Hierdie week gaan ry Wiele2Wiele met Mercedes-Benz se splinternuwe luukse GLC-sportnuts en ervaar hoe dit is om met die Toyota Rav4 se inprop-hibried te leef. Hulle gesels oor die 2023 Nampo Oesdag en daar is motorfiets-verwikkelinge in hierdie motorhuis. Wiele2Wiele op Facebook · Wiele2Wiele op Maroela Media

Wiele2Wiele het die bekendstelling van Jeep se nuwe vyfsitplek-Grand Cherokee bygewoon. Hulle gaan ry met Hyundai se i30 N warm-luikrug en bespaar brandstof met Toyota se Corolla Hatch Hybrid. Hulle gesels ook met Jamie Surkont, oor hoe sy passie gelei het tot die ontstaan van get\Worth. Vir 2Wiele, kuier Clinton Pienaar van KTM Kaapstad in die ateljee. Wiele2Wiele op Facebook · Wiele2Wiele op Maroela Media

Hierdie week gaan ry Wiele2Wiele met die nuwe Honda Civic Type R, wat spog met ’n baanrekord by die Suzuka- en Nürburgring-renbane, en ook ’n klaskategoriewenner by die 2023 Simola-heuwelren was. Hulle is opgewonde oor Kia se pragtige Sportage wat nou as ’n dieselmodel beskikbaar is en gee huiswerk vir die luisteraars rakende die ruil van ʼn spaarwiel. “Hierdie was die beste een nóg!”, is op almal se lippe na die 2023 Simola-heuwelren en die span gesels oor hoe die weer ’n groot rol gespeel het. Wiele2Wiele op Facebook · Wiele2Wiele op Maroela Media

Hierdie week gesels Wiele2Wiele oor Toyota wat sy splinternuwe Urban Cruiser bekendgestel het en hulle gaan ry met Hyundai se vlagskip Palisade. Hulle raak opgewonde oor die Simola-heuwelren wat die komende naweek plaasvind, gee raad oor restourasie-projekte en gesels oor hoëwerkverrigting-fietse vir 2Wiele. Wiele2Wiele op Facebook · Wiele2Wiele op Maroela Media

Wiele2Wiele gaan ry hierdie week met Mercedes-Benz se vol-elektriese EQC 400, dan stel Suzuki sy nuwe Grand Vitara bekend en jy kry ook ’n lusmaker van die Simola-heuwelren wat van 5-7 Mei plaasvind. Wiele2Wiele op Facebook · Wiele2Wiele op Maroela Media

Wiele2Wiele ry hierdie week in besigheidsklas met BMW se 740i, spandeer tyd met Ford se nuwe Ranger XLT 2.0L BiTurbo-bakkie en ervaar hoe die Chinese die koppe laat draai met hulle Baic Beijing X55. Daar is ook ʼn les oor skokbrekers en vere, gevolg deur ’n geskiedenisles oor die Britten-motorfiets. Wiele2Wiele op Facebook · Wiele2Wiele op Maroela Media

Hierdie week gaan Wiele2Wiele saam met Ford en sy nuwe enkel- en superkajuit-Ranger-bakkies op ’n avontuur om ’n verskil te maak. Hulle rits rond met die Fiat 500X, gesels oor die Motor van die Jaar-toetsdae, raak slim oor voertuig-platforms en vir 2Wiele is daar ’n BMW Motorrad-geskiedenisles. Wiele2Wiele op Facebook · Wiele2Wiele op Maroela Media

Hierdie week verken Wiele2Wiele die Karoo se besonderse skoonheid van twee kante af – aan die een kant met Toyota SA en sy nuwe 2023 Fortuner en aan die ander kant, saam met Kia SA en sy Seltos. Dit is ook weer tyd vir die Motor van die jaar-toetsdae, waar die 21 finaliste behoorlik op die proef gestel word. Hannes Visser deel die opwinding en ook hartseer van die onlangse Nkomazi 400-veldren en daar is ook terugvoer oor die Ducati 1098 wat uit die waakeenheid is. Wiele2Wiele op Facebook · Wiele2Wiele op Maroela Media

Hierdie week gesels Wiele2Wiele oor Renault wat sy spliternuwe Captur bekendgestel het en hulle ry met Toyota se Hilux GR-Sport en die GR86. Hulle gee raad oor wat jou banddruk moet wees as jy met jou 4x4 in die sand wil gaan baljaar en vertel jou alles oor BMW se R18 monster-motorfiets Wiele2Wiele op Facebook · Wiele2Wiele op Maroela Media

Hierdie week gaan Wiele2Wiele op ‘n Sanipas-avontuur met die nuwe Ineos Grenadier, wat gemaak is om enige terrein aan te pak. Hulle gaan ry ook met Volkswagen se Polo-sedan, gesels oor die belangrikheid van olie en gaan ry met BMW se K1600 GT-motorfiets. Wiele2Wiele op Facebook · Wiele2Wiele op Maroela Media