“Fisch för veer – Ein letztes Mahl”, so heet de Krimi-Kummedie, de dat siet verleden Sünndag in't Ohnsorg-Theater to beleven gifft. Wi hebbt uns dat Stück ankeken un vertellt Jo, wat sik dat lohnt sik dat antosehn. Denn sünd wi ok noch in de Sinsdörper Kark to Besöök. De ole un wunnerschöne Kark is en vun vele historsche Hüüs in Hamborg un ganz Düütschland, de mitmaken doot bi'n “Dag vun’t apene Denkmaal”. Un wi kiekt över’n Hamborger Töllerrand: na Neddersassen, dor hett verleden Week Minsterpräsident Olaf Lies de ne’e Akschoon „Freedag is Plattdag“ vörstellt. Un wi kiekt ok na Sleswig-Holsteen, denn dor is in’n Kieler Landdag över en ne’et Plattdüütsch-Gesett debatteert un afstimmt worrn. Wi vertellt Jo, wat dorbi rutkamen is.

Moderatschoon: Jan Wulf

In't Ohnsorg-Theater geiht de ne'e Speeltiet los: an'n Sünndag, den 30. August, fiert op de Bühn an'n Heidi-Kabel-Platz de Kummedie-Klassiker "Fisch för Veer - Ein letztes Mahl" Premieer. Bi "Wi snackt Platt" vertellt de Schauspelers Meike Meiners, Beate Kiupel, Birte Kretschmer un Oskar Ketelhut op wat Ji Jo bi dat Stück freien köönt. Denn geiht dat ok noch üm dat ne'e "Nettwark Junge Lüüd", dat sik bi dat Nedderdüütschsekretariat vun'n Bunnsraat för Nedderdüütsch grünnt hett. Wi hebbt mit de Sprekersch vun dat Nettwark Janine Siewert snackt. Un wi sünd op den Buernhoff vun Jung-Buersfro Nele Brockmann in Vahlzen in'e Lümborger Heid to Besöök.

Moderatschoon: Jan Wulf

Mehr in Saken Plattdüütsch bi'n NDR gifft dat op de Internetsiet ndr.de/platt

Im Ohnsorg-Theater beginnt die neue Spielzeit: Am Sonntag, dem 30. August, feiert auf der Bühne am Heidi-Kabel-Platz der Komödienklassiker "Fisch für vier - Ein letztes Mahl" Premiere. Bei "Wi snackt Platt" erzählen die Schauspielerinnen und Schauspieler Meike Meiners, Beate Kiupel, Birte Kretschmer und Oskar Ketelhut, worauf man sich bei dem Stück freuen kann.
Außerdem geht es um das neue "Netzwerk Junge Lüüd", das sich beim Niederdeutschsekretariat des Bundesrates für Niederdeutsch gegründet hat. Wir haben mit der Sprecherin des Netzwerks, Janine Siewert, gesprochen. Und wir besuchen die Jungbäuerin Nele Brockmann auf ihrem Bauernhof in Vahlzen in der Lüneburger Heide.

Moderation: Jan Wulf

Dütmal geiht dat bi uns üm de Deichpartie Finkwarder. An't tokamen Wekenenn, den 29. un 30.8., fiert ganz Finkwarder en grotet Kulturfestival - un Ji köönt dorbi ween! Bi "Wi snackt Platt" vertellt Jo de Finkwarder Bäckermeister Jan-Henning Körner mehr doröver, wat Ji bi de Deichpartie allens beleven köönt. Denn sünd wi ok noch bi de Proven vun't Noordersteder Amateurtheater (NAT) in Hamborg-Langenhoorn to Besöök: an'n 11. September fiert dat NAT Premieer mit den beröhmten Kummedie-Klassiker "Charleys Tante" - un: de plattdüütsche Songcontest "Plattbeats" för junge Lüüd geiht wedder los! Wi snackt mit den Baas vun't Lännerzentrum Thorsten Börnsen, wat junge Musikers un Bands doon mööt, wenn se dorbi ween wüllt.

Moderatschoon: Jan Wulf

Mehr över Plattdüütsch bi'n NDR finnt Ji ünner ndr.de/platt

Dütmal sünd wi bi den "Klub langer Menschen" in Hamborg to Besöök, Yared Dibaba vertellt wat över siene ne'e Fernsehsennen "Yareds Zeitreise", dorto wiest wi hen op en plattdüütschen Avend mit Marie-Sophie Koop un Ledermakersch Lena Fink Stoltenberg an'n Sünnavend, den 22. August, avends vunaf Klock 8 in't LOLA Kulturzentrum in Bardörp - un Gerrit Hoss vertellt en Geschicht över Fischbrötchen.

Moderatschoon: Jan Wulf

Dütmal snackt wi mit Helmut Hamke över dat Festival op Platt mit Timsen vun'e Band Santiano, Gerrit Hoss un Sandra Keck, dat dat an'n Sünndag, den 9. August 2026, namiddags vunaf Klock 3 in Elmshorn to beleven gifft. Un wi hebbt twee Winner-Geschichten vun uns Geschichtenwettstriet "Vertell doch mal" för Jo: de Geschicht "Hochtietsdag" vun Christine Buettner ut Wedel un de Geschicht "Shoppy" vun Marcus Buck ut den Landkreis Stood.

