे आम्हांला नक्की कळवा.बेडटाईम स्टोरीज- खेळ नगरी ऐकण्यासाठी येथे क्लिक करा.बेडटाईम स्टोरीज- शिवगड ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.45 min - 51: मिशन ‘मंगळ’
जर तुम्हाला ‘मंगळा’वर राहायला जायला मिळालं तर?
जर तुम्हाला ‘मंगळा’वर राहायला जायला मिळालं तर?`मंगळावरही पृथ्वीसारखे गॅंग्ज वॉर्स असले तर?'अरे, आपण आत्ताची नाही, २०८० सालची गोष्ट करत आहोत.योगेश शेजवलकर यांनी लिहिलेल्या आणि क्षितीश दाते यांच्या आवाजात ‘वाढीव ऑनसाईट... मार्स टाईट’ या थरारक विज्ञान-काल्पनिकेवर गप्पा मारत आहेत उर्मिला निंबाळकर, योगेश शेजवलकर आणि क्षितीश दाते!जमदग्नी कोण? ‘फावडा अण्णा’ कोण? ‘प्लास्टर भाय’ हा तिथे काय करत आहे? आणि मुख्य म्हणजे ही सगळी मंडळी मंगळावर काय धुमाकूळ घालत आहेत?ह्या सर्व प्रश्नांची उत्तरे आणि अजूनही बर्‍याच गंमती-जमती आहेत आजच्या ह्या स्पेशल पॉडकास्टमध्ये.तर ऐकायला विसरू नका हा पॉडकास्ट!ऐका ‘स्टोरीटेल ओरिजिनल’ची खास प्रस्तुती...वाढीव ऑनसाईट...मार्स टाईट: योगेश शेजवलकरसह: क्षितीश दातेहा पॉडकास्ट कसा वाटला, हे आम्हांला नक्की कळवा.
‘वाढीव ऑनसाईट...मार्स टाईट’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.42 min - 50: स्टोरीटेल कट्टा... नाबाद ५0
स्टोरीटेल कट्टा... नाबाद ५0
बघता बघता स्टोरीटेल कट्ट्याने ५० वा पॉडकास्ट पूर्ण केला देखील!मराठी वाचनसंस्कृती कूस बदलत आहे. ती आता तंत्रज्ञानाच्या मदतीने श्राव्य माध्यमातून आपलं साहित्य वैभव फुलवित आहे. त्याचाच वेध घेण्याच्या दृष्टीने स्टोरीटेल कट्टा सुरू झाला.एका गिर्यारोहकाला प्रश्न विचारला होता, ‘तुम्ही डोंगर का चढता?’त्याने शांतपणे उत्तर दिले, ‘कारण ते त्याच साठीच असतात.’हाच प्रश्न आणि उत्तर जरासे बदलून ‘तुम्ही पुस्तकं का वाचता?’ असा देखील होऊ शकतो.पण आजच्या धकाधकीच्या आयुष्यात प्रत्येकालाच असे निवांत पुस्तक घेऊन वाचणे शक्य नसते. मग त्यावरचा एक अनोखा उपाय म्हणजे ‘ऑडिओबुक्स!’.ऑडिओबुक्स ही प्रवासाच्या धांदलीत काही क्षण काढून निवांत ऐकता येतात. शिवाय ती मोबाईल अ‍ॅपमध्ये उपलब्ध असल्याने ती सोबत बाळगणे देखील सोपे असते.त्याच दृष्टीने काय ऐकावं? काय चांगले आहे आणि काय ऐकायला आवडते? ह्या प्रश्नांमध्येच ‘स्टोरीटेल कट्ट्या’च्या जन्माची मूळं आहेत.स्टोरीटेल कट्ट्याच्या पॉडकास्टस्‌ची स्वत:ची वेगळी वैशिष्ट्यं आहेत. केवळ ऑडिओबुक्सच नव्हे तर वाचनसंस्कृती, त्याच्याशी जोडली गेलेली माणसं, त्यांची मनं ही इथल्या रंगलेल्या पॉडकास्टस्‌मधून आपल्या भेटीला येतात.आजचा हा ५० वा पॉडकास्ट सादर करताना आम्हाला विशेष आनंद होत आहे. आजवरच्या या प्रवासात आम्हाला लाभलेले सर्व मान्यवर पाहुणे, श्रोते, रसिक, वाचक तसेच हा ‘स्टोरीटेल कट्टा’ रंगविण्यासाठी महत्त्वाची भूमिका बजावणारे आमचे सूत्रसंचालक, निवेदक, आमचे तंत्रज्ञ, सहकारी अशा सर्वांचे मनापासून आभार!आजचा हा ५०वा पॉडकास्ट जरासा वेगळा आहे. स्टोरीटेल वर आलेली छान अशी पुस्तके, येणारी पुस्तके यावर खुद्द स्टोरीटेल इंडियाचे मॅनेजर योगेश दशरथ आणि पब्लिशर सई तांबे यांच्या गप्पा ऐकणार आहोत.आपला लोभ असाच आमच्यावर कायम असावा ही विनंती.आपल्या भेटीला असेच वाचन आणि जीवन समृद्ध करणारे मान्यवर आणि ऑडिओबुक्स आम्ही आणू.धन्यवादहा पॉडकास्ट कसा वाटला, हे आम्हांला नक्की कळवा.‘युगंधर’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.15 min - 49: इज इट अ पॅटर्न? आर वी द किलर्स?
