De Suicide ass nach ëmmer een Tabu-Thema zu Lëtzebuerg. Ma all Dag versichen bis zu 5 Leit hirem Liewen hei am Land een Enn ze setzen. Wéi kann een domat ëmgoen? Wéi sollen d'Medien d'Thema Selbstmord traitéieren an wat sinn d’Grënn hannert esou enger verzweifelter Aktioun?  An de leschte Joren hu sech an der Moyenne méi ewéi 60 Leit zu Lëtzebuerg d'Liewe geholl. D'Emissioun Background stoung haut am Zeeche vum Suicide. Invitéë waren de Marc Stein, Chef vum Service Psychologique bei der Police an den Dokter Fränz D’Onghia vun der Ligue Luxembourgeoise d’Hygiène Mentale.