Truecopy THINK - Malayalam Podcasts

രണ്ട് വർഷത്തിൽ ഒരിക്കൽ നടക്കാറുള്ള ആഫ്രിക്കൻ കപ്പ് ഓഫ് നേഷൻസ് (AFCON) ഫിഫയുടെയും യൂറോപ്യൻ ഫുട്ബോൾ ക്ലബ്ബുകളുടെയും സമ്മർദ്ദം കാരണം നാല് വർഷത്തിൽ ഒരിക്കൽ ആക്കാൻ തീരുമാനിച്ചിരിക്കുകയാണ്. ഈ തീരുമാനം എങ്ങനെയാണ് ആഫ്രിക്കൻ ഫുട്ബോളിനെ മോശമായി ബാധിക്കുന്നതെന്ന് വിശദീകരിക്കുകയാണ് അന്താരാഷ്ട്ര പ്രശസ്തനായ ഫുട്ബോൾ ലേഖകൻ ദിലീപ് പ്രേമചന്ദ്രൻ.

കളി കാണാതെ 1- 0 എന്ന സ്കോർ മാത്രം കണ്ടവർക്ക് സെനഗൽ - മൊറോക്കോ ഫൈനൽ ഒരു വിരസമായ കളിയായിരുന്നു എന്നു തോന്നാം. എന്നാൽ ഈയടുത്ത് നടന്ന ഏറ്റവും ഉജ്ജ്വലമായ ഫുട്ബോൾ മത്സരമായിരുന്നു AFCON ഫൈനലിലേത്. കളിക്ക് കളി, കളി തീരുന്ന മിനുറ്റിലെ പെനാൽറ്റി. തർക്കം. 20 മിനുറ്റ് കളി നിർത്തിവെക്കാൻ കാരണമായ സെനഗൽ വാക്കോഫ്, സെനഗലിൻ്റെ വമ്പൻ തിരിച്ചുവരവ്. കളിയും ഡ്രാമയും നിറഞ്ഞ ഫൈനൽ വിലയിരുത്തുകയാണ് അന്താരാഷ്ട്ര പ്രശസ്തനായ ഫുട്ബോൾ ലേഖകനായ ദിലീപ് പ്രേമചന്ദ്രനും കമൽറാം സജീവും.

ചിലർ കളിക്കുന്നു. ചിലർ വായിക്കുന്നു. അതാ, അവിടെയൊരു സ്പീച്ച്, അപ്പുറത്തൊരു കോൺസെർട്ട്, ഒരാൾ നൃത്തം ചെയ്യുന്നു, മറ്റൊരാൾ നിലത്തിരുന്ന് ചിത്രം വരക്കുന്നു. ഐസ് ക്രീമുമായി മറ്റൊരാൾ. അതിനിടയിൽ ചെറിയ കുട്ടികൾ പന്തുകളിക്കുന്നു. പ്രമുഖ അന്താരാഷ്ട്ര സ്പോർട്സ് ജേണലിസ്റ്റായ ദിലീപ് പ്രേമചന്ദ്രൻ്റെ ലോകസഞ്ചാരം വളരെ വലുതാണ്. ഫുട്ബോൾ ആവട്ടെ ക്രിക്കറ്റ് ആവട്ടെ കളികൾ പോലെ ദിലീപിന് പ്രിയപ്പെട്ടതാണ് ഗ്രൗണ്ടുകളും സ്ക്വയറുകളും പോലത്തെ പൊതു സ്ഥലങ്ങൾ. “കുട്ടികൾക്കും കളിയിലെ താൽപര്യം വരാൻ ആദ്യം ചെയ്യേണ്ടത് കോച്ചിംഗ് അല്ല, അതു തുടങ്ങേണ്ടത് ഓപ്പൺ സ്പെയിസിൽ പന്തുതട്ടിക്കളിച്ചിട്ടാണ്.” ദിലീപ് പ്രേമചന്ദ്രൻ കമൽറാം സജീവുമായി സംസാരിക്കുന്നു.

ഒരു ശലഭത്തിന്റെ പ്രവചനാതീതമായ ചലനനിയമങ്ങൾ പോലെ, ഭാഷയെയും ഭാവനയെയും ആഖ്യാനത്തെയും ആവിഷ്കരിക്കുന്ന, മലയാളത്തിൽനിന്ന് ഭാവിയിലേക്കുള്ള നോവൽ. അരുൺ പ്രസാദ് എഴുതി റാറ്റ് ബുക്സ് പ്രസിദ്ധീകരിച്ച 3 AM എന്ന നോവലിൽനിന്ന് ഒരു അധ്യായം കേൾക്കാം.

ജലന്ധർ അതിരൂപത ആർച്ച് ബിഷപ്പായിരുന്ന ഫ്രാങ്കോ മുളയ്ക്കലിനെതിരായ ബലാത്സംഗ കേസിലെ അതിജീവിത, സിസ്റ്റർ റാണിറ്റ് കഴിഞ്ഞ ദിവസമാണ് സ്വയം വെളിപ്പെടുത്തിക്കൊണ്ട് ഏഷ്യാനെറ്റിന് അഭിമുഖം നൽകിയത്. അതിലവർ താനനുഭവിച്ചതും അനുഭവിച്ചു കൊണ്ടിരിക്കുന്നതുമായ കടുത്ത നീതിനിഷേധത്തെക്കുറിച്ച് വിശദമായി സംസാരിച്ചിരുന്നു. ഈ പശ്ചാത്തലത്തിൽ ഫ്രാങ്കോ മുളയ്ക്കൽ കേസിനെക്കുറിച്ചും കേസിനെ തുടർന്നുള്ള സിസ്റ്റർ റാണിറ്റിൻ്റെ ജീവിത സാഹചര്യങ്ങളെക്കുറിച്ചും സഭയ്ക്കുള്ളിൽ കന്യാസ്ത്രീകൾ അനുഭവിക്കുന്ന പ്രശ്നങ്ങളെക്കുറിച്ചും സഭയിലെ പൗരോഹിത്യാധികാരത്തിൻ്റെ ധിക്കാരത്തെക്കുറിച്ചും സംസാരിക്കുകയാണ് കത്തോലിക്കാ വൈദികനും ഫ്രാങ്കോ മുളയ്ക്കലിനെതിരായ സമരത്തിൻ്റെ നേതാവുമായിരുന്ന ഫാദർ അഗസ്റ്റിൻ വട്ടോളി.

