Tengivagninn

Rachel Britton fluttist til Íslands frá New York fyrir fimm árum síðan og þýðir nú íslensk ljóð yfir á Ensku. Hún segir okkur frá starfi sínu sem þýðandi og áhuga hennar á íslenskri list.

Akademíska hrollvekjan Marginalía kom út á dögunum og ritlistarnemendur við Háskóla Íslands komu í Tengivagninn og sögðu okkur frá útgáfunni.

Melkorka Ólafsdóttir er stödd á Siglufirði og gefur hlustendum smjörþef af stemmningunni á Þjóðlagahátíð sem er haldin þar í 25. sinn.

Tónlist spiluð í þætti:

Djákninn á Myrká - Rósa Ingólfsdóttir

primabalerina - Coals

Umlíðun - hist og

lúpínu bossa nova - lúpína

Lost Song - Sykur

Hvernig er að halda tónleika í Reykjavík? En í Kaupmannahöfn?

Óli Dóri og Snorri Ástrásson hafa starfað sem tónleikaskipuleggjendur lengi. Við ræðum við þá um tónleikahald og annað tónlistartengt. Við kynnumst líka þremur tónlistarkonum sem eru nýsnúnar aftur heim eftir framhaldsnám í klassískri tónlist erlendis, og koma fram á tónleikaröðinni Velkomin heim. Við kíkjum einnig á myndlistarsýninguna Þætti sem Valgerður Sigurðardóttir opnaði í Ásmundarsal síðustu helgi.

Tónlist úr þættinum:

O.N.E. - Ute.

Sólveig Steinþórsdóttir - Sonata no.2 in A minor : II. Malinconia: Poco lento.

Gugusar - Crazy

Brokeboi - Juno Paul

Ruby Francis - Lanzarote

EoO - Bad Bunny

Red Bottom Sky - Yung Lean

Time - Sturla Atlas

Að elska og þrá - K.óla

Í þessum fyrsta þætti Tengivagnsins verðum við á bókmenntalegum nótum. Við förum meðal annars í bókarölt um miðborg Reykjavíkur í leit að sumarbókum, heimsækjum kvæðabarnafélag Laufásborgar og ræðum við listakvárið og skáldið Sindra „Sparkle“ Frey.

Tónlist úr þættinum

Amor Vincit Omnia - Rvk Amour.

Ríma - Kvæðamannafélagið í Fjallabyggð - Árin líða.

Olivia Dean - Nice To Each Other.

Fontaines D.C. - Before you I Just Forget

Lola Young - One Thing

Sylvan Esso - Echo Party

Í þætti dagsins ætlum við að kveðja sumarið, leggjast í umfangsmikla en kaotíska draumarannsókn og svo förum við á hundavaði yfir nokkur tónlistarstef sem koma fyrir í efniskránni á tónleikunum Klassíkin okkar, sjónvarpstónleikum Sinfóníuhljómsveitar Íslands og RÚV sem fara fram á föstudagskvöld kl. 8 í beinni útsendingu á RÚV. Bjarni Frímann Bjarnason hljómsveitarstjóri á tónleikunum kemur í heimsókn, sest við lítt stilltan flygil hér í Efstaleiti og spjallar við okkur um nokkur tónlistaratriðin á tónleikunum.

Bókin Gyðingar á faraldsfæti eftir Joseph Roth kom út hér á landi á dögunum. En sú bók kom upphaflega út fyrir rétt tæplega hundrað árum. Þar bregður höfundur upp mynd af hlutskipti gyðinga í austur-evrópu á fyrstu árum tuttugusta aldarinnar, en margir þeirra yfirgáfu heimkynni sín til að freista gæfunnar á fjarlægum slóðum. Þar mættu þeim hins vegar ólíkar aðstæður, tækifæri og aðlögun, en líka gettó og fordómar. Kristján Guðjónsson ræðir við þýðanda bókarinnar, Jón Bjarna Atlason í þættinum.

Hamraborg festival hefst á morgun í Kópavogi en þetta er í fjórða skipti sem hátíðin er haldin. Þar verða opnaðar sýningar, framdir gjörningar og spilaðir tónleikar - einnig er hægt að skrá sig í vinnismiðjur sem fara fram yfir helgina. Bjarni Daníel leggur leið sína í Hamraborg og ræðir við Agnesi Ársælsdóttir, eina af sýningarstjórum hátíðarinnar og Hildi Elísu Jónsdóttur, listamann.

