Í þættinum fáum við til okkar Þorgrím Þráinsson, sem hefur verið óþreytandi í baráttunni fyrir bættri lýðheilsu og forvörnum á Íslandi. Þorgrímur var framkvæmdastjóri tóbaksvarnanefndar á árunum 1996–2004 og formaður nefndar um bætt heilbrigði þjóðarinnar, skipaður af forsætisráðherra árið 2005. Hann leiddi vinnu við skýrsluna Léttara líf árið 2007, þar sem settar voru fram 67 tillögur til úrbóta í lýðheilsumálum.

Þorgrímur ræðir hér framtak sitt, Eldhuga, þar sem hann kynnir 30 punkta áætlun til að bæta líðan og heilbrigði unga fólksins og þjóðarinnar - sem má segja að sé einskonar fyrirmynd af því hvernig við getum byggt upp heilbrigðiskerfi sem styður við heilsu og hjálpar okkur að fyrirbyggja sjúkdoma.

Þorgrímur deilir einnig reynslu sinni af því að starfa með ungu fólki en hann hefur heimsótt hvern einasta skóla á Íslandi undanfarinn áratug og haldið fyrirlestra til að hvetja ungt fólk til að elta drauma sína, bera virðingu fyrir öðrum og setja sér markmið.

Þessi þáttur er ómissandi fyrir alla sem vilja fræðast um hvernig við getum byggt upp heilbrigðara samfélag og veitt næstu kynslóðum innblástur til að lifa lífi sínu af heilindum og heilbrigði.

Við erum stoltar af því að kynna heilsuherinn okkar - fyrirtæki sem ætla að koma með okkur í þetta heilsuferðalag - til heilsueflingar! 

Bíóbú framleiðir lífrænar mjólkurvörur sem innihalda meira af góðum fitusýrum en hefðbundnar mjólkurvörur

Brauð&Co - nota lífrænt korn í ekta súrdeigsbrauð - ekkert ger og engin aukaefni - allt búið til á staðnum

Greenfit - býður upp á heilsumælingar og meðferðir  - styður fólk til betri heilsu 

Hagkaup - býður upp á úrval hreinna ferskra matvæla, lífrænna matvara og bætiefna 

Húsaskjól - umhverfisvæn fasteignasala sem býður upp á meiri upplýsingar í rauntíma en gengur og gerist

Hreyfing - í forystu heilsueflingar í áratugi og valin besta stöðin sl. fjögur ár samkvæmt Maskínu

Saltverk - sjálfbært, hreint, óunnið íslenskt salt - þurrkað með jarðhita og inniheldur frá náttúrunnar hendi öll stein- og snefilefni