സോവിയറ്റ് യൂണിയന്റെ തകർച്ചക്കുശേഷം മൂന്നുപതിറ്റാണ്ടിന്റെ ‘സ്വതന്ത്ര ലോകം' ബാൾട്ടിക് രാജ്യങ്ങൾക്ക് നൽകിയതതെന്താണ്? അപരവൽക്കരണത്തിന്റെയും വലതുപക്ഷവൽക്കരണത്തിന്റെയും മൂലധനാധിനിവേശത്തിന്റെയും പുത്തൻ ദേശീയതാനിർമാണത്തിന്റെയും ആഗോള ഭൂപടത്തിലൂടെയുള്ള ഒരു യാത്ര

ഒടുവിൽ ഷാബി അലോൻസോയും തെറിച്ചു. സ്പാനിഷ് സൂപ്പർ കപ്പ് ഫൈനലിലെ ബാഴ്സലോണയോടുള്ള തോൽവി മാത്രമാണോ റിയൽ മാഡ്രിഡിൻ്റെ കോച്ചിൻ്റെ അകാലത്തിലെ തൊഴിൽ നഷ്ടത്തിനു കാരണം? ഇപ്പോൾ ബ്രസീൽ ടീമിൻ്റെ കോച്ചായ കാർലോ ആൻസെലോട്ടി, റിയൽ വിടുന്നതിനു മുമ്പ് അലോൻസോയ്ക്ക് മുന്നറിയിപ്പ് കൊടുത്തതാണ്, ഇതുപോലെ ഡേഞ്ചറസ് ആയ ഒരു ഡ്രെസ്സിംഗ് റൂം വേറെയില്ലെന്ന്. എന്താണ് അലോൻസോയെ പറഞ്ഞയച്ച യഥാർത്ഥ പ്രശ്നം? പ്രശസ്ത അന്താരാഷ്ട്ര ഫുട്ബോൾ വിദഗ്ധനായ ദിലീപ് പ്രേമചന്ദ്രനും കമൽറാം സജീവും സംസാരിക്കുന്നു. കൂടെ റൂബെൻ അമോറിമിനു പകരം മാഞ്ചസ്റ്റർ യൂണൈറ്റഡിൻ്റെ ഇൻ്ററിം കോച്ചായി വന്ന മൈക്കൽ കാറിക്കിൻ്റെ സാധ്യതകളും ചർച്ച ചെയ്യുന്നു.

അരങ്ങിൽ എത്തേണ്ട കലയുടെ സ്വഭാവവും സ്വരൂപവും തീരുമാനിക്കുന്നതിൽ വിദ്യാഭ്യാസപരമായ ഒരു സാധൂകരണവും കാണാനാവില്ല. വിദ്യാർത്ഥികളുടെ സ്വതസിദ്ധമായ സർഗത്മകപ്രകടനം പേരിനുപോലും അവകാശപ്പെടാൻ കഴിയാത്ത വിധത്തിലാണ് അത് ചിട്ടപ്പെടുത്തിയിരിക്കുന്നത്. കലോത്സവവുമായി ബന്ധപ്പെട്ട പണച്ചെലവ് സാമൂഹ്യനീതി ചോദ്യം ചെയ്യപ്പെടുന്ന തരത്തിലായിട്ടുണ്ട്- ഡോ. പി.കെ. തിലക് എഴുതുന്നു.

ശ്രീനിവാസൻ അഭിനയിച്ചതു കൊണ്ടു മാത്രമാണ് 'പൊൻമുട്ടയിടുന്ന താറാവി'ലെ ആ കഥാപാത്രം എക്കാലത്തും നിലനിൽക്കുന്നത്. കെ.പി.എ.സി ലളിതയുടെ അസാധ്യ പെർഫോമൻസാണ് ചിത്രത്തിൽ കണ്ടത്. സത്യൻ അന്തിക്കാടിനെ കുറിച്ചും ഒപ്പം ചെയ്ത സിനിമകളെ കുറിച്ചും രഘുനാഥ് പലേരി സംസാരിക്കുന്നു. സനിത മനോഹറുമായുള്ള അഭിമുഖത്തിൻ്റെ നാലാം ഭാഗത്തിൽ.

നമ്മുടെ നാട്ടിൽ മെഴുക്കുവരട്ടിയിലെ ഉരുളക്കിഴങ്ങിന് പച്ചക്കറിയുടെ സ്ഥാനമാണെങ്കിൽ നെതെർലാൻഡ്സിലും ബെൽജിയത്തിലുമൊക്കെ അത്താഴം പലപ്പോഴും ഉരുളക്കിഴങ്ങും ഏതെങ്കിലും പച്ചക്കറിയും ഇറച്ചിയുമാണ്. മെഴുക്കുവരട്ടിയുടെ പോലെ സൈഡല്ല ഉരുളക്കിഴങ്ങ്​. ചോറിനും ചപ്പാത്തിക്കും പകരമാണ്. ഉരുളക്കിഴങ്ങിനെക്കുറിച്ചുള്ള ചില യൂറോപ്യൻ അനുഭവങ്ങൾ