Dütmal sünd wi in't Museumsdörp Volksdörp to Besöök. Wi kiekt uns de Smeed, den Krämerladen un dat Spiekerhuus an, snackt mit Museumswart Egbert Läufer un den Vereensvörsitter Reimer Lindemann, laat uns vun Marlies Stiefs un Heike Götz wat över dat Spinnen vertellen, lehrt de Lüüd vun'n Volksdörper Plattkrink kennen - un bavento maakt ok noch de "Dörpkapell" vun't Museum Musik för uns.

Dütmal hebbt wi ganz wunnerbare plattdüütsche Geschichten vun Hamborger Schölerinnen un Schölers för Jo. “Jungs un Deerns leest Platt” - so heet de plattdüütsche Leeswettbewarv vun’e Hamborger Scholen. De eerstplatzeerten Winnerinnen un Winners hebbt Ji hier bi “Wi snackt Platt” al vör en poor Weken höört, man bi't Finale op de grote Bühn vun't Ohnsorg-Theater weern noch so vele anner junge Vörleestalenten mit dorbi!

Dütmal sünd wi bi den Bardörper Wevkrink to Besöök, wi stellt Jo dat ne'e Book "Digitalisierung und KI - Verständlich erklärt und op Platt" vör, dorto maakt wi ok noch en lütten Utfloog hen na de Noordsee un stellt Jo en lütte Kapell för Feriengäst in Cuxhaven-Duhnen vör - un Frank Jakobs vertellt uns mehr över de "Sömmerferien" in Oostfreesland - mit en Oogenplinkern, versteiht sik. ne’et Book vör, wo Begrepen ut de Computerwelt in eenfach Wöör verkloort warrt – op Platt versteiht sik.

(00:00:00) Intro
(00:45) Uns Noorden - Norma
(04:28) Dat Book "Digitalisierung und KI op Platt" - Reinhard Goltz
(08:26) Kortenspeel - Lars & Dixi
(10:26) De Bardörper Wevkrink
(14:38) Strand! Goot! - Wattenläufer
(18:07) De Kapell för Feriengäst in Cuxhaven-Duhnen
(22:06) Achter Dünen un Diek - Godewind
(25:21) Sömmerferien - "Oostfreesland in echt" mit Frank Jakobs
(27:24) Ganz genauso - Timsen

Düssen Dingsdag is dat vun'e Hamborger Quickborn-Vereenigen künnig maakt worrn: Rolf Zuckowski warrt för siene Verdeensten för de plattdüütsche Spraak mit den Quickborn-Pries 2026 ehrt. An'n 26. September is de Priesvergaav in Lichtwarksaal vun'e Carl-Toepfer-Stiften. Wi graleert Rolf Zuckowski to sienen Pries un wi snackt mit em över de plattdüütschen Leder, de he för de Finkwarder Speeldeel schreven hett, över sien Leevde to de plattdüütsche Spraak un över de plattdüütschen Projekten vun siene Stiften "Kinder brauchen Musik". För Rolf Zuckowski is kloor: Plattdüütsch deit Kinner goot - un he apelleert an'e Hamborger Schoolpolitik: "Wi bruukt mehr Lehrinnen un Lehrers, de Plattdüütsch snacken un lehren köönt!"

Dat is aver lang noch nich allens düsse Week bi "Wi snackt Platt", denn wi sünd ok noch bi de "Aquarienfreunde Stellingen" to Besöök - un dat geiht üm den Autor Johann Diedrich Bellmann: 20 Johr is dat nu her, dat de plattdüütsche Dichtersmann un Denker in't Öller vun 76 Johr storven is. Wi besinnt uns op em.

Vörhang op för den Platt-Nawass! Bummelig 150 Schölerinnen un Schölers ut 26 Hamborger Scholen hebbt in de verleden Maanden mitmaakt bi de Vörentscheden vun den plattdüütschen Leeswettstriet vun'e Hamborger Scholen. Dörteihn vun jüm weern nu bi't grote Finale vun "Jungs un Deerns leest Platt" op de grote Bühn vun't Ohnsorg-Theater to beleven. Freit Jo dütmal bi "Wi snackt Platt" op de Geschichten vun de Winnerinnen un Winners: op Max Schröder ut de veerte Klass vun'e School Arp-Schnitger-Stieg mit de Geschicht "Appelkerne fördert de Intelligenz" vun Uta Heinrich, op Emma Hausschildt ut de sösste Klass vun Stadtdeelschool In den Reethen mit "De grote Aalkatastroph vun Finkwarder" vun Heiko Hausschildt, op Lina Weidmann ut de sövte Klass vun't Gymnasium Finkwarder mit de Geschicht "Nümms will mi hebben" vun Bernhard Koch un op Charlotte Schierwater ut de ölvte Klass vun'e Stadtdeelschool Neendörp mit den Text "De Danzmeester" vun Bolko Bullerdiek.