Í þessum seinasta Lestarþætti fyrir sumarfrí grandskoðum við nýja tegund auglýsinga. ?Branded entertainment? kallast það þegar fyrirtæki standa fyrir framleiðslu efnis sem er ætlað að auka velvild í garð fyrirtækisins. Fjölmargir íslenskir sjónvarpsþættir, hlaðvörp og tónlistarhátíðir hafa verið framleidd með þessum hætti.

Berglind Rós Magnúsdóttir heldur áfram að fjalla um stéttaskiptingu í íslensku samfélagi og að þessu sinni beinir hún sjónum sínum að þorpum og hverfum.