Tap Gunnars Nelson gegn Leon Edwards var afar svekkjandi en í þættinum förum við vel yfir bardagann gegn Edwards. Þá förum við einnig yfir aðra bardaga helgarinnar og önnur mál í MMA heiminum.

Petesy Carroll was the guest for 2nd show here in London. Petesy is an Irish reporter from MMA Fighting and has known about Gunnar since he was a teenager. We talked about Gunnar's rise in Ireland, his career in the UFC so far and his upcoming fight against Leon Edwards.

59. þáttur Tappvarpsins var tekinn upp frá London. Gestur þáttarins að þessu sinni var ljósmyndarinn Snorri Björnsson en hann hefur fylgt Gunnari eftir í síðustu þremur bardögum og er auðvitað staddur í London núna. Snorri fylgist vel með MMA sem leikmaður og ræddum við um bardagavikuna og bardagakvöldið í London.

Birgir Sverrisson, framkvæmdastjóri Lyfjaeftirlit Íslands, mætti í Tappvarpið til að fara aðeins yfir lyfjamál í MMA og hvernig lyfjaeftirlit starfa. Þekkt mál eins og mál Jon Jones voru tekin fyrir þar sem Birgir gaf sína skoðun á málunum.

Í 57. þætti Tappvarpsins skoðuðum við Leon Edwards sem andstæðing en Edwards mætir Gunnari Nelson á UFC bardagakvöldinu í London í mars. Einnig fórum við yfir 9 mánaða bann Khabib Nurmagomedov, lyfjapróf Jon Jones og UFC 234 sem fer fram í febrúar.

Í 56. þætti Tappvarpsins fórum við aðeins yfir hvað gæti verið framundan hjá Gunnari Nelson eftir sigur hans gegn Alex Oliveira í desember. Þá fórum við einnig yfir UFC 232 og svo gerðum við árið 2018 upp.

Nú styttist allverulega í bardaga Gunnars Nelson og Alex 'Cowboy' Oliveira á UFC 231. Af því tilefni fengum við Bjarka 'The Kid' Ómarsson til að mæta og spjalla við okkur Guttorm en Bjarki er sá Íslendingur sem hefur eytt hvað mestum tíma með Gunnari á æfingum fyrir bardagann. Þá ræddum við einnig um Tito Ortiz vs. Chuck Liddell og aðeins um UFC 231 almennt. Vegna tæknilega örðugleika datt út umræðan um bardaga Valentinu Shevchenko og Joanna Jedrzejczyk, biðjumst velvirðingar á því.

Gunnar Nelson mætir Alex Oliveira á UFC 231 í Kanada í desember. Við ræddum aðeins um bardagann og veltivigtina almennt í UFC í dag.

UFC 229 var risa viðburður þar sem Khabib gjörsigraði Conor McGregor. Eftir bardagann urðu fáránleg hópslagsmál og er því af nógu að ræða eftir viðburðinn.

UFC 229 fer fram á laugardaginn þar sem Conor McGregor snýr aftur eftir tveggja ára fjarveru. Conor mætir þá Khabib Nurmagomedov í aðalbardaga kvöldsins í stærsta bardaga ársins. Í þættinum töluðum við um allt sem viðkemur bardaganum og svöruðum einnig spurningum hlustenda. Þökkum kærlega fyrir frábærar spurningar!