सिरीअल किलर्स म्हणजे काय?
त्यांना ओळखायची काही खूण असते का?की काही कॉमन पॅटर्न असतात?जसे काही किलर्स पावसात जाऊन खून करायचे, काही वाढदिवसाच्या पार्टीनंतर खून करायचे तर काही अल्फाबेट किलर होते; जे अक्षरांवरून खून करायचे. एवढंच काय तर काही खुनी राशींनुसार (झोडिअ‍ॅक) देखील खून करायचे.आणि मग...?असाच एखादा खुनी एखाद्या कहाणीत आला तर?जाणून घ्या ह्या खुसखुशीत गप्पा आणि अजूनही बरेच काही...‘निसर्गदत्त खुन्याची लक्षणे’ लिहिणार्‍या संवेद गळेगावकर आणि उर्मिला निंबाळकर यांच्या पॉडकास्टमध्ये.हा पॉडकास्ट कसा वाटला, हे आम्हांला नक्की कळवा.‘निसर्गदत्त खुन्याची लक्षणे’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.41 min - 48: मैंने पुछा, तुम्हे कित्तेमे खरीदा?
बरोबर अडोतीस वर्षांपूर्वी म्हणजे ७ ऑगस्ट १९८१ ‘कमला’चा पहिला प्रयोग झाला. आता अडोतीस वर्षांनंतर स्टोरीटेलने विजय तेंडुलकरांचे ‘कमला’ पुन्हा श्राव्य माध्यमात आणले.
एका बातमीने रुजलेल्या ह्या दोन दिवसाच्या कालावधीच्या कथानकात तेंडुलकरांनी करून दिलेली समाजाच्या भिन्न स्तरांची ओळख, त्या जाणिवेची दाहकता आजही त्याच तीव्रतेने जाणवते.प्रतिक्षा लोणकर, नेहा जोशी, अनुपमा ताकमोगे, अभय जोशी, देवेंद्र दोडके आणि सचिन खेडेकर यांनी ते आपल्या आवाजाच्या जादूने प्रत्यक्षात आणले आणि त्याच्या दिग्दर्शनाचे शिवधनुष्य चंद्रकांत कुलकर्णी यांनी लिलया पेलले.सिनेमा, नाटक, मालिका या माध्यमात आलेल्या ह्या कलाकृतीचे आता फक्त श्राव्य माध्यमात साकार करायचे आव्हान ह्या कलाकारांनी कसे स्विकारले आणि त्या निमित्ताने त्यांना झालेल्या एका उत्तम अविष्काराची ओळख ते सांगत आहेत ह्या पॉडकास्टमध्ये!हा पॉडकास्ट कसा वाटला, हे आम्हांला नक्की कळवा.‘कमला’ ऐकण्यासाठी येथे क्लिक करा.स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक करा.21 min
About स्टोरीटेल कट्टा (Storytel Katta) - A Marathi audiobook podcast forum
From the publisher's feed
A Marathi podcast about Audiobooks and books. Where every once in a while, we will be talking about everything that is Audiobooks. It will feature author interviews, voice artist interviews, book lovers and more. The podcast is powered by Storytel.
स्टोरीटेल कट्टा आहे एक आगळं-वेगळं गप्पांचं ठिकाण. इथं रंगतात गप्पा पुस्तकांविषयी, ऑडिओबुक्स विषयी. इथं उलगडतं लेखक-कलाकारांचं अंतरंग...त्यांचं रसिकांशी असणारं नातं. शिवाय, स्टोरीटेल घेऊन येत असलेल्या अनेक बोलक्या पुस्तकांची थेट ओळखही इथं होईल.