Bi "Wi snackt Platt" dreiht sik dat nochmal veel wat üm de Sprakencharta, wo se nülichs ok in'n Bunnsdag över snackt hebbt un wi höört wat över dat ne'e Stück in't Ohnsorg-Theater. Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Üm un bi 40 Minuten hebbt Afornte ut all Frakschonen an'n Dunnersdag över "25 Johr Charta för Regionaal- oder Minnerheitenspraken" debatteert. Kloor, dat wi dor ok bi "Wi snackt Platt" över snacken wüllt. Man dat is noch lang nich allens: denn dat schall ok noch üm uns ne'et Plattdüütsch Hörspeel "De Kawentsmann" gahn, un wi stellt Jo dat ne'e Stück "Drievjagd in Knevelsfehn" vun'e Bickbeern Schweizer Speeldeel in Rosengoorn vör.

Moderatschoon: Jan Wulf

Bi "Wi snackt Platt" geiht dat dütmal üm de grote Bunnspolitik: denn tokamen Dunnersdag, den 2. März, dor warrt in’n Düütschen Bunnsdag Platt snackt. 25 Johr Europääsche Charta för Regionaal- oder Minnerheitenspraken, dat is dat Thema vun de Debatt – un ok de Hamborger Bunnsdagsafornte vun de Grönen Linda Heitmann warrt dor een Reed op Platt holen. Denn stellt wi Jo bi "Wi snackt Platt" ok noch de plattdüütsche Band „Rockwark“ vör, un wi sünd in’t Lichthof-Theater to Besöök: „Dat Leven vun de Liven“ heet dor en ne’et Stück. En Tosamenarbeit mit dat Ohnsorg-Theater is dat.

Moderatschoon: Jan Wulf

Dütmol geiht dat blangen anner Saken üm en Nedderdüütschen Spraakatlas, den Wetenschoplers vun’e Uni Kiel rutbröcht hebbt, wi denkt nochmal an Ulf-Thomas Lesle, de an'n 8. Februor in't Öller vun 75 Johr storven is, dorto stellt wi Jo dat plattdüütsche Höörspeel "Hungern un Freten" vun Hans-Hinrich Kahrs vör, un wi snackt mit Christiane Ehlers vun‘t Nedderdüütschsekretariat mit Sitt in Hamborg: över en wunnerbare ne’e Broschüür to’t Thema Plattdüütsch un över Schiller, de een in sien Laden oder Geschäft ophangen kann, üm to wiesen: hier warrt Platt snackt!

Moderatschoon: Jan Wulf

Dütmal geiht dat bi uns üm dat ne'e Theaterstück "Leveslocken" vun dat Amateurtheater Duvensteed. Denn hebbt wi noch twee plattdüütsche Geschichten för Jo, un wi maakt en lütten Utfloog hen na de Insel Börkum. Dree Lüchttoorns gifft dat dor, un wi hebbt en Mann drapen, de kennt sik richtig goot mit düsse dree Blinkfüer ut un hett sogar en Book doröver schreven.

Moderatschoon: Jan Wulf

Bi "Wi snackt Platt" geiht dat düsse Week üm den Orchideen-Experten Wolf Baus, dorto stellt wi Jo dat ne'e Stück vun de Hittfelder Speeldeel vör, dat geiht üm dat Plattdüütsche Höörspeel "Jan Dävel", un wi snackt mit den Ledermaker Rolf Zuckowski.

Moderatschoon: Jan Wulf

Dütmal dreiht sik dat bi "Wi snackt Platt" üm saftige Appels, üm Plattdüütsch as Spraak - dat dat goot is, dat se snackt warrt, geiht aver ok üm de Fraag, wo se noch snackt warrt. Un wi vertellt Jo noch 'n beten wat över en ganz gediegen Platt - över dat Kedelklopper-Platt.

Moderatschoon: Jan Wulf

Dütmal geiht dat bi "Wi snackt Platt" üm dat Stück "De leven Öllern", dat an'n 15. Januar in't Ohnsorg-Theater Premieer fiert hett. Denn vertellt ok noch Schauspelersch Sandra Keck dorvun, wat dat an’n 30. un 31. Januar bi Ohnsorgs to beleven gifft, un wi stellt Jo en ne’e App för dat Smartphone vör. Dor köönt Ji Jo ole Drachten ut Norddüütschland ankieken un de sogar ok sülvst mal virtuell anprobeern.

Moderatschoon: Jan Wulf

"Tohuus" - dat is uns Thema düt Johr bi "Vertell doch mal", uns plattdüütsche Schrievakschoon, wo de NDR tohoop mit Radio Bremen un dat Ohnsorg-Theater Joon Geschichten to söken deit. Un nich bang ween, dat Platt mutt nich perfekt ween, denn Hauptsaak is, dat Ji Spaaß hebbt bi't Schrieven. Dat köönt Saken ween, de Ji in'n Alldag tohuus beleevt hebbt, en Krimi, de tohuus spelen deit oder oder oder… Eenunhalf Sieten dröfft Joon Geschicht lang ween, bet Enn Februar mutt se in'e Post liggen un'n beten wat an Geld kann een ok noch bi winnen. Schull Jo blots de Idee dorto noch fehlen, denn höört Ji Sünndag bi "Wi snackt Platt" twee Geschichten ut uns Reeg "Hör mal 'n beten to", de sik üm dat Thema "Tohuus" dreihen doot. De een kummt vun Gerd Spiekermann, de anner vun Reimer Bull un villicht bringt Jo dat ja op en Gedanken to Joon Geschicht.

Moderatschoon: Jürgen Fitschen

De Schrievakschoon "Vertell doch mal" löppt wedder. Wi söökt de beste Kortgeschichte op Platt to't Thema "Tohuus".

Mehr Infos ünner https://ndr.de/vertell

Moderatschoon: Jan Wulf