Í síðari hluta þáttar ræða Rúnar Rúnarsson og Elín Hall kvikmyndina Ljósbrot. Mynd sem gerist á einum degi og frá umfangsmiklum átakanlegum breytingum í lífi aðalpersónunnar Unu. Ljósbrot vakti mikla lukku á Cannes kvikmyndahátíðinni í sumar.

Bein útsending í byrjun Djasshátíðar Reykjavíkur 2024.

Umsjón: Pétur Grétarsson

Útvarpsdjasshljómsveitin:

Hilmar Jensson - gítar

Ingibjörg Elsa Turchi - bassi

Kristófer Rodriguez Svönuson - slagverk

Haukur Gröndal - klarinett

Kristjana Stefánsdóttir - söngur

Hljóðritun: Gísli Kjaran Kristjánsson

Í þættinum er rætt við meðlimi hljómsveitarinnar um djasstónlistina og þeirra eigin tónlist.

Tónlistin sem flutt er beint í útsendingunni:

Things ain't what they used to be - Duke Ellington

Are you here? - Kristófer Rodriguez Svönuson

Mahjong - Wayne Shorter

Tómas Ævar Ólafsson ræðir við Erlu Hlín Guðmundsdóttur sem kemur fram á MÍT Showcase tónleikunum á hátíðinni ásamt kvartetti sínum - einnig kemur þar fram tríó gítarleikarans Alexanders Grybos. Lagið í lok viðtalsins nefnist Thunderclouds og er af nýlegri plötu frönsk amerísku söngkonunnar Cécile McLorin Salvant sem nefnist Ghost Song.

Júlí - Ingibjörg Turchi

Hrafnhildur Bragadóttir, Ragnheiður Gröndal og Stína Ágústsdóttir rifja upp minningar frá djasshátíðum fyrri ára í innslagi Kristjáns Guðjónssonar.

Innslagið endar á Ettu Cameron og Stórsveit Reykjavíkur í Súlnasöl Hótel Sögu á Djasshátíðinni 1999

Things ain't what they used to be - Duke Ellington

Rætt við Pétur Oddberg Heimisson um djasshátíð ársins.

Misty - Errol Garner

Rætt við Kristjónu Stefánsdóttur um Söru Vaughan

Day Dream - Billy Strayhorn

Melkorka Ólafsdóttir ræðir við Stefán S Stefánsson um stórsveitartónlist hans Íslendingur í Uluwata hofi.

Sassy's Blues - Sarah Vaughan/Quincy Jones

Einnig hljóma af hljómplötu nokkrir tónar úr Ups and downs - Shuteen Erdenbaatar - Rising Sun 2023

Á Laugardaginn kemur verður menningarnótt í Reykjavík og víða um borgina eru alls um 400 menningarviðburðir á boðstólnum. Kristján og Bjarni Daníel gera heiðarlega tilraun til að renna yfir þessa risavönu dagskrá og segja frá því helsta sem vakti athygli þeirra.

Í fyrri hluta þáttar heyrum við af bókmenntahátíðinni Queer Situations, en líka af glænýrri bókabúð í hjarta Reykjavíkur og fáum einnig pistil frá Nínu Þorbjörgu Árnadóttur, sem fjallar að þessu sinni um súrrealískar kvikmyndir.

Í seinni hluta tökum við á móti ljóðskáldinu Antoni Helga Jónssyni, sem fagnar nú hálfrar aldar höfundarafmæli og var að gefa út nýja bók af því tilefni. Hann tekur með sér tónlist og segir okkur sitthvað um hlébarða, kaðlaklifur og ljóðasenuna á áttunda áratugnum.

Ferðalög bæði innanlands og utan eru efst á baugi í þætti dagsins. Halla Harðardóttir segir frá mótmælum heimamanna í strandbæjum víða um Evrópu gegn ferðamannaiðnaðinum, og við veltum fyrir okkur einum vinsælasta bíl landsins um þessar mundir, Dusternum. Við fáum svo sendingu frá Feneyjum en Auður Mist Eydal Halldórsdóttir hefur dvalið þar undanfarið, og í seinni hluta þáttar förum við í litla heimsreisu - tökum púlsinn á nokkrum íslenskum ferðalöngum og ræðum við þau um menningarfyrirbæri sem orðið hafa á vegi þeirra í sumar.

Lagalisti:

Spilverk þjóðanna - Húsin mjakast upp

Tucker Carlson's Jonestown Massacre - Dusterlagið

asdfhg - Malbik

Brunaliðið - Sandalar